أصحاب الجرأة ،،، (فتاة المنتديات والماسنجر) !!

[مجبور اوادعها]

السلام عليكم ورحمة الله وبركاته ...


سبق ان قرأت (قصة) لا أعلم عن صحتها، ولكـن من الممكن حصولهــا وليست بالخيال.

- باختصار-

شاب خطب فتاة، وبعد فترة علم انها تشارك في المنتديات

ففسخ الخطوبة. << يعني قال لها يفتح الله ما عندناش نسوان تعنترنت !!

رأيكـ في موقف الشااااااب !!

ما هو رأيكـ في الفتاة التي تشارك في المنتديات وتكتب،

وتلعب في الملاهي << من زمان ما تلطش

ولا يهون الماااااسنجر طبعاً !!

وهل ترتبط وتدخل القفص البلاستيكي معها وتعيشوا في سبات ونبات وتخلفوا بوكيمونات؟؟



ملاحظـة: اذا الموضوع مكرر، ما يحتاج (شرشحه) شيلوهـ وخلاص

[الراقي]

موضوعك مكرر لكن اخوك الراقي لا يملك دليل مادي على التكرار

تدري موضوع فكرني بأيام زمان

كانوا يقولوا ايش رايك في اللي عنده دش في البيت ..واليوم مافي بيت في السعوديه إلا وفيه دش

اللهم بيت توصي شئ ما عندها دش مو مقتنعه بالدش وبوش حالف يمين ما يترك الرئاسه حتى يدخلهم واحد ابو راسين

خرجت عن صلب موضوعك

لو احنا في عام 1999 كان موضوعك يعتبر زي الدش زمان


ولكن الآن استخدام النت وكل تقنياته اصبح شئ ضروري لكل انسان وعشانك لكل انسانه ..

أنا استغرب زي هذي المواضيع ...الغريبه

عني اشجع على استخدام الإنترنت والتبضع من ثقافة المنتديات واختيار الجيد والحسن ..,

واما سالفة الخراب فالبنت والولد اذا كانوا يريدون طريق الظلاله ويتلذذون بهِ فإن هناك مليون طريق اسهل من النت والمنتديات


عندك الجوال وموبايلي منزلين خدمات تعارف مفتووحه بإشتراك رمزي ..ايش رايك في البنت اللي معاها جوال ؟؟


الراقي يشكرك ع الموضوع اللذيذ

ويا رب احفظ اعراض المومنين والمؤمنات



دمت بود


الراقي

[مجبور اوادعها]

دخلت وجازفت بمستقبلي الوظيفي والمهني لكـي ارد على ردكـ الراقي أيها (الراقي).

أولاً: أباركـ لنفسي عدم وجود الدليل، وهذا ان دل فإنما يدل على خبرة - منقطعة النظير - في الإجرام العنترنتي !!

ثانياً: كأنك نظرت الى الموضوع من زاوية مختلفهـ ايها الراقي.

من المستحيل - بل تاسع المستحيلات - ان تجد فتاهـ لا تعرف النت

ولا تزوج لكـ من حسنوااات ادغال أفريقيا، وحط في بطنكـ بطيخهـ صيفي.

ومن المؤكد ان النت له حسناته وسيئاته، وان كنت ارى ان سيئاته أكثر من حسناتهـ.

وبالطبع لا استطيع ان احرم المدام من النت او احد اعضاء العائلة الموقرهـ

ولكن سؤالي الذي برمت حولهـ ولم تجاوب بصراحة

(رأيك في فتاة المنتديات والماسنجر)

وبالنسبة للجوااااال، ياريت تعيد صياغة السؤال؟ وسوف تجد الجواااااااب !!

- ماهو رأيكـ في البنت التي تكلم شباب على الجوال او تلك التي تسجل في الخدمة المذكورة للتعارف -


:::::

أسعدني مروركـ أيها ( الراقي )

يعطيكـ العافيـة

وننتظر عودتكـ بلا دليـــــل

ملاحظـة: ذكر في الأعلى (تاسع المستحيلات ولم يذكر الثامن) لأن الثامن أنــا هع !!

(يتبـــــع)

[الأسباني]

هولا ..


مجبور .. احيك على خبرتك الاجراميه العنترنتيه ..

وبعدين يكفي ان الموضوع انت اللي كاتبه .. بالنسبه لي انا اعتبره مو مكرر .. اعتبره خبر عاجل ..
<< لاتصدق هههههه


نرجع للموضوع ..

هناك نوعين للبنات .. الاول تستخدم الانترنت في حاجتها .. من علوم واجتماع و ثقافه او حتى التسليه (( ولا يهون ترفيان )) .. وهذا شيء عادي جدا ..

وفيه اللي تلف وتدور .. او المستخدم .. << قوه الوصف ..

والمستخدم هذي صفاتها .. النك نيم .. اسلوب كلمها .. تلقا في الماسنجر حقها ضايفه 50 شنب ..


طيب كلنا ما نخلتف الي الاولى ..

لكن الاختلاف يكون في النوع الثاني .. واعتقد هذا النوع هو المقصود من موضوعك ..

انا من وجهة نظري الخاص .. الاولى ثم الاولى ثم الاولى ..

برايفت .. طبعي حتى السياره ما احب اركب المستخدم ..


اديوووس ,,

\

[مجبور اوادعها]

^^^

يا هووووووووووووووهـ يا صقيقي الترافياني.

لكـ دخيل الترافيان أنــا هع {}

خلاص قفل على الموضووع وخلك في الترافيان، واذا ممكن سلف كيس قمح

بس فيه واحد محيرني يا أخ العررب !!

اول ما سجلت في السيرفر ، ارسل لي رسالة !!

يقول (الي ما يتسماش في رسالته)

"إنسحب او سووف أدمركـ"

خخخخخخ مرهـ المسكين عايش دور الأولين

<< وش فيه ذا يا ايها (الأسباني) !!

تتوقع جاهـ جنون الطيور او انفلونزا البقر؟ مع العلم ان توي باقي ازرع قمح

(كني سحبت على ام المووووضع)

- يتبع للرد -

[مجبور اوادعها]

- عدنـــا والعوود أحمــد -

أيها (الأسباني)

انا معاكـ وأغلب الشعب معااكـ بأنها الأولى ثم الأولى ثم الأولى - بلا منازع -

بس رأيكـ - يهمنا - في موقف الشاب من خطيبته ؟

يعني حط نفسكـ مطرحــهـ !!

(ردت فعلكـ)

- أنـــــا -

الي راح راح وانتهينــــا، ونتفاهم ونحط النقاط على الحروووف،

عشان لا آخذ شنطتي واروح بيت أهلي <<< يعني اهلى ما عندهم بيت كل شوي هي رايحه

في انتظار عودتكـ - الرائعه كروعتكـ - أيها (الأسباني)

برايفت : عجبني البرايفت بتاع الإنت، مع ان عندي تكتوك خاص فيهـ << ابو الجناس على الطباق يا شيخ

{}

[الأسباني]

بااك مجبووور ..


ارسلي الوانيت ومعاه العمال على السيرفر الثاني .. وابشر بالقمح والاخشاب والبلايستيشن .. هههههه

شوف ياباشا .. بالنسبه لرأي لو سارلي هذا الموقف .. لاسمح الله .. ان خطيبتي تخالط شباب بالماسنجر بدون اي سبب مجرد صداقات ..

وقتها راح يكون قرار مصيري .. اذا كان هذا الشيء من قبل الخطوبه .. راح ابقى معاها وعفا الله عن ماسلف .. بشرط انها تحسسني بهذا الشيء ..

اما اذا كان الموضوع سار وانا وهي مخطوبين .. يعني بوجودي سار هذا الشيء .. !!

انا تصنيفي للموضوع اعتبره خيانه .. وبيت اهلها يشيلها ..


اديوووس ,,

[بدرالبدر]

سلام


شوف عزيزي المسأله تحتاج الى فلسفه شوي

في بعض الناس ممكن يتزوجها عادي .... والسبب لانه ماعنده قريبة او جاره عشان يتزوجها ... او له سوابق

ايضا بعضهم يتزوجها ... لانه من النوع الحنون وحساس ومرهف ويتأثر بسرعه..فيتزوجها بكل يسر وسهولة ... وربما يسعدووا بحياتهم او يشقواا !!!

وكمان ... القدر له نصيب .... بسبب او بدون سبب

بالنسبة لي

- مستحيل اتزوجها وحتى لو كانت اعقل بنت خلقا ودينا و.. ..و ..... ليس احتقارا ... حاشا لله ... ولكن الاقرب اولى ... أليس كذلك تظنون !!!

لانه ببساطه اذا ماتزوجت قريبتي بنت عمي او خالي اجل مين راح يتزوجهم...واحد يجي من الشارع و يفعل خير!!!....

طبعا نظرتي لبنات المنتديات عادية جدا ... اعتبرها مثل اختي بكل بساطة ... الذي لاترضاه لاختك لاترضاه لبنت المنتدى ... وقس على ذلك


بالنسبة لبنات الماسنجر ... فهذي هرجتها طويلة شوي ... راح اختصرها لك بكلمتيين

البنت احلل شخصيتها من اول جملتيين تكتبها ... وتعرف من خلال ماتكتبه اذا كانت سيئة ام لا

بعض البنات ... تحتاج مساعده وهي صادقه والذي اجبرها على هذا ... اللي امر منه .. وقس على هذا

وبعضهم ... سيئات جدا ... على طوول وبدون مقدمات تذكر ... بلوك و ديلييت ...

باختصار لا احب استعمال مقياس الابيض والاسود معهم ....

اخواتي اخليهم يشاركون بالمنتديات .... لكن باسماء اولاد ... لكي يتجنبوا بعض الشباب اللي شايف حاله ثور وماحد قده....

ولو تزوجت ( قريب ان شاء الله) راح اخليها تتعلم النت وتشارك ... لانه واثق فيها ... مايتحاج وسوسة

وسلام سلم

[فتفوتة سكر]

ملاحظـة: اذا الموضوع مكرر، ما يحتاج (شرشحه) شيلوهـ وخلاص

الموضوع انعرض من قبل وفتينا فيه وعملنا عليه فته ومقلوبه ومنسف ومفطح >>> لسه ما اتغديت



خطر النت على البيت ما هو اقل خطر من الجوالات المنتشره بأيدي مراهقين ممكن يسقطو بأسهل الطرق
استخدام النت للفتاه او للشاب يرجع لتربيته وأخلاقه
واسلوب الشخص في المنتديات يعكس اخلاقه وطريقة تعامله في الواقع

اذا التزم الانسان بوضع حدود عريضه وخطوط حمرا واضحه في تعامله بالنسبه للنت او الماسن ما حيمس لسمعته اشي




اخيرا ما ألوم تحير الشاب في اختيار الفتاه الصادقه الصالحه اللي ما تلعب وتتسلى مع الاولاد في النت لان السئ غلب على الحسن
ولكن ايضا الفتاه هي في نفس الموقف عندما يتقدم لها شاب

واتأكدو اذا الشاب كان يلعب ويتسلى ويدعي الحب لهذه وهذه
اكيد الله حيرزقه ببنت من هذا القبيل
واذا يخاف ربه واستخدم المنتدى والماسن ووضع نصب عينه مراقبة الله له
الله حيختارله البنت المماثله لخلقه الرفيع تماما
صدق جل في علاه :
{الْخَبِيثَاتُ لِلْخَبِيثِينَ وَالْخَبِيثُونَ لِلْخَبِيثَاتِ وَالطَّيِّبَاتُ لِلطَّيِّبِينَ

وَالطَّيِّبُونَ لِلطَّيِّبَاتِ أُوْلَئِكَ مُبَرَّؤُونَ مِمَّا يَقُولُونَ لَهُم مَّغْفِرَةٌ وَرِزْقٌ كَرِيمٌ}


(26) سورة النــور

[العالمي]

ياخي توقيعك حلو بس الاول كان احلى اللي كان فيه
ورع طالع من خشمه........

بالنسبه لموضوعك ان اشوف انه ماعنده ثقه فيها يوم فسخ الخطوبه

كان يقدر يمنعها وبس ....ومن وجهة نظري لااؤيد ان المرأه تدخل المنتديات

والماسنجر لييييييييييييييييييييييييه؟؟؟؟؟؟؟لانها مليانه ذئااااااب

يسلمووووو على الموضوع والطرح الخفيف