البحث عن دورات ؟؟؟

[ابتسامه ^^]

السلام عليكم ورحمة الله وبركاته
انا ابغى دورات معتمده تدعم السيره الذاتيه
مثال دورة السكرتاريه موجوده الان نفسي اسجل فيها إذا موجوده ؟؟
بس انا حاليا ادرس لسع ماتخرجت
في دورات أخرى ......
جزاكم الله خير

[نــورهـ]

و عليكم السلام و رحمة الله و بركاته ..

دورات معتمدة عندك في عمادة خدمة المجتمع من ضمنها دورة الحاسب الآلي و عليها شهادة كامبردج الدولية المعتمدة ..
+
دورات سكرتارية و علاقات عامة و أوراق عمل إدارية حتكون موجودة الترم الثاني مثل ما خبرتنا الاستاذة ..
+
هذا الموضوع يفيدك فيه أسماء الدورات عن طريق الرابط المضاف~ دورات جامعة الملك عبد العزيز لعام 1435 , الدورات المتاحة بِـ [عمادة خدمة المجتمع ]

الله يوفقك و يفتح عليك فتوح العارفين ..

[ابتسامه ^^]

جزاك الله خير
وجعله في ميزان حسناتك
بس عندي سؤال أقدر أخذ هاذي الدورتين الترم الثاني

دورات معتمدة عندك في عمادة خدمة المجتمع من ضمنها دورة الحاسب الآلي و عليها شهادة كامبردج الدولية المعتمدة ..
إيش المضمون ،الدوره في إختبار صح ، كم المده
+
دورات سكرتارية و علاقات عامة و أوراق عمل إدارية حتكون موجودة أقدر أسجل فيها
كيف راح تكون الدوره نظري ولا تطبيقي وين نطبق ؟؟؟

الله يسعدك دنيا وآخره

[نــورهـ]

المشاركة الأصلية كتبت بواسطة ابتسامه ^^ جزاك الله خير وجعله في ميزان حسناتك بس عندي سؤال أقدر أخذ هاذي الدورتين الترم الثاني دورات معتمدة عندك في عمادة خدمة المجتمع من ضمنها دورة الحاسب الآلي و عليها شهادة كامبردج الدولية المعتمدة .. إيش المضمون ،الدوره في إختبار صح ، كم المده + دورات سكرتارية و علاقات عامة و أوراق عمل إدارية حتكون موجودة أقدر أسجل فيها كيف راح تكون الدوره نظري ولا تطبيقي وين نطبق ؟؟؟ الله يسعدك دنيا وآخره

و إياكِ يا رب ,,

ايوة عادي تأخذي زي ما تحبي ..

الحاسب مدتها ثلاث شهور يومين في الاسبوع لمدة ساعتين و ممكن ما تحضري المحاضرات بس تجي تختبري هذهـ تتفاهمي فيها معاهم لانها تفرق في السعر ..

الاختبارات ع كل برنامج اختبار و مجموع الاختبارات سبعة كله على جهاز الكمبيوتر و محتوى الدورة برامج الـ Microsoft Office + نظام الـ Windows ..
::
الدورة تبع السكرتارية ما أخذتها لكن سألت عنها ايوة نظرية ما فيها تطبيق لكن تعملي في الاخير عرض معين تطلبه الاستاذة ..

هذهـ الدورات شهادتها اجتياز مو حضور فتفيدك في السيرة الذاتية ..

أي استفسار تفضلي و الله يوفقك و يفتح عليك ..

[ابتسامه ^^]

يسعدك ربي ويوفقك

حلو

إيش هي الايام من متى لمتى

السعر كم للحاسب والسكرتاريه
وأوراق عمل إداريه إيش نسوي متحمسه

الفصل الدراسي الثاني اروح لهم ؟؟

[نــورهـ]

المشاركة الأصلية كتبت بواسطة ابتسامه ^^ يسعدك ربي ويوفقك حلو إيش هي الايام من متى لمتى السعر كم للحاسب والسكرتاريه وأوراق عمل إداريه إيش نسوي متحمسه الفصل الدراسي الثاني اروح لهم ؟؟

آآمين و إياكِ يا رب أختي ..

الايام و الوقت روحي لهم في عمادة خدمة المجتمع الدور الثاني أول غرفة على يدك اليسار ..

الحاسب سعرها 2000 ريال شاملة الكتب , السكرتارية 350 ريال..

اطلعي على هذا الرابط[http://www.kau.edu.sa/content.aspx?S...=AR&cid=11751]..

أوراق عمل ما أخذتها فاتتني هذا الترم :( ..

الحاسب تقدري تسجلي هالفترة و الباقي الترم الثاني لما تروحي استفسري هناك عنها مكانهم في نفس الدور لكن آخر مكتب على يدك اليمين ..

الله يوفقك و يسهل أمورك

[ابتسامه ^^]

الرابط. ماينفتح :(
كيف أسجل في الحاسب من وين ولا اخليها لما اروح لهم واسجل
عشان هاذي الفتره بتبدا إختباراتي
برنامج Microsoft Office
إيش راح ندرس الورود البوربوينت واكسل وإكسس ؟؟؟؟؟

آآمين وياك يارررب ياعزيزتي :)

[نــورهـ]

المشاركة الأصلية كتبت بواسطة ابتسامه ^^ الرابط. ماينفتح :( كيف أسجل في الحاسب من وين ولا اخليها لما اروح لهم واسجل عشان هاذي الفتره بتبدا إختباراتي برنامج microsoft office إيش راح ندرس الورود البوربوينت واكسل وإكسس ؟؟؟؟؟ آآمين وياك يارررب ياعزيزتي :)

إما تروحي فترة اختباراتك تمري عليهم أو أول أسبوع في الترم الثاني..

عمادة خدمة المجتمع الدور الثاني أول غرفة ع يدك اليسار ..

ايوة ورد و بوربوينت و اكسل و اكسس + نظام الانترنت و الويندوز..

الله يوفقك و يكتب لك الخير..

[ابتسامه ^^]

الله يسعدك ويوفقك يارررررب
جزاك الله خير وجعله في ميزان حسناتك
دعواتك يوم السبت عندي إختبار وخلصت باب والباب الثاني باقلي شوي وباقلي 3 ابواب الله يعين ويسر :( ياررررررب

[نــورهـ]

المشاركة الأصلية كتبت بواسطة ابتسامه ^^ الله يسعدك ويوفقك يارررررب جزاك الله خير وجعله في ميزان حسناتك دعواتك يوم السبت عندي إختبار وخلصت باب والباب الثاني باقلي شوي وباقلي 3 ابواب الله يعين ويسر :( ياررررررب

آآآمين و إياكِ أختي ابتسامة :) ..

يا رب يوووفقك و يفتح عليك فتوح العارفين و يكرمك بأعلى الدرجات و نجاح يتبعه فوز و فلاح و يسهل لك المذاكرة و الاختبارات..

أكثري من الاستغفار و الصلاة ع الرسول عليه الصلاة و السلام ..