نتائج الطلاب بمبنى الدبلوم التربوي

مهندس جيولوجي · #1 29-08-2009, 02:04 PM

الله يمسيكم بالخير اخواني
احب ابشركم ان نتائج المقبولين طلعت
تحصلها على يسارك وانت داخل مبنى الدبلوم التربوي
120 اسم بالاضافه الى 10 اسماء تقريبا احتياط ..

وللأسف لم اكن منهم ولاهو مكتوب لي القبول .. دعواتي للمقبلوين والمقبولات التوفيق الدائم
وإلى اللقاء موعد التقديم الاخر .. واتمنى منكم ماتنسونا ياشباب السنوات الجايه وتدخلون تشوفون اسئلة واحتياجات الناس .. لأن اكيد انا وانتم كل شخص يحصل على المساعده يفرح كثير
فلنساهم دايما في مساعدة اخواننا ..

على خير نلتقي وبالتوفيق لكم جميعا شباب وبنات ..

تحياتي العطرهـ

مرسال الوله · 29-08-2009, 02:31 PM

الله يوفقك وخيرها بغيرها وكل تأخيره فيها خيرة
ليتك صورت الاوراق ونزلتها هنا وريحتنا
بصراحة مالي خلق ادق مشوار وبالاخير ما الاقي اسمي
مع ان المكتوب مكتوب
لكن بنتظرها تنزل بالنت والله يعيننا ويوفقنا ويوفق الجميع

عماد2 · 29-08-2009, 02:59 PM

الله يوفق الجميع لما في الخير ترى اني اتصلت عليهم قالو بالحرف الواحد بتنزل على النت لكن اين المصداقية ونحن في الشهر الكريم -

الطيار · 29-08-2009, 05:35 PM

الحمدلله تم قبولى وشكرا ياخى المهندس الجيولوجى على المعلومات و الله يوفقك ويسر امرك,,,

وافي وعد · 29-08-2009, 05:36 PM

الله يوفقك ويجعل ماأصابك خيرة لك ويعوضك كل خير
طيب ترى في دبلوم في الجامعة العربية المفتوحة والظاهر التقديم لازال بس مشكلته غالي بـ13 ألف ريال
اذا يصلح لك فكر وشوف
أخيرا تمنياتي لك بالتوفيق في الدنيا والآخرة

الغريب المسافر · 29-08-2009, 05:38 PM

الله يوفق الجميع
يعني لهذه الدرجه لازلنا بدائيين في نشر النتائج ؟
يعني حتى مايتعبو انفسهم بنسخ الاسماء ووضعها لو في المنتدى مثلا
ترا اكثر المتقدمين غير متواجدين في جده حاليا وانا منهم يعني الان في الدمام وممكن يأخذ مني من الوقت اسبوع واعود لجده
مو من المنطق اروح جده اشوف ونتيجتي وارجع وبدون فايده تذكر
بصراحه تفكير طرح النتائج بهالشكل ذكرتني يوم كنت بالجامعه قبل 9 سنوات كنا ندور ع نتائجنا في جدران كلية العلوم قبل استخدام التكنلوجيا

اخي الكريم او من ذهب او من سيذهب غدا ان يسالهم عن امكانية طرح الاسماءاو تصويرها وطرحها هنا
ومتى يكون تقديم الملفات للمقبولين ؟ وهذا الاهم
وشكرا للجميع

وافي وعد · 29-08-2009, 05:57 PM

هات اسمك ياالغريب المسافر اذا ودك لأني رايح الجامعة بكرة أشوف اسمي

الغريب المسافر · 29-08-2009, 06:11 PM

فيك الخير اخوي وافي وعد

انا راح ارسله ع الخاص
وبارك الله فيك

الغريب المسافر · 29-08-2009, 06:18 PM

اخوي وافي
للاسف لايمكني استخدام الرسائل لان مشاركاتي قليله وهذه معلوماتي

تفضل اخوي

الاسم سعيد محمد عبدالله الغامدي
رقم الطلب 80600

وفقنا الله واياكم لمايحبه ويرضاه

مرسال الوله · 29-08-2009, 06:18 PM

ياليت يطلعوا النتايج بدري بالنت

نتائج الطلاب بمبنى الدبلوم التربوي

ملتقى الدبلومات