سكن الطالبات بجدة ؟؟ للاهمية

[أبو اصيل]

سلام الله عليكم جميعاً
يااخواني يااخواتي
بعد التحية وفائق التقدير والاحترام
بنت اختي في الجامعة وها اول سنة لها
والحين بتسكن في السكن
واللي يرحم والديكم اللي يعرف طريقة التقديم يخبرني ولة دعواتي في هاليوم المبارك
الترم الاول كانت تسكن عند اخوي بجدة والحين اخوي نقل مكه
كيف طريقة التقديم ووين ومتى وهل فية سكن متوفر او لا
وربنا يوف الجميع للخير

[نوري1]

أخي أبو أصيل

أنا طالبه منتسبه وماأجي الا وقت الاختبارات فقط

واسكن بسكن طالبات موجود بالصفا اذا حاب تستفسر عن اي سكن طالبات انا بالخدمه

اذا تقصد سكن الطالبات الخاص بجامعة الملك عبدالعزيز

فانا وللامانه ماسكنت فيه ولاأدري عن طريقة التقديم وماإلى ذلك .......

اي استفسااااار انا حاضره ..

[انت لي]

مررره صعب اخوي تلاقي سكن با الجامعه

بس اعرف سكن مررره قريب من الجامعه خاص مررره حلو

[samara-oo]

انا ساكنه بسكن الجامعه اختك في الشرفيه ولا السليمانيه لانو انا بالشرفيه تروح نفس السكن وتقدم اوراقها وبس عادي يقبلوها على طوول

[أبو اصيل]

سيتم نقل الردود اعلاها لاصحاب الشأن
الله يوفقكم جميعاً لكل الخير ويحقق لكم مرادكم في الخير ياااااااارب

[أبو اصيل]

المشاركة الأصلية كتبت بواسطة نوري1 أخي أبو أصيل أنا طالبه منتسبه وماأجي الا وقت الاختبارات فقط واسكن بسكن طالبات موجود بالصفا اذا حاب تستفسر عن اي سكن طالبات انا بالخدمه اذا تقصد سكن الطالبات الخاص بجامعة الملك عبدالعزيز فانا وللامانه ماسكنت فيه ولاأدري عن طريقة التقديم وماإلى ذلك ....... اي استفسااااار انا حاضره ..

كيف هالسكن هل يخضع للرقابة والمتابعة من قبل الجامعة او لا
وبكم السكن وكيف العيشة فية ياليت ماتبخلي علينا في اي معلومة
اكرر شكري لكي

[نوري1]

السكن اللي اسكنه سكن خاص يااخي
مو سكن من قبل الجامعه
غرفه فيها ثلاجه وتلفزيون الحمام الله يكرمك والمطبخ مشترك ب1200ريال بالشهر
بالنسبه لرقابه والمتابعه في مشرفه لسكن والنعم فيها
بس الباب مفتوح من 6 الصباح الى 11 بالليل
بس الاكل والمشاوير على حسابها

ايش حاب تعرف تفضل

[أبو اصيل]

المشاركة الأصلية كتبت بواسطة نوري1 السكن اللي اسكنه سكن خاص يااخي مو سكن من قبل الجامعه غرفه فيها ثلاجه وتلفزيون الحمام الله يكرمك والمطبخ مشترك ب1200ريال بالشهر بالنسبه لرقابه والمتابعه في مشرفه لسكن والنعم فيها بس الباب مفتوح من 6 الصباح الى 11 بالليل بس الاكل والمشاوير على حسابها ايش حاب تعرف تفضل

الف الف الف الف الف الف شكر الك

[قلب الملاك]

سكن الجامعه معروف ان مافيه لا دخله ولا خرجه للساكنه الا مع ولي أمرها
اما السكن الخاص ماعليه لا رقابه ولا مسؤلية همهم الايجار والبنات يطلعوا ويجوا متى مايحبوا وقت مايكون الباب مفتوح
ومن ناحية الايجارات الاسعار تختلف من سكن لسكن
وكل سكن فيه غرف خاصه وغرف مشتركه وطبعا المنافع غالبا تكون مشتركة زي دورة المياة والمطبخ والصاله واغلبها فيها خدمة الانترنت المجاني ونظافة الغرف بشكل اسبوعي ..

واي مساعده انا بالخدمة

[جنى الشريف]

انا بالسكن الجامعي الداخلي قدام مستشفى الجامعه .. سكن مريح وبلاش والباصات من 7 الصباح ل6 المغرب شغاله وما تدفع ولا ريال >> اهم شيء ..
بالسكن متوفر بقالتين >> مصيبه غاليه .. يعني الافضل تشتري من برا اغراضها .. ومكتبه متوفر فيها بعد كل شيء .. مطعم مركزي يوفر وجبه غدا .. ومطعم ثاني لك عليه ..

طبعا كل غرفه فيها بنتين مثلا اختك ومعاها وحده .. فيه مطبخ وحمام (( الله يكرمك الجميع )) ومأثثه ..
مريح للي يستقر ويوفر الاشياء المطلوبه ..

افضل مباني عاد خلي اختك تنتبه لا راق لها وسجلت 4 او 5 او 6 .. فقط ..

والاشياء المطلوبه .. بهالرابط ...
http://www.skaau.com/vb/showthread.php?t=85093

واحسسسسسسن شيء انو مافيه لا دخله ولا خرجه الا بوكلاء شرعيين اللي يكتبها ابوها او اخوها يوم يجي يسجلها ...

بالتوفيق ..............