يارب سترك من ضياع الحلم..اصل الثانوي ضايع

[يعجبني تفكيرك]

يارب سترك من ضياع الاحلام والتحطيم بعد التعشيم ..اصل الثانوي ضايع

معايا صورة

هل راح اتعطل او مالي مجال للقبول في الجامعه لو اخذت الصورة للتربية والتعليم لان ا لاصل ضايع وماحيصدقولي

وبدل الفاقد اخاف يكون معقد وطويل ويروح علي التسجيل في الجامعه لهذه السنة

[control]

صلي على رسول الله....

وأول شيء قدم طلبك وروح لوزارة التربية والتعليم بالصور

وخلك ساكت لا تقوله أن الأصل ضايع لأنه راح يدور على رقمك

عن طريق الكمبيوتر ماراح يسألك عن الأصل وإذا ختم لك عليها توكل على ربك وإرسلها

مع باقي الأوراق وإذا حصلت على القبول لكل حادث حديث روح للوزارة وكلمهم أن الأصل ضايع

ووسع صدرك وقول يارب ....

تحياتي

أخوك

[blue00]

اللهم صلي ع الحبيب ...

كلام كنترول ...عين العقل ...!
انا ضاعت شهادتي الاصل ... وسويت نفس الطريقه ...
اصلاَ ح تلاقي الموظفين عندهم اجهزه ..."اعطيه رقم السجل المدني او ايه مدرسه متخرج منها "
وتطلع عنده ...!
وهو ح يصدقها لك ... ان شاء الله .. انت بس جيب الصوره ...

وع فكره ما يخد وقت عشان تطلع بدل فاقد ... "انا طلعتها بنفس اليوم"

الله يوفقك قول .... امين

[ام البطلات]

الله يفرج همك يااخوي يعجبني تفكيرك...
اعتقادي انه لازم الاصل عشان يختملك ..
وإذا ماختمولك حاول معاهم..فهمهم انك بطلع بدل فاقد..والتسجيل بيقفل..
او اذا تعرف احد هناك يختمها لك... لانه الاغلبيه مايختمها لك الا بالأصل..
وإن شاء الله تنقبل وتبشرنا...

[غاوية دراسة]

هو اهم شي انت من المتخرجين حديثا ولا من القدامى
لو من القدامى الله يعينك على استخراج البدل لأننا القدامى مادخلنا في نظم الكمبيوتر
لكن لو متخرج حديثا فمثل ماقا اخونا Bluo بيطلعوها لك بنفس الوقت مثل ماصار معه ..

[يعجبني تفكيرك]

آلله يوفقكم جميعا وماقصرتو علي الكلام الطيب والتشجيع

وابشركم صدقت الصورة طبق اصل والامور كانت ميسرة ومسهلة بفضل الله ثم دعا الناس الطيبين امثالكم

وادعولي يجيني اشعار بالقبول النهائي ان شاء الله

وبصراحة اشكر موظف dhl علي تعاملهم الراقي رغم ان الفرع كان زحمة وكله مليان مثلي بيقدمو ع الجامعة والفرع فرع التحلية بجدة

[Oxsgen]

الله يسهلك وييسر لك ان شا الله ..

[mo999@11]

الحمدلله الي سهل لكِ أمرك

والله يسهل أمر كل مستعسر يارب

تحيااااتي

[kingzamzom]

السلام عليكم
رمضان مبارك وكل عام وانتو بخير
انا في حوسة كبيرة مرة مرة
انا خريج سنة 1423\1424
وقدمت عالجامعة ودرست فيها يمكن حوالي 3 او 4 شهور وبعدين جاني قبول ارامكو وطلبوا صورة مصدقة من شهادة الثانوية الحمدلله وانقبلت وانا دحين ليا 5 سنين خدمة في ارامكو
المهم بعد ما انقبلت في ارامكو رحت الجامعة عشان اسوي اخلاء طرف واعطوني ورقة ووقعتها من المكتبة و..و...و...انتو عارفين عاد
المهم بقي آآآآخر شي توقيع عميد او وكيل الكلية والله ناسي
وداك الوقت ماكان موجود وطلعت بدون التوقيع
ومن وقتها والشهادة في الجامعة لحد الآن والورقة حقت اخلاء الطرف ضايعة>>>>> مفرقن الآدمي دا!!

إيش أسوي دحين؟؟؟؟؟؟؟؟؟؟؟

ساعدوني يا شباب الله يخليكم.....