نظام الكليه في الفصل بين الجنسين

[yaa raab]

السلأمعليكم

يارب تكونون بخير ياخواتي واخواني
انا حبيت اسال سوال او استفسر بس لاحد يفهمني غلط والله انا اسال وانا مقهوره
الان انا دخلت تحضيري واتمنى اتخصص طب اسنان ونسبتي بااختبارات الثنوي مره تشرف بس ابويا مو راضي يقول فيلو اختلاط (الفكر القديم )
انا اعرف انو طلا الطب البشري عندهم اختلاط في المستشفى الشباب والبنات بس هل برضو طب الاسنان كذا؟
واذا فيه اختلاط كيف حيكون يعني اشرحولي ممكن اقدر اقنعو وادرس وانا مرتاحه

اناسالت بقسم الاسنان قالو الحمدلله مفيه لكن لو نسبتي اهلتني بس للبشري لانو البنات عندهم السنان يمتلي اول

هل البشري مختلط !؟ وكيف نظامكم

[محمد عماد]

وعليكم السلام

السنوات الأساسية في الطب ( ثانية وثالث ) مافيها اختلاط لا في الفصول ولا في المعامل
بصراحة فيه دورات قليلة في سنة ثانية ممكن يكون فيها اختلاط .. وفيه دكاترة رجال ممكن يدرسوكم

لكن الإختلاط الفعلي يبدأ من سنة رابع

والإختلاط يكون في المستشفى او اذا كان فيه شغل ميداني خارج الجامعة ويكون تحت اشراف اداري

وفيه قوانين وضوابط تعرفيها بعدين لما تدخلي الكلية

[فتى تثليث]

مشكلة الاختلاط هذي مشكلتها مشكلة..الواحد اذا سمع هالكلمة راح فكره بعييييد مرررة..اختلاط الطلاب مع الطالبات في السنوات الاكلينيكة يكون خلال التطبيق و في الممرات..مو اختلاط بالمعنى الدار في الوسط العام..

[بشائر الفرح =)]

حياك الله أختي ,
أبوك وأبويا ف البدايه كان يقول لي إختلاط وأنا أخاف عليك ومن هذا الكلام ..
وهذا شي طبيعي ف البداية .. لكن إنتي لازم توضحي لأبوك نقطه جداً مهمه ومو بس كذا أبغاكِ كمان تخليه ( يحس بها )
( إنه أنا أبدخل هذا القسم لرغبتي به , لإني أحبه .. وأرغب بأني أساهم ف معالجة المرضى وأساعد الناس بكل اللي أقدر عليه مو لأي شي ثاني , ترا الرغبه الحقيقه ومراقبة الله أكبر من الإختلاط ومشاكله .. كل شي بيدك إنتي إذا دخلتي الطب سواء بشري أو أسنان إنتي المسؤوله عن نفسك وعن تصرفاتك ولما تحطي ف بالك إنه أنا هنا لأجل الله وتشعرين إنه معاك ف كل مكان .. راح تتسهل أمورك بشكل ما تتخيليه .. )

قولي له كمان عن قصص طبيبات ناجحات وكيف بروزا بمجالهم بدون ما يخلوا ( الإختلاط ) عائق لهم أو يمنعهم من دخول قسم يرغبون به من أعماق أعماقهم .. و لو كل أب فكر بهذه الطريقه ما راح تلاقي أي دكتوره ..

الإختلاط موجود ولا ننفيه ووسيزيد مع مباشرة العمل ف المستشفى .. لكن إنتي تعرفي هدفك أنا هنا لأجل لله ثم لأجل الدراسه ونفع الأمه فقط لا غير ! .. وأقولك بصراحه حتواجهي مشاكل من الإختلاط مستقبلاً هذا شي واقع .. لكن يبقى أن من يراقب الله ف كل لحظه تذكري هذه الكلمه ( سيحميه ويكفيه الشر أين ما كان وكيف ما حدث ) + بذل الأسباب من ( الحجاب والرسميه ف العمل ) ..

أعرف إني كثرت كلام .. لكن موضوعك من أكثر المواضيع التي نُناقش فيها قبل دخول الكليه ومتأكده أنه سُيفتح مره أخرى بعد دخولها ..
أتمنى من كل قلبي إن والدك يقتنع ويعطيك فرصتك يارب .. وإنتي تشدي حيلك ونشوفك معانا السنه الجايه :)
والله يوفقك وييسر لك كل مافيه خير ف الدنيا والآخره ..
وآسفه جداً على الإطاله :)

[محمد1412]

كدا ولا كدا لازم تحسبي حسااب انو في يوم من الايااام حيجو رجال وتعالجيهم وصعب تقولي ما اعالج رجاال ..ممكن وجهة نظر ابوك زي كدا حتى ولو ما كان في الكلية اختلاط...

[شفع]

هلا وسهلا اختي ..
الله يوفقك للخير ..
بالنسبة للاختلاط بكلية الطب فماهو اختلاط من النوع اللي يكون فيه اثارة او اي شىء غلط ان شاء الله
ولاهو اختلاط على باطل .. ولكن اختلاط معقول بضرورة التعليم والله اعلم .
بالنسبة لأبوك ترى يهمه مصلحتك ولو كان تفكير قديم لأنه افهم واعلم واكبر
ولولا انك تهميه ما قالك الكلام ذا .. ولكن حاولي تقنعيه بدون ما تبيني انك مقهورة
من كلامه وبدون ما تعارضيه يعني باسلوب ..
وخليه يروح الكلية ويستفسر كذا عفوياً بدون ما يبين انه اب لطالبة او اي شىء
اما اذا اصر عليك .. فانا اشوف انك تطيعيه عشان ربي يوفقك ان شاء الله
وممكن ربي يقدر لك باحسن من طب الاسنان ..
تقبلي نصيحتي .. وتحياتي ،،

[محمد عماد]

مافي احد ينكر مشاكل الإختلاط .. و لا احد يرضاه لنفسه او لغيره

لكن في بعض الأحيان يكون ضرورة ..
في كلية الطب .. من الصعب انك تجد في كل تخصص اعضاء هيئة تدريس ذكور واناث
وحتى اذا كان موجود .. هذا الشيء بيكلف الجامعة كثيييير
الحل انك تجيب دكتور واحد يدرس الطلاب والطالبات

وايضا لو نظرت للمعامل والمختبرات والمستشفيات .. صعب انك تخصص جزء للطلاب وجزء للطالبات


ومؤخرا صدر قرار من وزارة الصحة بانهم يعودو الطلاب والطالبات على الإختلاط من المراحل الأولى عشان اذا دخلو المستشفى يكونو متأقلمين مع هذا الوضع وما يكون صدمة بالنسبة لهم

لذلك تتعمد الإدارة تدريب الشباب و البنات على الإختلاط
فاذا كان فيه عمل تدريبي يكون الجروب الواحد مختلط ( مثلا : 10 اولاد مع 10 بنات )
و التعامل بينهم اخوي ومهني اكثر والاحترام موجود ... مو بالصورة السيئة اللي يتصورها البعض !

[Dr.Passed]

المشاركة الأصلية كتبت بواسطة yaa raab السلأمعليكم

المشاركة الأصلية كتبت بواسطة yaa raab يارب تكونون بخير ياخواتي واخواني انا حبيت اسال سوال او استفسر بس لاحد يفهمني غلط والله انا اسال وانا مقهوره الان انا دخلت تحضيري واتمنى اتخصص طب اسنان ونسبتي بااختبارات الثنوي مره تشرف بس ابويا مو راضي يقول فيلو اختلاط (الفكر القديم ) انا اعرف انو طلا الطب البشري عندهم اختلاط في المستشفى الشباب والبنات بس هل برضو طب الاسنان كذا؟ واذا فيه اختلاط كيف حيكون يعني اشرحولي ممكن اقدر اقنعو وادرس وانا مرتاحه اناسالت بقسم الاسنان قالو الحمدلله مفيه لكن لو نسبتي اهلتني بس للبشري لانو البنات عندهم السنان يمتلي اول هل البشري مختلط !؟ وكيف نظامكم

وعليكم السلام ورحمه الله وبركاته ورضوانه
حبيبتي..
انتي هل رغبتك في دخول الأسنانن شدييييييده؟؟

انا اقلك...تعالي لأبوكي من باب الثقه..قوليلو " بابا ما تثق فيا؟؟ " حيقولك يثق فيكي طبعا بس ما يثق في العالم حولينك ...هنا يجي دورك سنه كامله عندك تتغيري حسسي انو شخصيتك قويه ...حسسي انو المفروض ما ينخاف عليكي لأنك تقدري توقفي على رجولك لحالك..اي اب طبيعي يخاف على بنتو من العالم..وبعض الأبهات خوفهم زايد
ادي اهلك الأنطباع دا...بابتك لازم يحس انو هادا طموحك...هادا حلمك...محايقولك لأ...لا تنسي ما في ابو في الدنيا الا يبغى يطمن على مستقبل بنتو...كمان تعاليلو من باب التوظيف و المستقبل...في دا الزمن الوحده ما تقدر تعتمد على الزوج في كل شي كامل الإعتماد ( الا من رحم ربي) الوحده ما تعرف الظروف ما تعرفي كيف الحال سبحان الله كيف يتغير فجأه..ما تضمني..لازم تعرفي كيف تشيلي نفسك بنفسك...انتي ناقشي في النقاط دي كلها
هوا ماهو اختلاط في فساد ولا فسوق...بالعكس تعليم وتحت اشراف كمان...وبعدين كلنا متربيين وكل واحد عقلو فراصو...يعرف ايش يسوي ومايسوي..
المؤدب مؤدب محل ما تحطي و قليلين الادب قليلين الادب محل ما تحطيهم ...كلنا عارفين كيف نتعامل و نعرف كيف نحترم المكان الي احنا في..وبعدين انتي مو صغيره وتعرفي مصلحتك طبعا مهما كان ابوكي ادرى بمصلحتك...بس بيني وبينك " الرجال " ما يفكرو زينا هوا بس خايف عليكي...وامكن مو متقبل انو بنتو الصغيره بدأت تكبر وتسير مسؤوله عن نفسها ترى الأبهات حساسين من دي النحيه..انتي لازم تحتوي وتكلمي..وتقوليلو انو طول عمرك حاضلي بنتو الصغيره بس كمان لازم تشوفي حياتك وتتخصصي في المجال الي انتي تشوفي نفسك حتبدعي في..من اجل اخلاصك في خدمه وطنك امام الله ثم امام نفسك...وبعدين الراتب ...و المستقبل انتي بنت ولازم تطمني على نفسك بعد كده..
لاتعصبي...ناقشي وصري على رأيك وقبل ما تكلمي...حاولي تتوقعي كلي حاجه ممكن يقولك هيا وتعبيلك اجابه مقنعه..كل شي يمشي بالتفاهم و الاقناع
وبعدين عندك سنه كامله تشتغلي على الموضوع وعلى شخصيتك قدامو وإن شاء الله هوا حيكون معاكي
لا تخافي حبيبتي او تفكري افكار سلبيه خدي الامور بطريقه دبلوماسيه وريحي بالك...لا تشدي على نفسك اهم شي راحت القلب و البال..لا تشدي كتير
إن شاء الله تدخلي ويرضيلك ومايسير الا كل خير..
سوي الي باقلك عليه وإن شاء الله هوا حيكون مساند ليكي في الموضوع


و ملاحظه اخيره...انا الاحظ اصحاب بابا في بعض الأمور يأثرو عليه...يسير يقولي لأ على اشياء بسبب ضغط ولقافه من اصحابو ....و بالزات لمن احس انو ال " لأ" الي جاتني ( بخصوص اي موضوع) كانت بسبب اصحابو اقلب الدنيا و اوضح نقطتي وبإقناع شديد امشي رأيي واوري انو اصحابو غلطانين...وفي النهايه افشلهم..دايما يدخلو نفسهم ( يعني انتبهي من اصحابو لا تخلي يتأثر بيهم)
ترى كل شي في يدك يا حبيبتي...لا تزعلي نفسك ولا تفكري بمشاعرك فكري بعقلك وخليكي حكيمه ولا توري وتعصبي ازا انتي فيكي دا الطبع...بكل هدوووووووووووووء سوي الي باقلك عليه وحتكسبي رضى ابوكي على الكليه
ولا تنسي اهم شي رضى الوالدين انتي لازم تخلي يرضى على الكليه عشان يرضى عليكي ويشوف محبتك في طب الأسنان..اقنعي واتفاهمو و إن شاء الله يوافق..انا متفائله خير..ريلاكس =)
وإن شاء الله يارب اليوم دا قريب

[-نظرة تفاؤل-]

أختـــــــــــــــــــي ..أنا أول شي راح أوضحه لك نظرة الوالد الله يحفظه لكـ ..
بالنسبة لكلمة (اختلاط )..واجد يفهمونها بطريقتين ..
الطريقة الاولى انهم يشوفونها بدون (منظار) يعني في مجتمعنا يسير اختلاطات أكثر من الطب ..ونتعايش معها بشكل طبيعي وكل واحد في حالة ..
والطريقة الثانية يشوفونها ب(منظار ودقيق ) اللي هو بالطب لانه تخصص ..فطبيعي راح يركزون عليـــهـ ويقارنونه في بقية التخصصات ..فـيطلع الاختلاط هو فرقه الوحيد عن بقية التخصصات ويسير عائق ..ولا هو أساسا مو عائـق ..

وصدقيــــني نظرة الوالد في محلها ..يعني هو رجال وأدرى وأفهم منا ..لكـــــن اللي بس يبيلك توضحين له شغله مو عارفها لانه ماجربها ..ان اللي بيدخل طب ومستعد يتعب و يضحي بأشياء كثير هدفة (سامــــــــــــي ) أكبر من انهـ ينظر لهالاختلاط ..
قوليله مثال :
كثـــير من الحريم اللي يفضلون ويرتاحون يراجعون عند طبيبات بدل الطبيب<<<طبعا مو الكل بس هذي الغالبية ..فــ وجودك انتي كطبيبة ان شالله راح تاخذين فيهـ أجر ..

والشــــــــــــــــــي الثاني .. لاتستعجلين ..انتي للحين مادرستي اول سنه ..
ادرسي وشدي حيلك وجيبي معدل عالي وبعدها استخيري ربك واذا فيه الخير ..راح تتيسر الامور ان شالله ..
ونصيحـــــــــــــــــــــــــــــــــــــــــــة من أخت :
بعد الاستخارة ..خليـــــــــــــــــــك قنوعه ..ربك ماراح يكتبلك الا اللي فيه خيرة لك ((عسى ان تحبوا شيئا وهو شر لكم)) ..

السموحـــــة ع الإطالة ..وموفقـــــهـ ان شالله

[dr.am]

اختي والله اذا الله كاتب لك تدخلي طب حتتسهل امورك تخيلي انا درست التحضيري وانا متزوجة وعندي بنت كمان ولا كان عائق لي ابد وجبت نسبة الحمد لله حلوة وزوجي غيور ومتأكدة اكثر غيرة من ابوكي وكان رافض بتاتا الطب حتى كنت شايلته من راسي ولما جاء التسكين حطيت كلية الحاسب وطلعت نتائج التسكين زي ما اخترتها وبعدها لما الله اراد سخر لي زوجي وهو اللي جاء وقال لي ادخل طب ورحت وجيت للجامعة عشان التحويل كذامرة وبعدين استخرت ألاف المرات لاني حسيت مالي نصيب وفجأة جتني رسالة على جوالي بتغيير التخصص صحيح ان زوجي كان قلقان بس انا فهمته ايش معنى الأختلاط ومتى يكون وثقته فيني كبيرة ولله الحمد انتي استنتجي من قصتي اشياء كثيرة ويارب اكون ساعدتك