السنة التحضيرية حسب تجربة شخصية (دفعة 14)

[ططال عمري]

جميل جميل ,
و نعم والله فيك يا مآهر , وضحت أمور تفيد ان شاء الله الطلاب الجدد دفعة 14 ,
جزاك الله خير ,

و عسآك تنقبل هندسة زي مآ انت كآتب , و تنورنـآ بـ كليتنـآ يآ بطل ,
بالتوفيق ,"

[Maher Al Johani]

المشاركة الأصلية كتبت بواسطة سوسو الحلوا هي مهي سهله ولا صعبه متوسطه ويبغالها مذاكره اول في اول وشوي يكون ضغوط بذات الي كان عندهم انجليزي بالنسبه لي كرهت التحضيري من الانجليزي اخمج في الكلاس وما استفيد شي من شرح الاستاذه والماده جدا سهله ومايحتاج انك تذاكرها بس الي يقهر الكلاس حقها طويل جدا

نرجع ونقول تعتمد عليك وعلى أجتهادك وتحملك للمسؤولية
من ناحية الانجليزي الهدف منها ممارسة اللغة بقدر المستطاع وأعتقد أن ليس هناك من ينكر ما استفدناه منهم ، الفئة الغير مستفيدة هم من مستوياتهم أعلى من مناهج headway التي تقدمها الجامعة.
وأشكرك على مرورك أختي الكريمة "سوسو الحلوا"

المشاركة الأصلية كتبت بواسطة Fanno Amoudi والله الحمدلله انها عدت هي مو صعبة ومو سهلة بس يبغالها متابعة أول بأول ومُرهقة حبتين وحلوو لما تاخذوا الانجلش من المستوى الرابع الترم الأول يكون متعب في نصو الثاني بس , أما الترم الثاني يسير الدوام يومين وساعدني حكاية انه الويكيند عندي 4 أيام كنت كل يوم أمسك تشابتر في الأحياء ما يجي الأحد إلا مخلصته وكل أسبوع أمسك مادة الحمدلله دا شي يساعدكم انك تكونوا مختمين جزئية الاختبار قبل ما تبدأ بأسبوع ولا تعتمدوا على مزاكرتكم بالطرق الموجودة في المنهج هم أسلوبهم يدوكم المعلومات ويجيبولكم في الاختبار أفكار جديدة بلفة خصوصا مواد الفهم زي الفيزيا والرياضيات والاحصاء حتى الأحياء يجي كم سؤال يعتمد على انه انتو عندكم المعلومات هيا استنتجوا بس الحلو فيها انكم على قد ما تتعبوا كتير على قد ما تفرحوا بالنتيجة في النهاية

مثل ما تطرقتي للتجهيز قبل الاختبارات بفترة ... وأعتقد أن المراجعة أهم نسبياً من المذاكرة نفسها لتثبيت المعلومات.
وأشكرك على مرورك أختي الكريمة "Fanno Amoudi"

المشاركة الأصلية كتبت بواسطة ساااااارونه ماشاء الله خلصنا دفعه 12 وجات 13 وخلصت ودفعه 14 بالطريق من هنا حسيت الأيام جرت بسرعه ع ثقل السنه ذي :( مبرووووووك دفعه 13 ع التخرج p: ويارب تنبسطو بدرجاتكم وتخصصاتكم.. مشكووور أخوي ماهر دفعة 14 يحتاجو اللي زي أماثلك يخفف عليهم ولا يخوفهــم.. تقبلو طلتي السريعه بكمل مذاكرة :(

الله يبارك فيكِ أختي و الحمدلله ما بقي إلا درجة الأحياء فقط
والله يوفقكْ في دراستك ...
وأشكرك على مرورك أختي الكريمة "ساااااارونه"

المشاركة الأصلية كتبت بواسطة قروشـ تعقيبا ً ع كلامك يا خريج دفعة 12 , ذكرتني بمقولة لستيف جوبز عن الموت وكان يلقي هالكلام امام خريجين جامعة مرموقة , يقول : الموت أفضل اختراع في هذه الحياة , إنه يتخلص من القديم ليفسح المجال للجديد , أنتم الان الـجديد , ولكن يوما ً ما ليس ببعيد , سيأتي ذلك اليوم ويتخلص منكم . لذلك اوقاتكم محدودة , لا تعش حياتك حسب ما يوده الآخرون لك .ا.هـ. , الآن يتم التخلص منا لنفسح المجال لأخواننا الصغار دفعة 14

أشكرك على مرورك مرة أخرى أخي الكريم "قروشـ"

[Maher Al Johani]

المشاركة الأصلية كتبت بواسطة skydiver اهم شيء في التحضيري تنظييييم الوقت ثم تنظييم الوقت ما حسيت بأهميته الا بعد ما اكلتها الترم الاول :') المذاكرة اول باول واذا ما قدرت ع الاقل في الويك اند .. لا تراكم ابدااا وزي ما قالوا الاخوان والاخوات على سالفة الانقلش لانه ضياع وقت و صدااع الي يزبط اموره من بداية السنة حيستمتع بالسنة دي بحلوها و مرها ويشد حيلو في الدوريات الاولى تكون تافهة غالبا شكرا اخوي ماهر ع الموضوع الجميل و المرتب , في موازينك يا رب بالتوفيق لدفعة 14 الكتاكييت

الانسان يتعلم من أخطاءه
وزي ما قلتي كتاكيت ههههه
وأشكرك على مرورك أختي الكريمة "skydiver"

المشاركة الأصلية كتبت بواسطة Roza S التحضيري و بدوون مبالغة كانت من أسهل السنوات اللي مررت عليا و لله الحمد , حتحسسوو بسهولتها لمن تتخصصو إن شاء الله أولا : ابدؤوا سنتكمم بكل حماس و ثقةة و ابدا لا تسمعو للناس اللي تقول سنة تعجيزية و سنة متعبةة و سنة الله لا يعيدها , تراه كلام فاضيي ثانيا : ايش تبغو أكثرر من إنوو المناهجج بالجامعةة نفس مناهجج الثانوي , لا و أسسهل و أخفف تركيزز , يعني شي جددا ممتع , حتى الأحياء اللي يقولو إنها أصعب مادة تقريبا نفس اللي أخذناه و لكن بالانقليزي , و بالنسبة لي أكثر مادة استفدت منهاا لأني عرفت منها مصطلحات حتفيدني بتخصصي إن شاء الله يعني باختصارر السنة التحضيرية بجامعة الملك عبدالعزيز مممتتتتتععة و سهههلللة " بدون الانقليزي اللي كان بياخذ نص الدوام " , سرر النجاح فيها إنككم تذاكرو قبل الاختبار و تثبتو المذاكرة يوم الاختبار أنا عن نفسي كنت فالة أبوهاا بالترمين و ماكنت أذاكر أول بأول و لكن كنت أفهمم وقت المحاضرة و قبل الاختبار بأسبوع أمسسك المواد و أذاكر , و الحمدلله ما مسكت لا ملخصات و لا أي شي زايد عن المنهجج , كان كل اعتمادي على الكتاب أو السلايدات و نماذج الأسئلة وبسس و الحمدلله درجاتي كلها تمام التمام ^^ و بصرراحةة جددا انبسطت بالسنة هذي و ما اتمنيت انها تخلصص و اعتبرتها سسنة رااحةة للسسنين اللي حأكرف فيهها ... و أخيررا : لا أشوف أحد من دفعة 14 داخل الجامعة و راسو مليان كلام بطال عن السنة التحضيرية تررى كلوو كذب , جرربوو بنفسكم و احكمو بنفسكمم و لا تخلو أحد يأثر فيكمم ^^ بالتوفيق لدفعة 14 اللي تختبر الآن و مو دارية عن هوى دارنا xd

أشكرك على تعقيبك وردك الطيبين
وأشكرك مرة أخرى على مرورك أختي الكريمة "Roza S"

[R..F]

السلام عليكم
وخلصناااا التحضيري
اللهم لك الحمد كما ينبغي لجلال وجهك وعظيم سلطانك.
زي كاننا امس نتكلم عن التسجيل والقبول والجداول واللخبطة :)

السنة التحضيرية احسها كانت اسهل "مما توقعت"
يمكن بسبب البلبة والكلام الكثير اللي سمعناه عنها قبل لا ندخل
لكن عن تجربة: طبيعي زيها زي اي سنة دراسيه في الثنوي اللهم اختلاف اللغه
نفس التعب ونفس المذاكرة و المجهود
انا من الاشخاص القليل يمكن اللي حبيتها اكثر من الثنوي، ليش؟
- اول حاجة عجبنتي فيها الاختبارات
انه لك 3 اختبارات فقط و باوقات محددة .
عكس الثنوي اللي طوول السنة اختبارات ودوريات . مانلحق يادوب نخلص دوري يجيك نهائي.
- ثاني حاجة النقطة اللي ذكرها قبلي مااافي واجبات ولا فروض منزليه
وهذا بحد ذاته رااحة ، ترجع من الدوام لا شغله ولا مشغله :)
- ثالث شي والاجملللل الدواااام (بدون الانقليزي) طبعا . 3> 3>
مررة خفيف ، واغلب البنات ف الترم الثاني يداومو يومين ، او بعضهم ثلاثه ايام بس .

الله يوفقنا ويوفق الجميع يا رب :)

[Maher Al Johani]

المشاركة الأصلية كتبت بواسطة ططال عمري جميل جميل , و نعم والله فيك يا مآهر , وضحت أمور تفيد ان شاء الله الطلاب الجدد دفعة 14 , جزاك الله خير , و عسآك تنقبل هندسة زي مآ انت كآتب , و تنورنـآ بـ كليتنـآ يآ بطل , بالتوفيق ,"

يعطيك العافية على هذا الاطراء ، والحمدلله فعلت ما هو واجب علي إتجاه طلاب دفعة 14
وإن شاء الله نلحقكم في كلية الهندسة ^_^
وأشكرك على مرورك أخي الكريم "ططال عمري"

المشاركة الأصلية كتبت بواسطة r..f السلام عليكم وخلصناااا التحضيري اللهم لك الحمد كما ينبغي لجلال وجهك وعظيم سلطانك. زي كاننا امس نتكلم عن التسجيل والقبول والجداول واللخبطة :) السنة التحضيرية احسها كانت اسهل "مما توقعت" يمكن بسبب البلبة والكلام الكثير اللي سمعناه عنها قبل لا ندخل لكن عن تجربة: طبيعي زيها زي اي سنة دراسيه في الثنوي اللهم اختلاف اللغه نفس التعب ونفس المذاكرة و المجهود انا من الاشخاص القليل يمكن اللي حبيتها اكثر من الثنوي، ليش؟ - اول حاجة عجبنتي فيها الاختبارات انه لك 3 اختبارات فقط و باوقات محددة . عكس الثنوي اللي طوول السنة اختبارات ودوريات . مانلحق يادوب نخلص دوري يجيك نهائي. - ثاني حاجة النقطة اللي ذكرها قبلي مااافي واجبات ولا فروض منزليه وهذا بحد ذاته رااحة ، ترجع من الدوام لا شغله ولا مشغله :) - ثالث شي والاجملللل الدواااام (بدون الانقليزي) طبعا . 3> 3> مررة خفيف ، واغلب البنات ف الترم الثاني يداومو يومين ، او بعضهم ثلاثه ايام بس . الله يوفقنا ويوفق الجميع يا رب :)

أشكرك على توضيح بعض النقاط المهمة
وأشكرك مرة أخرى على مرورك أختي الكريمة "r..f"

[Maher Al Johani]

تم الرفع لإفادة اخوتي الكرام طلاب دفعة 14 ...

[J0_0]

طيب انا ماابغى انجلش او اقل شي مستوى رابع ايش اعمل اداكر لتحديد المستوى من فين ؟؟؟

[Roza S]

^ جيبي شهادة توفل أو آيلتس و يحذفو لك المنهجج إن شاء الله ^^

أو إذا ما تقدري تجيبي الشهادة , راجعي القرامر و الكلمات قبل الاختبار و إن شاء الله تححلي كويسس و يحطوكي بليفل 4 > مع إني أشوف إنك تحذفي المادة أحسن ^^

[Maher Al Johani]

المشاركة الأصلية كتبت بواسطة J0_0 طيب انا ماابغى انجلش او اقل شي مستوى رابع ايش اعمل اداكر لتحديد المستوى من فين ؟؟؟

مثل ما قالت أختي الكريمة "Roza S"
وبالتوفيق لكي في السنة التحضيرية أهم شيء أول بأول وشدي حيلك ...

المشاركة الأصلية كتبت بواسطة Roza S ^ جيبي شهادة توفل أو آيلتس و يحذفو لك المنهجج إن شاء الله ^^ أو إذا ما تقدري تجيبي الشهادة , راجعي القرامر و الكلمات قبل الاختبار و إن شاء الله تححلي كويسس و يحطوكي بليفل 4 > مع إني أشوف إنك تحذفي المادة أحسن ^^

أشكرك أختي على توضيح

[محمد الحربي.]

مشكووور يعطيك الف عافية