يتزوج عليها .... شي طبيعي؟

[.,.نيــــــــــــــــــــران.,.]

سلام يابشر



الفترة ذي بأقابل ناس اللي متزوجة عليها زوجها واللي تحكيني عن احد يقربلها او تعرفه


بس استغربت مرة ! وقعدت أفكر

ألاحظ انه صح تزعل الحرمة الاولى من زواج زوجها في البداية ..

بس بعدين تتعدل حياتها مع زوجها

يعني اول ماكانت تهتم بنفسها > صارت تهتم بنفسها ونظافتها وتتزين

ماكانت تهتم بروحته وجيته > صارت تنتظر يومها وتشتاق له وتتزبط وماتخرج وماتخلي أحد يزورها لأن اليوم يومه وبس


وحدة قريبتي كنت أمشي معاها في السوق .. زوجها متزوج عليها
المهم ألاقيها تدخل محلات قمصان النوم وتتخير .. وتحاول تشتري اشياء للبيت ولنفسها عشان زوجها .. سابقا ماكانت كذه !



الغريب في الموضوع إن الحرمتين يصيرون أكثر من أخواااااات وصديقات ويروحون عزايم وزواجات مع بعض

3 حالات مرت عليا زي كذه شفتها بنفسي
غير اللي سمعته

أشوفهم بعيني وماأصدق

مدري هل هذا الشي طبيعي وتشوفون اللي أشوفه ؟!

[رغد محمد]

حماااااااااااااااااااااااااااااااااااااااااااااااا ااااااااااس لو صار كذا بصراحة انا ما مر علي كذا
يعني اسمع من اهلي الكلام هذا الي قلتيه لكن ما يدخل عقلي !!!!!!!!
وبصراحة لو في كذا كثيييييرالحياة راح تصير احلى واحلى والله
الله يسعدك على موضوعك الجميل .

[محابر النصرة]

صحيـــح ...

في وحدهـ أعرفها كانت متعاااقده في منطقه ...وزوجها شغله في منطقه ثااااانيه ...

رفضت تتركـ شغلها علشاانه ....؟؟ مع إنها مقتدرهـ ...

وصاروا متشتتيـن ..كل واحد بمنطقه ...

زوجها تزوج عليها ...الثانيه راحت معااهـ لمنطقته ...

وقبل فترهـ تركت الاولى شغلها ..وراحت سكنت في نفس منطقته ....

...........!!

يمكن يكون السبب ...غيرة المرأهـ ...وما تبغى الثانيه ..تسيطر على حياتهـ ..

لأنها في الأول ..وااثقه إنه مافي أحد غيرهـا ...

لكن لما تزوووج تغيــر الوضع ....

للأسف أغلبهن ما ينتبهن إلا بعد فواااات الأوااان .....

[الكريم ابن الكرام]

صباح الخير

حاجة حلوة والله

هذا الوعي اللي ندور عليه

مثل ما قلتي الحرمة تتغير 180 درجة بعد ما يتزوج بالثانية

والحالة هذي اللي تقولي مرت عليكم أو لا ؟

نعم الحمد لله أعرف كم واحد متزوج زوجتين والحمد لله مبسوط منهم وتشوفيه زوجاته مثل الأخوات والله ويمكن أكثر

لدرجة حتى الطبخ كل وحدة تحاول تسبق الثانية وتطبخ لها من شأن لا تكلف عليها وترضيها

وهم بعيدين كل البعد عن الشقاوات اللي نعرفها

وأولادهم كأنهم أشقاء ما شاء الله

الله يكثر أمثالهم

دمتي كريمة

[طالبة.مجتهدة]

الا كلامك صح نيران...
لأن الحرمة قبل ما يتزوج عليها زوجها تخيلي ايش تسوي ترفع البيت ولا تتنتبه للعيال ولا تضيف ولا تروح تشوف أهلها ولا تتزين لزوجها وتفضاله تبعا وهو مسنتر في البيت....
لكن لو تزوج عليها تقدر تسوي دي الأشياء كلها وهو مو في البيت وعلى ما يجي عندها تكون رتبت نفسها ومستنيته....
كمان الحرمه لو زوجها تزوج عليها دا يعني في حرمة ثانية في حياته لازم تطلع نفسها احلى منها صح ولا لأ؟؟؟
الغيرة ياقلبو لها دور...
وفي شي ثاني كمان انو الحرمة تصير مع ضرتها تمام كيف؟؟؟
في البداية الزوجة تحقد وتعصب ومري وش تسوي لكن في النهاية تعرف دا مو من مصلحتها ترجع تصادقها وتصير تمام معاها ....



دي الحياة والرجال في الأول والأخير ما يتزوج ثانية الا لسبب ما وبكدا يصير هوا الكسبان عدل من حرمته صح ولا....


مشكورة عالموضوع اللي حمسني ارد عليه...

[JuStice]

.

وعليكم السلام ورحمة الله وبركاته ,

هذا اللي المفروض يكون .. والحمدلله موجود كتير .. والد أحد أصدقائي متزوج اتنين .. ومبسوطين في حياتهم وكل شي تمام ,

الله يجازي أصحاب المسلسلات - بالذات الخليجية - اللي دائمًا تصوّر لنا معظم حالات الزواج التاني أو التالت على إنها مشاكل وحرب وضرب بين الزوجتين وبعضهم يلجأ للسحر والله المستعان

.

[أبو رآكآن]

يا ليت ينتشر هالمفهوم لإن أشوفه إيجابي للزوجة قبل الزوج .. وهذا ديننا ما حث على شيء وأباحه إلا فيه فوائد كثيره ..
المسلسلات صارت تتبنىء الحياة الغربية وتحاول تفرضها على واقعنا العربي وهذا اللي سبب المشاكل اللي نشوفها ..
وأنا مرت علي حالات نفس اللي تتكلمين عنهم وفعلاً الزوجات يحبون بعض وأكثر وأكيد لعقلية الزوج دور في التقريب بينهم ..
اللهم قدر لنا الخير حيث كان .شكراً نيران

[ستأتي أيامي]

ما أحب هذي السيرة أبداً..

[الملاذ..]

^
^
خخخخخخخ
.
.
صدز نيران ..

ما شاء الله تبارك الرحمن عليهم .. الله يوفقهم

[صمت مسموع]

المشاركة الأصلية كتبت بواسطة .,.نيــــــــــــــــــــران.,. سلام يابشر الفترة ذي بأقابل ناس اللي متزوجة عليها زوجها واللي تحكيني عن احد يقربلها او تعرفه بس استغربت مرة ! وقعدت أفكر ألاحظ انه صح تزعل الحرمة الاولى من زواج زوجها في البداية .. بس بعدين تتعدل حياتها مع زوجها يعني اول ماكانت تهتم بنفسها > صارت تهتم بنفسها ونظافتها وتتزين ماكانت تهتم بروحته وجيته > صارت تنتظر يومها وتشتاق له وتتزبط وماتخرج وماتخلي أحد يزورها لأن اليوم يومه وبس وحدة قريبتي كنت أمشي معاها في السوق .. زوجها متزوج عليها المهم ألاقيها تدخل محلات قمصان النوم وتتخير .. وتحاول تشتري اشياء للبيت ولنفسها عشان زوجها .. سابقا ماكانت كذه ! الغريب في الموضوع إن الحرمتين يصيرون أكثر من أخواااااات وصديقات ويروحون عزايم وزواجات مع بعض 3 حالات مرت عليا زي كذه شفتها بنفسي غير اللي سمعته أشوفهم بعيني وماأصدق مدري هل هذا الشي طبيعي وتشوفون اللي أشوفه ؟!

وعليكم السلام

شوفي بما اني حربيه اشوف ذا الشي مررره عادي بس ماقد حصل في بيتنا يعني انا اصغر وحده وكل اخواني واخواتي متزوجات بس لااخت زوجها اتزوج عليها ولا اخو اتزوج على زوجته

بس بنفس جماعتنا اشوف كثير وزي الاخوات فعلاً ويطلعون عزايم وزوجات مع بعض وبالعيد يتمشوا او يسافروا مع بعض ولا واللي يضحكني وبقوه اذا في فرح كنا فيه وتجي وحد تسأليها عن فلانه فينها تقولك مالها نفس تجي وقالت روحي وخلي اولادك عندي ,, انا وقتها ماامسك نفسي من الضحك لانو اولاد اخواني اعصب لمن يتركوهم عندي مو طبينتي امسك اولادها حاله والله .. وكمان في طباين تحصل بينهم مصايب الدنيا وخصام ورفع صوت واللي يضيع بينهم الزوج بس يستاهل

وبخصوص الاهتمام قبل ماالزوج يتزوج ذا الشي شايفته باختي مسويه زحمه على زوجها كل فتره طالعالنا بشكل جديد ولا لمن يكون في البيت ماتستقبل احد حتى انا مع انه ماشاءالله تبارك الرحمن ولدها في الثانويه وبنتها برضو لكن الله يحميها مررره مهتمته يعني لو زوج اختي سوها حلال فيه يتفرم بس مااظن يعملها ..

وعالعموم بالنعيش ونشوف اشياء واشياء

يسلمو عالموضوع

سي يو

:)