في أمل ولا لأأ و هذه درحااتي

[عازف الفراق]

السلام عليكم ورحمة الله وبركاته ..

أخواني قد أغلقت الأبواب من أمامي :(

وهذه درجاتي :-

أحياء 77
كيمياء 60
إحصاء 81
رياضيات 22/30
فيزياء 13/30
إنجليزي ليفل 2 :- 71
إنجليزي ليفيل 3 :- 60
إنجليزي ليفيل 4:- الله ستر باقي ..
مهارات إتصال :- ؟؟؟
حاسب : ؟؟؟؟؟

من هذه الدرجات ممكن أنقبل في أ تخصص ولا لأ
معدلي التراكمي الترم الأول : 3.33

[Soul Evil]

شوف انت حط الي تبغاه

وربنا يوفقك لا تفقد الامل

[xo7]

اعمل الي عليك واتكل على الله

[عازف الجامعة]

وعليكم السلام

شوف عازف الفراق بكون معاك صريح عشان لا تنصدم قدام
من ناحية الطب فمستحيل تدخله لان درجتك في الكيمياء 60 ,, لو ان درجاتك في الاحصاء والاحياء كانت عالية
كنت ممكن اقول ممكن لكن الاحياء 77 والاحصاء 81
بتقول لي ليش ؟ لان في حاجة اسمها نسبة عامة ونسبة خاصة ,, العامة يحسبون كل المواد
بس الخاصة لها مواد معينة على حسب كل تخصص
لان الطب هذي السنة يبغون الكيمياء والاحياء والاحصاء يعني من الاخر مواد خطة ب + انجليزي 4
ولو بغيت احسب النسبة الخاصة لهذي المواد (( بدون انجليزي 4 لانك ما درستها لسى )) بتطلع نسبتك الخاصة
72, بينما اقل شئ في الطب اللي هو تقنية مختبرات وقفت على 80 (( طبعا وفق تسكين قبل سنتين ))

الان نجي لاحتماليتك في الهندسة ,, المواد المطلوبة (( فيزياء رياضيات اانجليزي ))
ويبغون في النسبة الخاصة (( قبل سنتين )) الرفع الرئيسي 80 والشمال 75 والعامة وقفت على 80,15
خلينا نشوف احتماليتك ذحين في دخول الهندسة النسبة العامة
حسبتها بالمواد اللي خلصتها (( احياء كيمياء احصاء انجليزي 2,3 )) بينما المواد اللي ما خلصتها
حطيت لك درجات افتراضية الرياضيات 90 والفيزياء 80 واتصال 90 وحاسب 90 وانجليزي 4 90
طلع نسبتك العامة 79,4 صحيح انها اقل من اللي اخذوه قبل سنتين بس حاول ما تدري ايش يصير هذي السنة
وانت طلعت نسبتك الخاصة86 والمطلوب كان 80 يعني انت هنا بتكون في السلييييم

اللي بوصله لك اجتهد وربي مافي شئ مستحيل ذحين باقي لك درجات في يدك انت بتقدر تجيب الهندسة
لو انك جاد ومجتهد وممكن كمان تجيب احسن من الدرجات اللي انا توقعتها
يعني اترك اي شئ يلهيك ترى باقي 7 اسابيع على نهاية الترم وترى ثلاث اسابيع ويبدا الدوري الثاني
فحط في بالك (( تقدر تجيب الهندسة )) ولا تستهين باي مادة حتى مهارات الاتصال حاول تجيب فيها 100 لانها بترفعك في النسبة العامة
جيب اقصى الدرجات اللي تقدر عليها

وبالتوفيق ان شاء الله

[dracula20100]

يا اخي العزيز خلي املك بالله كبير
في طريقة ثانية تدخلك طب تختار كلية العلوم اول رغبة و اذا انقبلت فيها تقعد سنة تجيب معدل عالي وتحول من كلية العلوم الى الطب بس في هذي الطريقة
والله يوفق الجميع

[قروشـ]

إذا كنت تقصد طب فمستحيل , لكن ليست نهاية العالم . التخصصات كثير , بس حاول انك ما ترسب في الانجليزي لفل 4 وبإذن الله راح تخصص , لا تخاف , مافي طالب تحضيري إلا وراح يتخصص .

[عازف الفراق]

الف شكر لكم يا شباب والله أستفدت منكم ..
وراح أستخير الله يوم الجمعة أخر الليل ..
ولكن هم راح يهتمون في ليفل 4 أكثر من أي ليفل وما راح ينظرون لدرجات المستويات اللي راحة بالإنجليزي

[الهيملي]

وعليكم السلام ورحمة الله وبركاته

القبول فالطب قد يكون صعب لكن مادري ليش كل الناس ماتبي إلا طب , فيه تخصصات ممتازة ولها مستقبل والبعض ممكن مايعرفوا عنها مثل العلوم الطبية التطبيقية ( أشعة مختبرات علاج طبيعي ...) برضو تخصصات كلية الإدارة والاقتصاد أنا أشوف أنها تخصصات حلوة مثل ( نظم المعلومات الإدارية . والموارد البشرية وإدارة الأعمال......) وفي كثير تخصصات جيدة تقدر تنقبل فيها حاول تقراا عن كل التخصصات اللي بالجامعة وعليك بالاستخارة شوف هذا الرابط
http://www.skaau.com/vb/showthread.php?t=438535
وتذكر ..( أنا عند ظن عبدي بي إن خير فخير وإن شر فشرا ).

بالتوفيق إن شاء الله.

[D.sheikh]

ربي يوفقك ويكتبلك الي فيه الخير

[Jomy]

انا مره اقتنعت بكلام عازف الجامعه كلاموا صحيح أنسى الدرجات الي جبتها وأبدا من جديد بحماس كبير انا عن نفسي ذاكرت كويس الدوري الاول لكن حلي في الاختبار ما كنت راضيه عليه فقلت الدوري الجاي ببذل الدبل لا تيأس أبدا انت بس ادعي ربنا وكون جواك واثق انو بيستجيب وأتوكل عليه واعمل بالاسباب والله يوفق الجميع نصيحتي ليك حط تاني رغبه اداره يعني بعدها ممكن تتخصص محاسبه ، موارد بشريه وهكذا