ماني عارفه كيف ادخل المجاهيل بالاله الحاسبه

["غـلآ"]

المشاركة الأصلية كتبت بواسطة شذو انت طيب متاكده ان الاله مسموح فيها بالاختبار والا نعتمد عليها وبالاخير نتوهق!!

لا والله ماني متأكده


عشان كذا حطيت الاله الثانيه البسيطه بالشنطه احتياط

لو قالوا هذي ممنوعه يصير مااتورط

["غـلآ"]

المشاركة الأصلية كتبت بواسطة giorgio-armani لا وش دعوووووووووه لا تعب ولا حاجه اصلاً مادخلنا هنا الا نساعد بعضنا البعض واي خدمه حنا حاظرين

ماتقصّر اخوي

[بنت الرياض]

غلا يسعدك ربي


لقيت لك موضوع على هذا الرابط ... مدري بيفيدك ولا لأ ... تأكدي الله يعافيك مليون مرة ..لأني خطة ب .. ولا أدري وش الطبخة :)

http://www.skaau.com/vb/showthread.php?t=44405

["غـلآ"]

مجرد مرورك ياقلبي كفايه


تسلمين


اشوف الرابط وارد لك خبر

[giorgio-armani]

للمعلوميه :

دخول الآله مافيه اي مشكله وماراح احد يمنعك من دخولها

لان اكثر المعادلات مالها حل الا عن طريق الآله

ومكتوب في المبنى حق الجامعه احظار قلم الرصاص والحبر والآله يعني مافيها اي مشكله

["غـلآ"]

حبيبتي الموضوع هذا شايفته قبل والخطوات اللي فيه ماتمشي مع نوعية الاله اللي عندي


بس طلّتك تكفي صدقيني

["غـلآ"]

المشاركة الأصلية كتبت بواسطة giorgio-armani للمعلوميه : دخول الآله مافيه اي مشكله وماراح احد يمنعك من دخولها لان اكثر المعادلات مالها حل الا عن طريق الآله ومكتوب في المبنى حق الجامعه احظار قلم الرصاص والحبر والآله يعني مافيها اي مشكله

بعضهم قال ممنوع ندخل الاله المعقده ذي بالرياضيات

بس الاله البسيطه

[giorgio-armani]

لا الي يقولك ماعنده سالفه

الآله محد يقدر يمنعك من دخولها

[ومضة حنين]

الاله نفسها دخلت بالتحليل الكمي ما اظن بيمنعونها بالرياضيات

ما ابي اتكلم بجزم بس تسعين بالميه تقدرين

وجيبي الاثنين لان نفسها كثير بنات بالكمي جآيبين

ووش هالآله الرهيبه الي تطلع المجاهيل ؟؟ ههههه

الله يوفقك يالغلا والجميع

["غـلآ"]

استاذة الماده اللي قالت


والله بيني وبينك احس ان ماعندها سالفه

لأن قلنالها مسموح قالت والله ؟؟؟