سنه تحضرية تحتاج مساعدة من خبيرات القسم

[أورنج~]

السلام عليكم ورحمة الله وبركاته
فتحت هالموضوع لاننا في امس الحاجة لخبراتكم

أتمني أنكم تساعدونا نريد معلومات عن كل قسم

(دراسات طفولة -إدارة سكن-تربوي-فنون إسلامية)إذا في غلط سامحوني

وسمعت في إدراة مؤسسة ايش الفرق وهو ضمن إدارة سكن


الله يخليكم لاتبخلو علينا بإي معلومة

اتمني عدم التطنيش ياحلوات

والله يوفق الي تفرجيها علينا

[فرفشة]

يارب في احد يقدر يفيدك يااختي

[Twix~}..]

آهنن آهنن يا عسسسل ...

أول شي مبروووكـ عليكي أنكـ عدتي السنهـ التحضيريهـ ..

وبالنسبه ليا أقدر ان شاء الله افيدك في تخصص إدارة سكن ومؤسسات لانو دا تخصصي ..

إدارة السكن شامل إدارة المؤسسات ..

التخصص قبل فتره كان بس إدارة سكن .. بس الحين صار إدارة سكن ومؤسسات ..

بالنسبه للتخصص مو عشان تخصصي بس مرآآآ ممتع آنا بصراحه ما أحس أني أروح أدرس أحس أني أروح أخذ دوورة بمواد معينة واستفيد منها .. التخصص هذا او أي تخصص في اقتصاد منزلي لازم تعرفي انه راح يكون في شغل كتير شي معروف في الاقتصاد المنزلي .. إذا ما تحوبي الشغل ابعدي عن الكلية بالكامل ..

بس بجد كل الاقسام في الكلية حلووووهـ ودا رأي الشخصي .. واي استفسار حابه تعرفي عن ادارة سكن ومؤسسات أنا تحت أمرك ...

وأم سوووري على الاطالة ..

وبالتوفيق ياعسسسسل ..

[ساكنه في بيتنا]

و عليكم السلام و رحمه الله و بركاته


ارد عليكي ان شاء الله بعدين .. تحين مشغوله :) ..

[فرفشة]

اش المواد الي فيه وكيف دراستها في عملي يعني اي معلومة عنه
وشكرا

[Twix~}..]

هلا فرفشة ..

بالنسبة لمواد تخصص إداراة سكن ومؤسسات .. طبعا زي اي قسم واي كلية في مواد عامة ومواد تخصص ومواد اختياريه ومواد حره ..

عندنا المواد الاختيارية كتير تختري خمسه وتدرسيها والحره اثنين من أي كلية ..

المواد الي بندرسها في التخصص مواد حلوه وممتعه تقدري تشوفيها من موقع الجامعه ادخلي على الكليات بعدين اقتصاد منزلي وبعدين ادارة سكن ومؤسسات وشوفي خطة القسم ..

العملي في قسمنا امممم مو كتيير كتيير يعني شويتين بس .. بس في مادة سكن وتأثيثة هاذي عملي (( تصميم )) مرا حلوووهـ الماده عبارة عن مقاسات وخطوط .. في ممارسة مهنة في الاترام الاخيرة تقدري تأخذيها لانك تروحي تتطبقي في اماكن معينة .. في مادة البيت التدريبي برضو عملي .. في مادة تنسيق زهور برضو عملي .. في إدارة حفلات البنات قالولي انها عملي ..

بس خلي في بالك انو في دكتوارات يخلونا ننزل زيارات ميدانية (( يا كل وحده لوحده او نروح مع الجامعه )) حتى لو المادة ما كانت عملي .. وطبعا الهدف من الزياره انك تتعرفي على المادة بطريقه عملية .. بس بجد مرا تستفيدي وتنبسطي ..

في دكتورات يخلونا نعمل تطبيق للمادة نهاية كل ترم حتى لو المادة نظرية .. نوعية التطبيق على حسب كل دكتوره ممكن حفلة .. ممكن بازار ...الخ ..
مكان التطبيق برضو على حسب كل دكتوره ناس داخل الجامعه وناس خارج الجامعه .. يعني انا دحين سويت تتطبيقين بس كلها خارج الجامعه واحد في التحلية سنتر واحد في فندق الانتركنتينتال ..
برضو عملت زيارتين ميدانية وحده لبنك الجزيرة وحده لمعرض اكسترا ..

....

وبالتوفيق ياعسسسل .. ان شاء الله اكون افدتكـ .. واي استفسار انا تحت امركـ ..

[فرفشة]

مرة افدتيني ومررررررة شكرا
الله يوفقك وييسر امورك ويبسطك اكثر مما انتي عليه
وجعل الفردوس ماواكي وماواي

[Twix~}..]

العفوو ياقلبي .. ولو كولنا لبعض ...

وتسلميلي ع هالدعوهـ الحلوووهـ ..

وآمين يااارب وللجميع ان شاء الله ..

وآي خدمه انا تحت آمركم ..

[غـزل]

المشاركة الأصلية كتبت بواسطة twix~}.. هلا فرفشة .. بالنسبة لمواد تخصص إداراة سكن ومؤسسات .. طبعا زي اي قسم واي كلية في مواد عامة ومواد تخصص ومواد اختياريه ومواد حره .. عندنا المواد الاختيارية كتير تختري خمسه وتدرسيها والحره اثنين من أي كلية .. المواد الي بندرسها في التخصص مواد حلوه وممتعه تقدري تشوفيها من موقع الجامعه ادخلي على الكليات بعدين اقتصاد منزلي وبعدين ادارة سكن ومؤسسات وشوفي خطة القسم .. العملي في قسمنا امممم مو كتيير كتيير يعني شويتين بس .. بس في مادة سكن وتأثيثة هاذي عملي (( تصميم )) مرا حلوووهـ الماده عبارة عن مقاسات وخطوط .. في ممارسة مهنة في الاترام الاخيرة تقدري تأخذيها لانك تروحي تتطبقي في اماكن معينة .. في مادة البيت التدريبي برضو عملي .. في مادة تنسيق زهور برضو عملي .. في إدارة حفلات البنات قالولي انها عملي .. بس خلي في بالك انو في دكتوارات يخلونا ننزل زيارات ميدانية (( يا كل وحده لوحده او نروح مع الجامعه )) حتى لو المادة ما كانت عملي .. وطبعا الهدف من الزياره انك تتعرفي على المادة بطريقه عملية .. بس بجد مرا تستفيدي وتنبسطي .. في دكتورات يخلونا نعمل تطبيق للمادة نهاية كل ترم حتى لو المادة نظرية .. نوعية التطبيق على حسب كل دكتوره ممكن حفلة .. ممكن بازار ...الخ .. مكان التطبيق برضو على حسب كل دكتوره ناس داخل الجامعه وناس خارج الجامعه .. يعني انا دحين سويت تتطبيقين بس كلها خارج الجامعه واحد في التحلية سنتر واحد في فندق الانتركنتينتال .. برضو عملت زيارتين ميدانية وحده لبنك الجزيرة وحده لمعرض اكسترا .. .... وبالتوفيق ياعسسسل .. ان شاء الله اكون افدتكـ .. واي استفسار انا تحت امركـ ..

صراحه مررررره حمستيني اني ادخل هذا القسم <<<تحب الشغلات الي زي كيدا
كنت محتاره بينه وبين دراسات طفوله بس صراحه بكلامك اقنعتيني اني ادخله ربي
يجزاكي كل خير يارب ويوفقك بس ابغي اعرف خيتو كم المعدل االمطلوب ؟؟ عشان
ادخل هذا القسم ؟؟ ياريت تجاوبيني وجزاكي الله الف الف الف خير يارب ...

[Twix~}..]

هلا غزوووولهـ ...

إذا انا ماني غلطان ياعسل فالمعدل المطلوووب في دا التخصص 3 وفوق ..

وبالتوفيق يارب ..

وهذا انا اعيدها التخصص حلو مرا مرا مرا ..

بس من شويا قرأت كلام لوحده من الخريجات من دا التخصص انها واجهت مشاكل كثير وقت تقديم الوظيفة لانو التخصص مرآآآآ مو معروف وبالفعل التخصص دا مرا مو معروف بس احنا بنات التخصص صرنا لما نعرف انو في سوق عمل ننزل مجموعة من البنات ونعرف بتخصصنا وتتفاجا الشركات الموجوده هناك انو في دا التخصص ويندرج تحت كلية الاقتصاد المنزلي ..

التخصص يدررررررررس مواد كتيره حلوووهـ ومفيدة بس مين يسسمع ..

بس ربنا كريم .. وربنا يوووفقك وتصيري من بنات تخصصنا :$