وأخيراً ...هُنا المطلوب والمحذوف في مادة ( دراسات ادارية معاصرة )للفصل الثاني

[يمشي بالبركه]

ياشباب اذا احد عنده ملخص او يعلمنا اسم الكتاب وشكله وطبعته واذا فيه مكتبه عندها الكتاب في الرياض يفزع الله لايهينه

[ابو رهف وراما]

المشكله الاخوان بعد هذه التحذيرات ينزلون في مجاري السيول والاماكن المنخفضه

كع كع

ذكرتني بتحذيرات غصب 1 وشريط الاخباريه

عموما مشكور على الموضوع

[ابو رهف وراما]

المشاركة الأصلية كتبت بواسطة asseer_kau الظاهر تحذير واحد يكفي ... للي يفهم ... ولو جاء الاختبار وصار شىء من خارج التحديد بيقولولك ... ياليتك ما كتبت ... وياليتك ماحطيت موضوعك ... لأن أعتمدنا عليه ... عموماً الله يجزاك خير على النقل ... * الترم الماضي الدكتور نسخ أسئلة قديمة وجابها لنا ... وكأنك تختبر مادة ثانية ... وجاب اسئلة كثير عن إدارة التميز ... أصلاً في الكتاب ما في موضوع عن التميز ... ألي يبغى ينزل المادة ... ينزلها ولا يخاف ... أساساً الدكتور درجاته مزاجية ... الترم الماضي لو صحح الدكتور ... الرسوب سوف يتجاوز 50% ... لكن الدكتور أعطى درجات في الثمانينات والتسعينات ... وأنا عن نفسي أعطاني فيها التسعين ... عموماً ... مواد الدكتور علي القحطاني ... تعتبر (( فاصل اعلاني ونعاود )) من باقي المواد ... تمنياتي لكم بالتوفيق ...

شكلك متازم من الموضوع اللي طرحته الترم الماضي ههه وانا متابع الموضوع من زمان

بس بصراحه وانا اخوك في بعض الطلاب يقرا الموضوع وينشب في حلقك تقول انك تبي تحط الاسئله.
وبعد الاختبار جري على المنتدى ويمكن نسي باب الشقه فاتح وفولت عالي اليد على الكيبورد طخ طخ طخ وانت غررت فيه وانت ما تخاف الله وانت وانت ما يدري ان المواضيع زي المطر في المنتدى الواحد ياخذ اللي يحتاجه وبس

شكرا على ايضاحك بعض النقاط عن الدكتور اعلاه

تقبل مروري

[alraasi]

مشكور أخوي ماقصرت

[دحوم112211]

ياليت احد يذكر لنا اسماء الفصول المطلوبه
لأن عندي مذكره وابي اقارنها بالمواضيع

[عاشق منتسب]

المشاركة الأصلية كتبت بواسطة دحوم112211 ياليت احد يذكر لنا اسماء الفصول المطلوبه لأن عندي مذكره وابي اقارنها بالمواضيع

هاذي جميع الفصول الموجودة في الكتاب على هذا الترتيب
الفصل الاول = ادارة المعرفة
الفصل الثاني = العولمة
الفصل الثالث = اعادة الهندسة (الهندرة)
الفصل الرابع = الخصخصة
الفصل الخامس = الحوكمة
اللفصل السادس =الادارة الالكترونية
الفصل السابع = تمكين العاملين
الفصل الثامن = المنظمة الافتراضية
الفصل التاسع = اطار القياس
الفصل العاشر = بطاقة الاداء المتوازن
الفصل الحادي عشر = ادارة الجودة الشاملة
الفصل الثاني عشر = ادارة التنوع والاختلافات
الفصل الثالث عشر =ادارة الازمات
الفصل الرابع عشر =ريادة الاعمال

[عاشق نفل]

بلييييييييييييييييييييييز

ملخص واسئلة هالمادة
قرب الاختبار

[دحوم112211]

المشاركة الأصلية كتبت بواسطة عاشق منتسب هاذي جميع الفصول الموجودة في الكتاب على هذا الترتيب [size=5]الفصل الاول = ادارة المعرفة الفصل الثاني = العولمة الفصل الثالث = اعادة الهندسة (الهندرة) الفصل الرابع = الخصخصة الفصل الخامس = الحوكمة[ اللفصل السادس =الادارة الالكترونية الفصل السابع = تمكين العاملين الفصل الثامن = المنظمة الافتراضية الفصل التاسع = اطار القياس الفصل العاشر = بطاقة الاداء المتوازن الفصل الحادي عشر = ادارة الجودة الشاملة الفصل الثاني عشر = ادارة التنوع والاختلافات الفصل الثالث عشر =ادارة الازمات الفصل الرابع عشر =ريادة الاعمال

يا مال العافيه ماقصرت

[خالد الخالدي1]

طبعآ الدكتور علي القحطاني ترم تدعي له وترم تدعي عليه
لانه مزاااااجي بمعنى الكلمه .
هو من أفضل الدكاترة بالنسب للي مايذاكر؟

[alkhobar-star]

شباب اللي عنده مذكرة للماده يرفقها الله يعطيكم العافيه