الــجـامــعــة والإعفاء .. الى مــتـــى ؟

[ضيدان]

إلى متى هذا الإستنزاف؟ لجيوب الإنتساب؟

بيجي من يقول انت ياخي باقي لك ترم وخلاص
انا مو مشكلة باقي لي الترم الجاي ان شاء الله وبتخرج ولا ابغى تلغون الرسوم عني
والله لا يشكر لهم فضل


لكن باقي الطلاب؟ الطالبات؟ خاصة اصحاب الظروف اللي بعضها ما يعلم فيها الا الله


وهم للاسف .. يا كثرهم


وكل بداية ترم

يفتحون باب للتقديم على طلب الاعفاء

ليش يضطر صاحب الحاجة انه يطلب؟ ليش ما تشوف الجامعة ملفات الطلاب والطالبات؟؟؟

اكيد اللي موظف راح يكون معه تعريف من العمل

واللي مو موظف او موظفة ما راح يكون بملفه شئ!

وتقدر الجامعة تستفسر عن طريق مخاطبة الضمان بأرقام جميع الطلاب دون استثناء

واللي عنده اسم مسجل بالضمان خلاص تلقائيا يتم اعفائه


والا عندنا حب ( قدم طلب ) وراجعنا بعد سنة !؟؟؟

الجامعة مو من ضمن أهدافها زيادة الوعي والتطوير للمجتمع السعودي؟ وتشجيع طلابها على استخدام التقنية؟؟

ليش الجامعة نفسها متخلفة في هذا المجال؟

عندها الف طريقة وطريقة توصل فيها للمحتاجين من طلابها وطالباتها!؟ ليش ما تستفيد من الامكانات المتاحة عندها ؟؟


والمصيبة ......... مو مصيبة ( قدم طلب اعفاء ) ..... المصيبة اللي يقدم وهو فعلا مستحق

وبالاخير يجي واحد واسطة .... والا له قريب او معرفة بالجامعة


ويتم اعفائه بكل بساطة ..... على حساب المحتاجين فعلا!؟


اتمنى ان لا تكون الجامعة (كمثل الحمار يحمل أسفارا) تتبنى وتنشر طرق التقدم والتقنية والتطوير والتأهيل وهي بنفسها ما تفقه هذا الاسلوب ولا تعتمد أي وسيلة في البحث عن طلابها وطلبتها المستحقين فعلا للاعفاء ويا كثر الوسائل والأفكار لكن وين اللي يبغى فعلا يوصل للمحتاجين؟؟؟؟



آسف ... لكن والله ارتفع ضغطي! من الصورة

وتخيلت اليتيم والمحتاج والارملة والمطلقة والمديون واللي عنده عائلة يصرف عليها
كيف يقدر يدفع؟ اقساط الجامعة كل ترم دراسي! وكيف ان بعضهم يضطر يحرم نفسه او اهله او اولاده من اشياء ضرورية في سبيل انه يدفع للجامعة اللي ما تعرف الرحمة على شان يكمل دراسته ويطور نفسه.

وكله كوووووم ... ولما اشوف دراسة غير السعوديين بالخارج على حساب السعودية كوووووووم

لكن أملنا في الله اولا ثم في وجود انسان يحس بادارة الجامعة ويقنع المسؤولين او على الاقل يوصل صوت الطلاب لادارة الجامعة ووضعها بالصورة

المعذرة

واترككم مع الصورة بالمرفقات

[777]

كلام سليم

[مستشفى]

ماشاء الله متى طلعت من السجن
ههههههههههههههههههههههههههههههههههههه

[قماري جدة]

ازيدك من الشعر بيت قابلت وحدة عندها اعفاء سالتها كيف قبلوكي قالت والله راتب ابويا 18000
لكن زورت ورقة انه متقاعد تخيلوا

[أغدا ألقاكــ]

الله ييسرها

[ضيدان]

المشاركة الأصلية كتبت بواسطة مستشفى ماشاء الله متى طلعت من السجن ههههههههههههههههههههههههههههههههههههه

ياخوي ما امداني استمتع بالحرية الا تجي تذكرني ههههههههههههههههههههه

ابي انسى يوم كنت بس اتمقل المواضيع بعيوني

وما كنت اقدر اتكلم او اعبر عن شعوري
كنت
مثل
من
يملك
شاشة
بدون
كيبورد

اليوم

والف شكر لمدير الموقع فهم الوضع وما قصر

[صقر الشمال]

المشاركة الأصلية كتبت بواسطة قماري جدة ازيدك من الشعر بيت قابلت وحدة عندها اعفاء سالتها كيف قبلوكي قالت والله راتب ابويا 18000 لكن زورت ورقة انه متقاعد تخيلوا

لاتعليق

[ضيدان]

المشاركة الأصلية كتبت بواسطة قماري جدة ازيدك من الشعر بيت قابلت وحدة عندها اعفاء سالتها كيف قبلوكي قالت والله راتب ابويا 18000 لكن زورت ورقة انه متقاعد تخيلوا

ما تدرين وش حدها على التزوير

يمكن صحيح راتب ابوها 18 الف لكن ما تدرين وش ظروفهم؟

ما اتوقع انها اضطرت تزور من فراغ

[ضيدان]

ان مع العسر يسرا

ان شاء الله ربك ييسرها

[ابوألين]

الله يعوضنا خير