اللي سـجلوا ياليت تكرمون وتردون علي بخصووص .....

[saroo0]

السلام عليكم ورحمة الله وبركاته
مساء الخير
مبروك اللي قبلوهم ومبروك لأن التسجيل فتح
انا سجلت واخذت رقم الطلب وخلصت الحمدلله بس مارسلت اي اوراق لي اللي هي كالتالي :.

ارسال نموذج بيانات الطالبة المطبوع من الانترنت - لطباعه النموذج اضغط هنا 1 - صورة مصدقة من استمارة الثانوية (كشف الدرجات ) مختومة ومعتمدة من وزارة التربية والتعليم بالمملكة. 2 - صورة مكبرة واضحة المعالم من بطاقة الاحوال مدون عليها رقم السجل المدني بخط واضح . 3 - على الطالبات غير السعوديات ومن أم سعودية احضار صور من ( بطاقة احوال الأم+شهادة الميلاد+الإقامة ) 4 - عدد ( 2) صورة حديثة ملونة مقاس 4*6 بخلفية بيضاء مدون عليها من الخلف بقلم جاف اسم الطالب ورقم سجله المدني . 5 - موافقة جهه العمل في حال كون الطالبه موظفا. -6تعهد جامعه بلا تدخين -7تعهد احضار اصل الثانويه للمقبولين -8

اللي بااللون الأحمر مافهمـته ياليت توضوحون لي وشو سويتوا .؟ ماعندي بطاقة احوال خاصة ,, والخط اكتبة بخطي انا ولا اي احد يقدر يكتبة بخطة ولا اقدر اكتب عن طريق الكمبيوتر .؟؟؟؟؟

وبالنسبة للثاني الصورة ارسل صوري وشو يضمني ان ماحد بيتلقف ويفتح الملف ؟؟ بنات قولوا لي وشو سويتوو ؟


أنتظرر الردوود على أحـر أحر من الجمرر

[Last Hope]

عزيزتي هم طالبين صورة من بطاقة الاحوال, اكيد لازم تكون عندك ولا كيف ؟ وتكون الصورة واضحه فيها رقم السجل المدني تبعك لانو احيانا المصورة ماتكون واضحه بسبب الحبر , فقط تأكدي انها بتكون واضحه رقم سجلك المدني لانو مهم
بالنسبة لعدد الصور الشخصية فهي صورتين وتكون حديثةوارسليها مع اوراقك كامله بواسطه الدي اتش ال وان شاء الله يكونوا امينين
ماحصلت معايا مشكله لما ارسلت صوري والحمد لله
لكن اكتبي خلف الصورة اسمك ورقم سجلك المدني بخطك او خط غيرك مو مهم ...
اتمنى اكون وضحت لك بعض الاشكال

[ام البطلات]

اختي ,,,
بالنسبه لبطاقة الاحوال مجرد عند التصوير تكبر لتوضح ارقام السجل المدني الخاص بك ومن ثم تكتبي تحت الورقه المصوره رقم السجل المدني الخاص بك مره اخرى
اختي لاتخافي ارسلي صورتين لك واكتبي خلفها اسمك وسجلك المدني بخطك اهم شئ تكون واضحه وحطيها بظرف لأجل يعطوك البطاقه الجامعيه فيها صورتك..
بالنسبه لشرط احضار اصل شهاده الثانويه فسيتم اخبارك عند قبولك عن موعد حضورها
الان فقط ارسلي صوره من شهاده الاصل مصدقه من مدرستك ( يعني تصورين الشهاده وتخلين المديره تختم على الشهاده المصوره وترسليها) وإن شاء الله اكون افدتك

[فاقدة أبوها]

وعليكم السلام ورحمة الله وبركاته



صورة مكبرة واضحة المعالم من بطاقة الاحوال مدون عليها رقم السجل المدني بخط واضح .


بطاقة الأحوال يعني كرت العائلة تسوي له تكبير ثم تكتبي سجلك المدني بخط واضح على نفس الورقة واكتبيه بخطك بقلم جاف,

عدد ( 2) صورة حديثة ملونة مقاس 4*6 بخلفية بيضاء مدون عليها من الخلف بقلم جاف اسم الطالب ورقم سجله المدني .


الصورة مطلوبة وضرورية عشان البطاقة الجامعية ,
والله احنا توكلنا على ربنا وأرسلناها ,
وبعدين هذي جامعة حكومية يعني مامنها خوف ان شاءالله,
واذا على الخلفية ومقاس الصورة انتي بس قولي للمصورة صورة رسمية وهي ح تفهم,
بس لاتنسي تكتبي اسمك ورقم سجلك المدني خلف الصورتين بقلم جاف,



7تعهد احضار اصل الثانويه للمقبولين

تطبعيه من النت,وهذا احنا خلصنا التحضيري وماطلبوا الأصل!

إذا فيه اي استفسار احنا بالخدمة,

والله يوفقك وييسر أمرك.

[.. !]

ماقصروا الاخوان افادوك ..

بس الحين ابي اعرف متى اخر موعد للتسجيل ..

يعني من تاريخ كم لتاريخ كم ؟؟

[الكاسـر]

آخر موعد للتسجيل تلاقيه في موقع عمادة التعليم عن بعد ..

[joonoon]

الله يوفقك
ويسهلك

[ajannin]

السلام عليكم ورحمة الله وبركاته

جهات رسميه مثل هذي مامنها خوف ان شاءالله

توكلي على الله وارسلي الاوراق المطلوبه

بالنسبه لبطاقة الاحوال اتوقع كرت العائله يمشي وممكن تدقين عليهم وتشوفين اذا عادي

او لازم تطلعين بطاقة احوال مهمه للجامعه وغير الجامعه

وبالنسبه للاوراق الباقيه هي مجرد تعهدات وبيانات تجي في ملف واحد تطبعينه وانصحك باستخدام متصفح انترنت اكسبلورر تدخلين على موقع الجامعه عمادة التعليم عن بعد وتدخلين نفس طريقة تسجيل الطلب بس تروحين على خانة استعلام او طباعة معلومات التسجيل

وتدخلين رقم الطلب ورقمك السري بعدين تلقين فوق على اليمين صورة طابعة صغيره مكتوب جنبها طباعة بيانات الطالب اطبعيها ووقعي على التعهدات وارسليها مع باقي الطلبات

اذا مافهمتي اشرحها لك بالصور خطوه خطوه ان شاءالله الليله بعد الفطور