إلى جميع من اختبر تحليل الجزئي وكااان النموذج هو ( د ) يتفضل

90909 · #1 15-01-2011, 01:48 PM

طبعاً كان عندنا أخطاء في الأسئله 13و 14

والأسئله من 15-20

رحت لكلية الإقتصاد والإدارة

عشان أشوف وش راح يسوون في الخطأ

دخلت على رئيس قسم الاقتصاد حصلت السكرتاريه وسألتهم وعلى طول قالو عندنا خبر عن هالموضوع ,, وبصراحه كانو متعاونين ومتفهمين الوضع,,,

المهم قلت بخش على رئيس القسم قالو احسن لك رح لاستاذ الماده هو اللي يفيدك وعنده اختبار وراح يجي بعد الضهر المهم تسحبت شوي في الأسياب ورجعت لهم مره ثانيه

وألاقي واحد من الطلاب بنفس الحاله وأللاقيه واقف عند باب المكتب وواقف معه رئيس القسم وشرح له الوضع وقعد يطمنا ويقول انكم ماراح تنضلمون ومن هالكلام وأرسلنا لدكتور فلالي لأنه في لجنة التصحيح. طبعاً ماحصلناه وأنتظرنا شوي

ألا استاذ الماده المصري أسمه عبدالرحيم وهو نفسه اللي جانا بالاختبار
جاي وتقابلنا عند مكتب الدكتور فلالي والمصري سوا

المهم قلنا له وش اللي صار وانه كان في خطأ ووش راح تسوون في هالحاله

نط المصري و قال حنوزع درجاتكو على الأسئله الباقيه

قلت ياأستاذ أنتم كذا ضلمتونا مره ثانيه ,,, كشر وجهه على طول وقال إيه أيه نزلمكم قلت نعم تضلمونا كذا

لأن جميع الطلاب راح تقسم درجاتهم على 40 سؤال وإحنا راح تقسم على 32 سؤال . يعني بدال الخطأ مايكون بــ2.5 راح يكون الخطأ بــ4 درجات.

ألا يوم قلت كذا وعيونه تغوص داخل من الحقد وقطبت جفونه ولمى ناظرت د/فلالي ألا عيونه شاطحه مثل اللي تقول توه متنبه لشي . المصري فرك على طول وكل مامشى شوي يلتفت من بعيد.
د/فلالي ماشاء الله عليه قال احنى مع الطالب وراح نزودكم درجات وراح نساعدكم ولا تشيلو هم واحنى في الأخير راح نزودكم .قلت يادكتور نطمن لأن عندنا اختبار محاسبه , قال مره روح وذاكرو وأبشرو بالخير,,,, والله يجزاه الخير

ومشينا من عنده وهذا اللي صار والله يوفقنا وياكم......