( .. الدين وماأدراك مالدين .. ) حلم

[ولد الجهراء .....]

بسم الله الرحمن الرحيم





السلام عليكم ورحمة الله وبركاته ...



طبعا بحكي لكم قصه صارلت لي عن الديون وهي عباره

عن حلم حلمته وقصه لحقت الحلم ...


أنا عندي أخ توفي في سنة 1996 الله يرحمه ويغمد روحه الجنه

أتمنى منكم الدعاء له


وفي سنة 2001 او2002 حلمت حلم , حلمت اني دخلت بوابه سوداء

كبيره وانا بالممر امشي كانت على يميني وعلى شمالي زنازين

أقفاص وبها ناس يصرخون ومن ثم مسكت يد اخي واتجهنا

الى الباب للخروج وكنا مارين بين الاقفاص , وكانوا الناس

اللي بالسجن داخل الاقفاص يصرخون ويمدون ايدينهم بين

الحديد كأنهم يبوني اطلعهم اوانقذهم من شي وطلعت انا وأخوي الله يرحمه

وأشكالهم كانت كأنها مألوفه علي

طبعا انا ماكنت فاهم شي ابدااااااا

المهم ثاني يوم سردت الحلم حق اهلي بعدهاااا باأيام

صارلتي مشكله بالمدرسه وانفصلت ورحت لمدرسه

اقدم ورفضوا قالوا مكتفين مدرسه خاصه ورحت لمدرسه ثالثه

المهم قالوا : أوكي قالوا جيب الاوراق كذا وكذا المهم جيتهم

ثاني يوم واخذ اوراقي وفجأه ,,

قال الموظف : مانقدر نقبلك يالغالي

قلت : ليش عسى ماشر

قال : أخوك فلان قلت ايه وهو متوفي من 6 سنوات ليش

قال : أخوك كان يدرس عندناااا وباقي عليه 100 دينار

اهاااااا يافيصل أخيرا ترجمت الحلم

المهم سددت عنه ولله الحمد وقبلوني


بعدهااااا فرحت حيييييييل واهلي بعد فرحت لاني سددت دين

على اخوي ماكنا ندري فيه , وفرحت لاني طلعت اخوي من

المكان اللي كااااان فيه , وحزنت لانه كان طول هالفتره بالمكان

واكيد كان يتعذب ويصرخ مثل اللي شفتهم



لاتتهاااونوووووا بالدين

ولاتتساهلوا باأكل الاموال الحرام

الدين يبقى حتى على الشهيد يعني شي موبسيط

الشخص اللي عليه دين :


إن كان حريصا في حياته على سداد الدين فإن الله تعالى يكفيه هذا

الدين ، لما روى البخاري في صحيحه عن أبي هريرة رضي الله

عنه قال : قال رسول الله صلى الله عليه وسلم : " من أخذ أموال

الناس يريد أداءها أدى الله عنه ، ومن أخذ أموال الناس يريد

إتلافها أتلفه الله " ، وإن كان مفرطا في تسديد الدين : فإن عفا

عنه صاحب الدين وإلا فسيقتص منه يوم القيامة . والله أعلم.



حبيت اقول قصتي عسى أن يتعظ منها أحد أوتستفيدوا منها شيئا

هل ترون قدرة الله وعظمته سبحانه لا إله إلا هو




لاتنسوووووووون الدعااااااء له

الله يبعدكم ويبعدنا عن الدين