مواد اخر ترم للتخرج ، استشارة يا اهل الخبرة ، و لكم دعاء و صدقة !

[اهدنا الصراط المستقيم]

السلام عليكم
باقيلي 13 مادة عشان اتخرج و حابة اتخرج هالسنة فياليت تفيدوني بخصوص المواد
ابغا ارفع معدلي فحطيت كل المواد السهلة نوعا ما في الترم الاول
و استشارتي هي هل المواد التالية صعب ادرسها مع بعض ف اخر ترم ؟
و اذا ممكن ياليت تشرحون لي اش هذي المواد و اش بدرس فيها و شكرا
لكم دعاء خالص و صدقة عنكم

المواد :
شباب و قيم
شعر
نقد
تدريب عملي
لغويات اجتماعية
حلقة بحث
و ثقافة 4
اش رايكم هل بتكون صعبة مع بعض ؟؟؟؟ لاني ما ابغا اخذ صيفي

[Naser]

وعليكم السلام ورحمة الله وبركاته

اولا مبروك التخرج مقدما يا اختي
ثانيا تقدري تتعرفين على كل مادة من المواد اللي كتبتيها من خلال محرك البحث هذا :
www.skaau.com/search
اكتبي اسم المادة ورمزها وبتطلع لك مواضيع في المنتدى عن المادة هذي والدكاترة واشياء كثيرة اخرى


بالتوفيق
وياهلا

[ghammf0e]

وعليكم السلام
موادك حلوه مو مره معقده بالنسبه لي كان اصعبها هو بحث اللغويات بس ان شاء الله تتسهل معاك
باعتبار ان عندك مادتين حره يعني تمام احرصي عليها برضو عشان تساعدك في رفع المعدل
مادة التدريب العملي حلوه وسهله حاولي اذا فيه مجال تتدربين في اماكن سهله زي مكتبة الجامعه لان فيها بريكات وتقدرين تاخذين موادك معاك انا كان تدريبي فيها وكنت اخذ بعض موادي اذاكرها في المكتبه وقت استراحتي فانتي شوفي اي مكان تروحين له حاولين تاخذين ماده او مادتين تذاكرينها معاك
اللغويات الاجتماعيه شويه دسمه وكلامها كثير ف ع شان كذا ذاكريها اول باول اذكر اخذتها مع د/سلطان الحاتمي كانت سلايدات طويله حبتين بس حبيت الماده ممتعه
ع العموم نصيحه مدام موادك كثيره وانتي تخرج ابدا ابدا لاتراكمين شي اول باول ذاكري واجلي الخرجات والمناسبات لبعدين اهمشي درجاتك تكون عاليه
بالتوفيق.

[الواثقةبالرحيم]

المشاركة الأصلية كتبت بواسطة اهدنا الصراط المستقيم السلام عليكم باقيلي 13 مادة عشان اتخرج و حابة اتخرج هالسنة فياليت تفيدوني بخصوص المواد ابغا ارفع معدلي فحطيت كل المواد السهلة نوعا ما في الترم الاول و استشارتي هي هل المواد التالية صعب ادرسها مع بعض ف اخر ترم ؟ و اذا ممكن ياليت تشرحون لي اش هذي المواد و اش بدرس فيها و شكرا لكم دعاء خالص و صدقة عنكم المواد : شباب و قيم شعر نقد تدريب عملي لغويات اجتماعية حلقة بحث و ثقافة 4 اش رايكم هل بتكون صعبة مع بعض ؟؟؟؟ لاني ما ابغا اخذ صيفي

وعليكم السلام ورحمة الله وبركاته..

ممم خلينا نقسمهم ونقول انو عندك مادتين ادبية ومادتين لغوية..
المواد في تخصصنا عموما سهولتها من صعوبتنا بتكون حسب الدكتورة او الدكتور اللي بيعطي المادة
طريقته ومنهجه واسلوبه..

الشعر من اسمه قصائد شعر تحلليها مثل اللي درستيها في مقدمة الادب

النقد..يعتمد المنهج على الدكتور او الدكتورة اللي بيعطو المادة وهي مادة انا اخذتها مع الشوكاني وكانت من اروع مايكون هي مادة ممتعة تيجي بعد مااخذتي كل مواد الادب عشان توسع مداركك لكيفية يكون عندك ادراك للي بتقرأيه بحيث تقدري تحكمي على الصائب والخاطئ تحللي وتنقدي النصوص حسب معرفتك ومعتقداتك ودينك ووو والمدارس اللي اتبعها بعض النقاد في النقد ..،الخ
يعني تقدري تقولي كورس يعلمك كيف تقرأي الادب بادراك ..

اللغويات الاجتماعية..مادة من اسمها تتكلم عن اللغة في سياقها الاجتماعي مثلا كيف انو اللغة وطريقة النطق والاسلوب والمعاني تختلف من طبقة الى طبقة اخرى في المجتمع ومن مهنة لمهنة وتختلف من المراءة للرجل كمان ومن ثقافة لثقافة ..الخ يعني مادة توضحلك مدى تأثير عوامل كثيرة على لغويات الشخص بدأ من جنسه مرورا بطبقته مهنته ثقاقته جنسيته..الخ
كمان مادة ممتعة خديها بالفهم لانها فهم مو حفظ لما تفهميها هاترسخ في راسك خاصة لما كل شيء تربطيه بمثال من الواقع..

حلقة البحث في اللغويات..على حسب اللي بيعطكي المادة اما هايطالبك بمنهج سينتاكس بحيث تدرسي سينتاكس موسع شوية عن اللي درستيه او يطالبك بمنهج لغويات اجتماعية وموسع شوية يعني من اسمه حلقة بحث يعني احد المنهجين مع توسع فيهم يعني فهم الكورس سواء سينتاكس او لغويات اجتماعية هايخلي الموضوع سهل عليكي..وعلى حسب اللس بيعطيكي ايضا ممكن يطالبوكي بحث او لا..

ويارب اكون افدتك موفقة

[الواثقةبالرحيم]

نسيت التدريب العملي من اسمه مكان تتدربي فيه 90ساعة وتكتبي تقرير عن تدريبك وتختبري اختبار توفل بسيط من مواد البيسك رايتنغ او ريدنغ جرامر فوكابلري وهيك..