المواد الاختيارية للأحياء

[CuteE]

السلام عليكم..

انا حابة اسأل عن المواد الاختيارية
اللي في قسم الاحياء واي وحدة تعرف
ياريت ماتبخل عليا..
وشكرااااا

[:. مآء السمآء .:]

المواد الاختياريه على حسب تخصصك نبات ولا حيوان ولا مايكرو واذا انت لسه ماتخصصتي لا تنزلي مواد اختياريه
لانه زي ماقلتلك تعتمد ع تخصصك

اللي اعرفها انا في تخصصي

اسس تقسيم كائنات دقيقه .. ماده سهله وحلوه بساعتين ودكتورتها تجنن وتاخذي فيها +A
وراثه كائنات دقيقه .. برضو الماده سهله بـ 3 ساعات
في مواد اختياريه مع دكتوره زكيه القناوي ماانصح احد ياخذ معاها زي تلوث ميكروبي ومايكروبيولوجي صناعيه وتربه واراضي مررره لا تاخذي معاها المواد غلسه والدكتوره اغلس بس اهونهم تلوث ميكروبي

في بيئه طحالب ماده بـ 3 ساعات مع دكتوره نجاح عبدالواسع .. الماده مو صعبه بس ممله وكلها اسماء طحالب كثير والدكتوره كل اسألتها عن تعتمد ع حفظك لاسماء الطحالب وبيئاتها بس يعني مااحد ياخذ في الماده أقل من 85

وبالنسبه لقسم الحيوان .. اتذكر نزلت ماده اسمها زراعه انسجه مع دكتوره فاطمه القدسي بس حذفتها ع طول لانه الماده ماتنحسب لي لاني مايكرو بس اللي باين ع الماده انها غلسه مع انه دكتوره فاطمه زي العسل

وفي ماده اسمها حشرات اقتصاديه مااعرفها طبعا بس سمعت عنها من بنات الحيوان

هذا اللي اعرفه انا

ان شاء الله يكون في احد تخصصه نبات ولا حيوان يجي يفيدك



الساعات الاختياريه 10 ساعات لازم يكون 6 منها من نفس تخصصك هذا الكلام قالت له الترم اللي فات استاذه في العماده وقت ماكنت اسوي اوراق التخرج .. فـ انتبهي لذا الشي لانه اللي عندنا في القسم بس يضيفوا لك وهما ساكتين مايقولوا لك ايش اللي لازم تاخذيه ولا ايش المطلوب منك وبعدين وقت التخرج تتورطي ويقولوا لك ناقصك ساعه زي اللي صار مع صحبتي الترم اللي فات ووقفوا تخرجها


<= كلامي كثيييير

الله يوفقك يارب


اختكـ .. مآء السمآء