بليييييييييز ابغا وحدة تخصص ملابس ونسيج

[BOOOSY]

هااااااااااااي افري وان انا دحين في السمستر التالت ومررررررة محتارة في التخصص زماااااااان كان نفسي اتخصص تغذيه بس صراحه احسو للناس العباقرة وبفكر في ملابس ونسيج بس ابغا وحدة مجربه اسألها و استفسر اكتر عن التخصص دا ومررررررة تسلمولي ياارب

[سليمانية والنعم]

مساء الخير
أنا تخصص ملابس على وشك التخرج انا في الخدمة لأي سؤال

[BOOOSY]

هاي سيليمانيه إن شاء الله مااطفشك انا احب الشغل اكتر من المزاكرة والحفظ والهم دا
المهم انا احب شغل الخياطة دا وانا اصلن كنت في معهد يعني ليا خلفيه عنو بس اكتر شي اكرهم في القسم دا وخايفه منو البترونات مرة مااحبها يعني انا يدي الحمد لله حلوة في الخياطة بس مدري مترددة مرة فأبغا اعرف ازا مااتعبك ايش درستو ايش اخدتو سهل صعب حلو يطفش يعني زي كدا كيف اختباراتو العمليه فيه شغل الكروشيه كتير ولا لأ مرة احب الكروشيه بس برضو عندي مخاوف والله يجزاكي الف خير ياقلبي

[رندا البحري]

هلا بوسيييييييي أنا تخصص ملابس ونسيج والحمد لله أنا تخرجت هذا الترم..........ترى مرة التخصص حلو ماتشيلي هم مرا.....طبعا على حسب الأستاذات......في أستاذات مرااااااااا كويسين وطيوبين زي أ-مريم باحداد والله عسل في عسل وأ-هاجرأبو الخير وأ-سلمى الجابري وأ-بثينة إسكندراني وأ-فاطمة حلواني وأ-غادة الغامدي وأ-سعدية باروم وأ-نعيمة مرغلاني ود-عبير عبد الحميد ود-زينب عبد الحفيظ ود-مها الدباغ ود-سالي والله كلهم كويسين........وخاصة إنو إنتي لكي خلفية في المعهد ترى حتمشي في التخصص تماااااااام.

[عزة نفسي_تكفيني]

هااياات يالغلا

مشاء الله البناات ان شااءلله ماحيقصروا معاكـِ ^_^

سبحان الله القسم يرجع لميوول الشخص وحبه بما انكـ شااطرهـ ماشاءالله في الخيااطه وتحبييه اتوكلي على الله وان شاءالله تتوفقي

انتي تشوفي ان قسم التغذيه للعبااقرهـ على قوولتكـ <<< عجبتني خخخخخخخخ

وانا أشووف ان قسم النسيج محتااج المتميزين ويحتاج طولة باال وابدااع في التصميم والإبتكار ماشاءالله عيني عليهم بااردهـ :) وبماا انكـ تحبيه حتبدعي ان شاءالله

أفتكر أيام المتوسط كنت أعطي مامتي الله يخليها لي تسوي لي الغرز لأني مااعندي طولة باال وأتلخبط وفي الثانوي اخترت فنون لأن أحس النسييج صعب

فعشان كذهـ بأقوول لكـ يرجع على الميول وومحبتكـ للقسم وكلا يبدع في تخصصه

وسوري اني دااخله عرض وانتي طاالبه بنات النسيج بس بس ماحبيت أخرج من غير رد وحبيت أثني على طالبات النسيج ^_^

بالتوفيق يالغلا

مودتي ووردي

[رندا البحري]

بنات أرجوكم ساعدوني.....
أنا متخرجة ولله الحمد من قسم الملابس والنسيج.بمعدل 4.62بتفدير ممتاز مع مرتبة الشرف الثانية.وأبغى أقدم وظيفة فنية معمل....قابلت أ-زينب حريري وهي تشتغل فنية معمل بالجامعة وقالتلي قدمي إحنا نبغاك وحأكلملك رئيسة القسم وكلنا نشهدلك علشان عندهم خلفية عني إنو شاطرة ومشتهدة....بس والله خايفة من المقابلة؟؟
أبغى أعرف مين يسوي معايا المقابلة؟
وكم وحدة تسوي معايا المقابلة علشان وظيفة فنية معمل؟وهل هو يختلف عن المقابلة عن وظيفة معيدة؟
وإيش الأسئلة إلي ممكن تنسأل عنها في المقابلة إلي تبغى تقدم وظيف فنية؟
وكم راتب وظيفة فنية معمل؟؟
رجاءءا إلي عندها علم بدي المواضيع تفيدني!!!وشكرا