والحل مع الجامعه هادي ! ليا اكتر من يومين اروح الجامعه ابغا اخد المقاييس ولا يعطوني!

[w h i s p e r]

السلام عليكم ..

بصراحه انا اكتب الموضوع وخلااااااااااااص وصلت معايا بصراحه ..

حاولت اصبر واحتسب الاجر لكن مع جامعتنا مستحيل ..

لكم ان تتخيلو ليا اكتر من يومين اروح الجامعه او ارسل احد عشان ابغا اخد المقاييس ولكن لا حياه لمن تنادي !!!

الاستاذات كل وحده ترمينا عالتانيه وكل وحده تقول مو انا اوقع ولا انا اختم مع العلم لها الصلاحيه وهيا تقدر تمشي امورنا ونصهم مقفلين مكاتبهم كمان!!

وغير كدا يقولو الساعه 12 تجي استاذتك طيب المعمل يقفل قبل 12 !! يضحكو على عقولنا ليش؟.

نفسي اعرف كل دي الشحططه ليش ترا كلها شخطة قلم ويمشي موضوع خااافو الله فينا نحنا تخرج كفايه اعصابنا متوتره من التدريب وتقاريره ولسه ورانا مواد..

الله حسيبي ونعم الوكيل دا اللي اقدر اقولو..

انا غبت يومين من التدريب بسبب دا الموضوع وياريت حصلت شي حتجنن وربي منهم


الللللللله يخليكم رجاءً اللي تقدر توفرلي مقياس الاكتئاب ومقياس القلق لدى المراهقين تراسلني انا ماقدر اسيب تدريبي كفايه غبت يومين وقالو حينقصوني :(

[goood man]

اعانكم الله

انصحك بالتواصل مع الأخت الكريمة شمعة الجامعة

او الأخت الكريمة طلة ملكه

وان شاء الله يفيدوك

لان المقاييس الموجودة بالقسم مهمه ومفيدة

وسوف تتم الاضافة على العنوان لكي يفيدك اكثر

وفقكم الله جميعا

[دندن2010]

أي والله انك صادقة ان شاء تلاقي الحل ويتيسر امرك

[w h i s p e r]

المشاركة الأصلية كتبت بواسطة goood man اعانكم الله انصحك بالتواصل مع الأخت الكريمة شمعة الجامعة او الأخت الكريمة طلة ملكه وان شاء الله يفيدوك لان المقاييس الموجودة بالقسم مهمه ومفيدة وسوف تتم الاضافة على العنوان لكي يفيدك اكثر وفقكم الله جميعا

ان شاءالله اخ قود مان حتواصل معاهم..

والله مو قادره اوصل للمقاييس واتاخرت في بحثي والله المعين

تسلم الله يقويك

[w h i s p e r]

المشاركة الأصلية كتبت بواسطة دندن2010 أي والله انك صادقة ان شاء تلاقي الحل ويتيسر امرك

امين يارب والحل اني اغيب برضو من التدريب بكره :(

[دغبوجه]

انا رحت قبل امس وانا مع الدكتوره ماجده مالقيتها وابدا مو متعاونه مع طالباتها ووقعت لي الاستاذه اميره الله يسعدها واخذت المقايسس الحمد لله روحي لاستاذه اميره مررره عسل بتوقع لك عشان تاخذيين المقاييس

[w h i s p e r]

المشكله لازم اجيبها بكره ان شاءالله لاني مشتركه مع وحدا فالبحث وبدات تعصب لاني اتاخرت وهيا مو بجده..

والله مو عارفه ايش اسوي

[سلمان 5120]

السلام عليكم
انا عندي بحث تخرج هذا الترم ارسلت الموضوع للدكتور (العلاقة بين الطلاب الاسوياء وذوي الاحتياجات الخاصة ) ووافق عليه الدكتور بس طلب مني المقاييس والمتغيرات بصراحه ما فهمت قصده ممكن اللي يعرف يقولي

[سلمان 5120]

اتمنى اللي يعرف يرد عليه

[صموود متفائلة]

المشاركة الأصلية كتبت بواسطة دغبوجه انا رحت قبل امس وانا مع الدكتوره ماجده مالقيتها وابدا مو متعاونه مع طالباتها ووقعت لي الاستاذه اميره الله يسعدها واخذت المقايسس الحمد لله روحي لاستاذه اميره مررره عسل بتوقع لك عشان تاخذيين المقاييس

الله يسعدك متى ساعاتها المكتبية الاستاذة اميرة ؟؟؟؟؟؟؟؟