محتااارة..نصيحتكم تهمني..؟.. ي اهل العلوم

[dr.imey]

السسلام عليكم

انا طالبة تحضيري معدلي 4.17 ومعدلي الموزون 84 ونسبتي الخاصة 83

طبعا كان نفسي بتقنية مختبرات (علاج طبيعي ) لكن قدر الله وقبلووني علووم

ومشكلتي مافي اي كلية اهلية فيها منح تدرس تخصص علاج طبيعي غير البترجي

ف انا حاروح بوكرا العمادة واكلمهم بالذات انو اكيد في اعداد كبييييرة كان حلمها طب وقبلوهم تقنة مختبرات فاكيد محايضيعو سنة ويسحبو ملفهم ويروحو اي كلية اخرى لكن زي ماتشوفو انا نسبتي الخاصة تدخلي الكلية بس الاختلاف انو المفاضلة كانت بيني وبين دفعة شااااطرة اسم الله عليهم
بس خايفة اذا رحت بوكرا العمادة يقولو لي انتي بعيدة عن اخر نسبة قبول وقفت ؟؟

الموهم حاليا لي خيارين فقططط

1- اكمل علوم وعلى راي العضوة (بيو كيميائية) اتخصص كيميا حيوي زي اختي وادرس مواد حرة وعامة وكم مدة تخصص عشان ارفع معدلي لفوق 4.5 واحول بعد سنة لتقنية المختبرات>>نفسي اعرف كم عدد البنات اللي يخلوهم يحولو تريبا في السنة ؟؟

2- كفاية كل شوية اضيع سنة واحول على ابن سينا بمنحة الملك يعادلولي مواد التحضيري واتخلى عن حلمي وادرس طب بشري 7 سنوات او تمريض >>مع العلم انو الطب احسن لي



شو رايكم ؟؟ ايش الافضل لي؟؟

[shahoooda]

up
up
up

[راسيه]

قدمي على منحه .. !!

انا كنت افكر زيك بالضبط .. واهو دحين بكمل فالكيميا الحيوي ماحقدر احول لأني ماقدرت اجيب المعدل

صح اترفع الحمدلله بس مو بالنسبه اللي يبغوها ..

ماشاءالله معدلك عالي تقدري ترفعيه

لكن المنحه اضمن لك .. وانا صحبتي كانت معايا فالتحضيري بس سحبت وققدمت على منحه

دحين بتدرس تمريض ووحدهتانيه تقنيه طبيه عالمنح كلهم ..

وانتي استخيري وربنا يوفقك يآقمرر ^^,

[shahoooda]

منحة في عبد العزيز ؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!

[راسيه]

^

لا منحه فالكليات الخاصه .. زي ابن سينا والبترجي وكلية الغد ..

[~..candy..~]

اذا انتي منتي ناويه تكملي كيمياء حيوي نهائيا انصحك تقدمي على المنحه

[gust a girl]

انصحك تروحي العمادة وتقدمي معاملة تحويل
واذا مافي امل ع طول قدمي منحة لا تضيعي عمرك في كيمياااا حيوووي .....
والله يووووووووووفقك يارب,,,

[dr.imey]

كووووول بنات العلووووم يقولو لاتكملي اححسسن لك

وكل بنااات التحضيري يقولو كممملي وحووولي

اممم شوووكرن ي حلوييين

سالية..

ممكن اعرف كم معدلك ف التحضيري؟ وليش ماقدرتي ترفعيه المواد صععبة؟؟

اممم والله ابا اسمع اراء ناااس مجرربة

[LeLou]

شوفي يا عسل..
عشان نكون صريحين مع بعض..
على ما سمعت من بنت كانت في عزوز و حولت على البترجي انه الدراسة في البترجي اسهل بكثيييير..
لكن البترجي غير معتمدة خارج السعودية..
و انا اخويا يدرس في ابن سينا يقول همهم الأول و الأخير الفلوس ما همهم انهم بيطلعوا دكاترة بين يداتهم ارواح بشر..
شهادة عزوز اقوى و احسن و اخويا في ابن سينا مبهدلينهم بهدلة الله العالم بحالها..
فانت طالما انك في عزوز و انقبلت الحمد لله و عديت سنة و ما شاء الله معدلك عالي يعني باقي لك شوية بس على 4.50..
اناا انصحك روحي من دحين و حاولي معاهم يحولوك و زنّي عليهم و إذا ما رضيوا شوفي ايش هي الكليات اللي ممكن يحولوك عليها بمعدلك الحالي..
و لو ما مشي الحال ادخلي اي تخصص و خذي مواد عامة و حرة و متطلبات الجامعة و حاولي ترفعي معدلك و حولي بعد كده..

و اولا و اخيرًا استخيري و ربنا ما راح يقدم لك إلا اللي فيه الخير لك..
و سبحان الله الواحد ما يعرف فين رزقه و لا فين الخير لكن ربنا سبحانه و تعالى اعلم..

بالتوفيق يا عسل و آسفة على الإطالة~

[بيو كيميائية ^_^]

أول شيء إستخيري

الشيء الثاني حطي في بالكـ جميع الإحتمالات

لا قدر الله صار لك ظرف ما وإرتفع معدلك بس ماوصل ونص وصل 4.49 وإن شاء الله يوصل ويتعدى

وماتحولتي

هل تبين تكملين في كيمياء حيوي مع العلم مافيه وظايف كثيرة



أو تبين تدرسين في إحدى الكليات الأهلية وتحققي حلمكـ +تشتغلي

فكري زين وإستخيري