ياليت تساعدوني برايكم عن وول ستريت تفضلو ربي يحقق كل احلامكم يااااااااااااااااااااارب

[السنيورة25]

السلاااااااااااام عليييييييكم بطلاب وطالبات جامعة الملك عبدالعزيز
ربي يسعدكم ويوووووووقفكم ياااااااارب
عندي استفسار يالييييييييييييت ربي يسعدكم تردو علي
انا مخلصة الجامعة قسم انجلش المحادثة عندي ضعيييييييييييييييييفة دراسة الجامعة ماستفدنا منها
ابغى معهد انجلش يركز فققققققققققققط على المحادثة بشكل كبييييييييييييير
بالمدينة المنورة عندنا الابداع الكندي ماله حس وعندنا الخليج وول ستريت
وول ستريت بييين المدح والذم بما انه عالمي اكيييييد النظام واحد
ياليييييييييييييييييييت مجربين ومجربات وول ستريت يخبرووووووووووني عن تجربتهم كييييف كان مستواهم وكيييف اصبح سجلت بمنتداكم فقققققققط لأجل ذا الموضوع ربي يووووووفقكم يارب انتظظظظظظركم

[wedyan b-a]

وعليكم السلام ورحمة الله وبركاته ...

أهلين بيكي ياقمر , انا من المدينة زيك , وكمان اعاني من اللغة الانجليزية

بس حأقولك شئ ازا انتي تخصصك انجليزي و4 سنين بتدرسيه وماحسيتي نفسك أستفدتي , تتوقعي معهد من دي المعاهد حتقدري تستفيدي منو شئ , صدقيني بس خساير فلوس مو أكتر لانو اللغة الانجليزية تحتاج ممارسة أكتر من دراسة .

حاولي قد ماتقدري تمارسيها أدخلي مواقع ومنتديات أجنبيه واتخاطبي معاهم وحبة حبة حتلاقي نفسك بدأتي تسترسلي الكلام معاهم .

مممم في موقع اسمو بوزو يعلم لغة انجليزية من بين الأدوات اللي يستخدمها للتعليم انو يحطلك مجموعة أشخاص لغتهم الأم الانجليزية وداخلين يتعلمو لغة تانية , يعني زينا داخلين يتعلمو , وانتي تختاري اي احد فيهم وتحادثيه وتدربي معاه , أنا بصراحة حسيت نفسي أستفدت من الموقع دا , ومو بس هوا في مواقع كتير , أسمعي أكتبي رددي خاطبي , حتى مع صاحباتك , او مثلا عندك برنامج sim sim اللي كل الناس آخدتو تسليه إنتي حاولي تحمليه باللغة الانجليزية وأقعدي أهرجي معاه إسمو تتدربي ومحد داري عنك لو غلطتي عشان لا تقولي أتكسف .


صدقيني مافي زي التعليم الذاتي , حاولي قدر المستطاع تعلمي نفسك بنفسك وتأكدي أي شئ دون ممارسة ماراح ينمو ولا يتطوور حتى لو درستي في معاهد امريكية .


دي نصيحتي ليكي ومن مجربة , أتمنى إنك تكوني أستفدتي من كلامي ^ ^

وصحيح على معهد وول ستريت صاحبتي دخلتو تقول انها زادت مهارتها حبتين بس بصراحة أنا ماشفت أي تطور عندها , لأني زيك كنت أفكر أدخل معهد , بس دحين آمنت إيمان تام إنو مافي زي التعليم الذاتي =)


وأي طلب نحنا في الخدمة ياعسل

[ديزاين]

وعليكم السلام
اكاديمية ابو عمر روعه انا ناويه اسجل فيها ان شاءالله وسعرها مناسب لو تدرسي اون لاين 250 ريال
كثير بنات مدحوها لي ودخلت على اليوتيوب ليه مقاطع مفيده والاسلوب في التعليم روعه
رابط الاكاديميه وفي اختبار تحديد المستوى على نفس الموقع مجاني

http://englishplace.net/

وهنا رابط القناه له 126 مقطع تعليمي مجاني اطلعي عليها ان شاءالله تعجبك
http://www.youtube.com/user/Abdullrhman

او
















وفي سلسلة دروس عاجبتني ناويه اتابعها ان شاءالله واليوتيوب مليء بالكورسات المجانيه لاتخسري فلوسك على المعاهد وعن تجربه انا كنت مسجله بالابداع الكندي استفدت ولكن قليل كنا متقيدين بمنهج معين ولكن بعكس اليوتيوب دروس مختلفه ومتنوعه بشكل موسع .





بالتوفيق للجميع .

[السنيورة25]

شكرااااااا على الردود بصراحة دراسة جامعتنا كانت جدااااااااا فاشلة ماستفدنا منها الا القليييييييل فياليييييييييت مدجربين وول ستريت يتفضلوووووووو

[قطوه مكحله]

اهلين
بصراحه عن تجربة اكادمية اكسفورد ممتاز
بس للاسف فرعهم الوحيد بجدة
موقعهم جنب ايس لاند

[السنيورة25]

اتمنى اشوف مجربين وول ستريت