محــاضـرات طالبــات خــطه(أ) ,,تحضيــري إداري وإنسـاني.. جمـيع المواد+ جميع الملاحظات

[د.شاردة من شهار]

انا نفس جدولك بس نا في مبنى 5 :(

[عالي مستواه]

هذا واحنا لسه ما بدأنا،، والله انه موضوع متعوب عليه،،

ياليت تحذف الردود اللي خارجه عن الموضوع،، حتى يتسنى للكل الإستفاده

وبالتأكيد نعلم انكم ممتنين وشاكرين لأنكم ذواقييييين... بس ساعدو بعض

عشان نوصل لنتيجة احلى وافضل..^^

[عالي مستواه]

ها قد بدأنا، كل جديد ومفيد يضاف هنا..^^

[Cho Kakao]

مرحبا فيكم حبيباتي ^_^

امس السبت اخدت 3 مواد حاسب ورياضيات وثقافه طبعا حكتب اليوم إن شاء الله شرح الحاسب والرياضيات
الرياضيات حكتبو زي ماشرحتو الدكتوره بدره الغامدي حسيت شرحها حلو الحمدلله

والحاسب جدا راع وغصباً عنك تحوبي الماده لأنو الدكتوره لبنى جدا اسلوبها حلو ماشاءالله عليها

إنتظروني قريبا <مع التعب مافيها تكتب شي ..

واليوم الاحد حاخد برضو 3 محاضرات تحليل كمي وعربي وانجلش إن شاء الله الاقي وقت اكتب كل المحاضرات حق امس واليوم *_*

إنتظروني قريبا .

[لينا22]

يسلموووووووووووووووو على موضوعك بس حابه اعرف ايش المحذوف في المواد مو معقوله الثقافه كلها ولا الرياضيات ولا الحاسب ابغي اعرف ايش المحذووووف يابنات؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[عاشقة الندى]

صباح الورد.........
اليوم السبت ... محاضرة الرياضيات مع الاستاذة شذا منقل....
الكتاب المقرر هو للاستاذ حمزة ابو جبل.... الطبعة السادسة 1429 هــ
الابواب المقررة علينا هي :
1/ الباب الثاني ( المفاهيم الأساسية في الجبر )
2/ الباب الثالث ( التحليل والكسور )
3/ الباب الرابع ( المعادلات )
4/ الباب السابع ( الدوال )

((( المفاهيم الأساسية في الجبر )))
1/ العمليات الجبرية:
هذا القسم سهل ويكفي انك تذاكريه من الكتاب وتطبقي الأمثلة وتذاكري الاشارات...
2/ المقادير الجبرية:
قالتلنا انو ممكن يجيكي سؤال صح وخطأ تجيب معادلة وتقول { هل هذه مقدار جبري أو لا }
3/ الأسس والجذور:
الجدول اللي في الكتاب ص 31 موضح كل شي ...
وكمان الجدول في ص32 ..... اللي هو خواص الأسس...


هذا كل شي اخدناه في المحاضرة باختصار طبعا واتمنى اني اكون افدتكم....
وياريت لو احد عندو معلومات تانية يقولها زيادة الخير خيرين...
الله يوفق الجميع....

[Cho Kakao]

وااا عاشقة الندى ياروحي بجد اسلوبها حلو دي الاستاذه حقتكم إحنا لا مافهمتنا غير إنو الكتاب الطبعه اللي قولتي عليها ومافهمتنا الابواب وقالت لو تحبو ادخلو موقع واعطتنا موقع كتبتو عالسبوره وشوفنا عالبروجيكتر بس وقالت حنبدأ من الباب التاني ^_^ بس وبدت تشرح ماقالتلنا من وين لوين وماقالت إنو الباب الاول محذوف *_* ,, انا حكتب الدرس اليوم إن شاء الله لما افضى واوريكي بالحرف إيش اعطتنا , بس دحين مافي وقت مره يادوبك فتحت المنتدى اشوف إيش كتبتو وشويه رايحه عالمعهد .

[عاشقة الندى]

صباح الخيرات..
بنات انا عندي استفسار بخصوص مادة الثقافة...
امس مادخلت المحاضرة الا متاخر شويه ومالحقت البداية بس شكلها اشرت على اشياء مهمة لاني سمعتها تقول على دخلتي دا مهم ودا مهم وانقهرت مو عارفة ايش هو اللي مهم ..
ياريت اللي حضرت المحاضرة بدري تقولنا لو في حاجات مهمة اشرت عليها ..
انا عارفة انو اساتذتكم غير بس يمكن تكون عندكم معلومة مفيدة ومهمة...
اسم الاستاذة اللي درستنا (( مي مدهون )) و شكلها طيبة وشرحها حلو.....

[شمس القوايل]

اهلين يابنات كيفكم ان شالله تكونو بخير
والله تمام ان استاذتكم حددت لكم اما انا امس رحت ما استفدت شي
الي تقرا من الكتاب تساليها تقولك مافي شي محذوف كلو معاكم
والرياضيات اظنها نفس استاذة شوكو شكلي راح اجي عندكم
بالله يابنات اذا تحدد لكم شي قولو لنا لاني من الي شفتو امس افكر اني ما اكمل الدوره

[naww-wwafa]

مساء الخير بنات
كيفكم
الله يسعدكم ويجزاكم خير وربي تاخذو فينا اجر اللي بعيدين عن جده
انا شعبتي 23 اللي بنفس الشعبه ياليت تقولي ايش الاخبار.