ممكن مساعده انا اول سنه لي بالقانون لاتحرموني من المساعده (بحر الحريه ..)

[سعادة انسانه]

الســــــــــلآم عليكم ورحمة الله وبركاته

كيفكم وشخباركم عسى هالسنه يارب تبدأ بالخير والبركات آمين

طبعا أنا مستوى ثالث اول سنه لي بدراسة هذا التخصص الله يسهل علي وعليكم يارب

ممكن مساعدتكم انا نزل الجدول تبعي وصراحه ماحبيت احذف ولاشيء فيه ولا اضيف عدد الساعات 18 وسبع مواد

الخلاصه هذا جدولي .. اللي ابغاه منكم

1) هل كذا مزبوط ؟
2) اريد من الاخ الفاااااااضل (بحر الحريه ) يجيبلي اسماء الدكاتره تبع الشعب اللي نازله بجدولي فقط مواد التخصص

3) نصيحه من اخ او اخت لي بما اني جديده ولاتنسوني من صالح الدعاء في ظهر الغيب ..,

bl 101 da مبادىءالقانون

bl 211 va القانون التجاري

bl 424 ca الحقوق العينية

451 ea قانون الموارد الطبيعية

bl 472 aa القانون الدولي الخاص

[sosoana121]

خطأ خطأ خطأ

خطأ بحر الحرية أخ مو أخت

مايقدر يجيب لك اسماء الاستاذات لموادك لأنها بكل بساطة مانزلت

خطأ المواد الي نازلتلك : الموارد و الحقوق العينية والدولي الخاص

كل مادة فيهم لازم تدرسين لهم مابين مادتين وثلاث عشان تاخذيهم

هم غلطانين في توزيع المواد واتوقع يتداركون اغلاطهم ويرجعون يحذفونها

نصيحه لوجه الله لكل طالبات وطلاب المستوى الثالث غير مواد المستوى الثالث و القانون التجاري من المستوى الرابع

لا تاخذون مهما تكلم الأودس ونطق ... تدرون ان حتى المواد الي منزلينها لكم انا لسا مانزلتها ولسا ادرس متطلباتها ..!!

مو في صالحكم تدرسون مواد لمستويات متقدمة رح ينعدم الفهم الكافي لاحراز الدرجات العالية و حتى المتوسطه ... مواد المستوى الأول في التخصص عباره عن: أ ب قـــانــــون

راجعوا الخطة الدراسية وبالجدول الثالث تلقون المواد المفروضه لكم و الأساسية في علم القانون وفروعه

دُمتــُم سالمين

[بحر الحرية]

المشاركة الأصلية كتبت بواسطة سعادة انسانه الســــــــــلآم عليكم ورحمة الله وبركاته كيفكم وشخباركم عسى هالسنه يارب تبدأ بالخير والبركات آمين طبعا أنا مستوى ثالث اول سنه لي بدراسة هذا التخصص الله يسهل علي وعليكم يارب ممكن مساعدتكم انا نزل الجدول تبعي وصراحه ماحبيت احذف ولاشيء فيه ولا اضيف عدد الساعات 18 وسبع مواد الخلاصه هذا جدولي .. اللي ابغاه منكم 1) هل كذا مزبوط ؟ 2) اريد من الاخت (بحر الحريه ) الفاضله تجيبلي اسماء الدكاتره تبع الشعب اللي نازله بجدولي فقط مواد التخصص 3) نصيحه من اخ او اخت لي بما اني جديده ولاتنسوني من صالح الدعاء في ظهر الغيب .., bl 101 da مبادىءالقانون bl 211 va القانون التجاري bl 424 ca الحقوق العينية 451 ea قانون الموارد الطبيعية bl 472 aa القانون الدولي الخاص

أهلا أختي..
أنا أخوكي مو أختك

ع العموم:
الجدول هذا مشكلة، لأنوو مواده كلها مواد تخصصية لمستويات متقدمة، ومواد لها متطلبات، لكن الجدول هذا نزلك جاهز من النظام، وأعتقد النظام فيه مشكلة، شوفي هذا الموضوع وحاولي تخلي جدولك زيه:
http://www.skaau.com/vb/showthread.php?t=250868

ولو عندك أي شي روحي يوم السبت للشؤون، لكن جدولك هذا مو جدول مستجدين، لأنوو المواد دي مواد متقدمة.

ف جربي الآن وخلي المبادئ والتجاري، لكن الباقية شيليها لأنو مو وقتها الآن، ونزلي المواد اللي ف نفس الموضوع فوق:
الأحوال - الأصول أو الدستوري، الثقافة الإسلامية، اللغة العربية

أسماء شعب القانون لحد الآن ما نزلت..
ولا تضغطي نفسك ف المواد والساعاات..

ولا تنسي اقري الموضوع اللي فوق كامل بكل الردود اللي فيه..

إذا عندك استفساار تاني تفضلي..

[سعادة انسانه]

اسفه جدا اسفه ( اخي ) بحر الحريه هههههه

الله يووووووفقك ياااارب ماااتقصر

والله اني ماني عاارفه اصلا انفجعت لما شفت المواد

طيب انا راح احذف الحقوق والموارد والخاص واضيف

الدستوري واحوال

كذا تمام ... والله خايفه وضااايعه ..,.,

بس يعني احذف من عندي والا اراجع والا شيء ..,,,.,,الله يستر

[بحر الحرية]

عادي أختي

عموما:
احذفي المواد اللي قلنالك عليها، ونزلي الأحوال أعتقد في شعبة رمزها HA كويسة، واختاري بين الأصول أو القانون الدستوري، ونزلي الثقافة الإسلامية واللغة العربية..

وبكداا يسير عدد ساعاتك 16 ساعة، وتعتبر مرة كويسة ليكي كمبتدئة.

في اقتراح من طالبة أول قرأته:
إنك تأجلي القانون الدستوري للترم الجاي، عشان يكون سار عندك خلفية عن القانون، لأنك سواء أخدتيه الآن أو بعدين ما راح تفرق معاكي، لأنوو مو متطلب لأي مادة تانية، وتاخدي الأصول بدال الدستوري..

فشوفي انتي اللي يريحك ويكون أفضل ليكي، واسألي البنات واستفسري منهم، لأنوو هماا عندهم فكرة وخبرة أكتر..

الله يوفقك يااارب؛؛

[سعادة انسانه]

اخوووي بحر الحريه

سويت اللي قلتلي عليه لكن القانون الدستوري كاتبلي مكتفي واصول الفقه موراضي يجيلي مدري ليش وصار عدد الساعات 13

جدولي مبادىء قانون .. قانون تجاري .. عربي . ثقافه . احوال شخصيه .

كيف الطريقه وش اسوي .. انا كان ودي اصول فقه او الدستوري قلقانه وخااايفه

طيب مافي ماده ثانيه تقترحه ولا كيف؟؟

[بحر الحرية]

أهلين أختي..
كويس كويس جدولك دحين..

ااااممممم
الأصول يمكن خيتوو معاكي تعارض فيها مع مادة تانية، او في مشكلة ف النظام وما تقدري تضيفيها، لكن الدستوري الشعبة تقفلت وتعبت دحين..

ف شوفي الاصول اداا عاجبتك، ومافيها تعارض مع اي مادة تانية، روحي يوم السبت الشؤون وتعبي ورقة وتضيفي المادة من عندهم، بس زي ما قلتلك تأكدي دحين انوو مافي تعارض،
واداا مو عارفة نزلي مواعيد جدولك هناا..
الله يوفقك ويسهل عليكي..

واداا عندك استفساار تاني تفضلي..

[سعادة انسانه]

الله يعطيك العافيه خيووو والله يسعدك ويسهل عليك

وهذا جدولي

arab 201 ba اللغة العربية (2) .s.t... 8.00 9.20
bl 101 da مبادىءالقانون .s.t... 9.30 10.50
bl 211 va القانون التجاري s.m.w.. 12.00 12.50
isls 201 ga الثقافة الاسلامية (2) .s.t... 11.00 11.50
isls 333 ha الاحوال الشخصية (1) s.m.... 13.00 13.50

وانا لما شفت الاصول في قائمة الشعب .. مكتوب عند الكلية رقم 1 فيمكن عشان كذا ؟؟

[بحر الحرية]

المشاركة الأصلية كتبت بواسطة سعادة انسانه الله يعطيك العافيه خيووو والله يسعدك ويسهل عليك وهذا جدولي arab 201 ba اللغة العربية (2) .s.t... 8.00 9.20 bl 101 da مبادىءالقانون .s.t... 9.30 10.50 bl 211 va القانون التجاري s.m.w.. 12.00 12.50 isls 201 ga الثقافة الاسلامية (2) .s.t... 11.00 11.50 isls 333 ha الاحوال الشخصية (1) s.m.... 13.00 13.50 وانا لما شفت الاصول في قائمة الشعب .. مكتوب عند الكلية رقم 1 فيمكن عشان كذا ؟؟

أهلين خيتوو..
جدولك كداا مواد مشاا الله مرة حلوة، وعدد ساعاتك كويس مرة..

الأصول ما عندك تعارض فيها، بس شكلوو في مشكلة ف نفس النظام ما تقدري تضيفيها، فحاولي انتي من هنا لين يوم السبت، لو ما قدرتي عاد ما عندك الإ تروحي تعبي ورقة ف الشؤون التعليمية، ومن هناك تضيفيهاا، هماا من عندهم يضيفوها ليكي.. ولا تضيقي نفسك، خلاص مشا الله ما باقيلك إلا حاجة بسيطة وسهلة..

والأصول حتكون طبعا مادة مشتركة معااناا ف القسم، واللي حيديكم المادة الدكتور حسان فلمبان اسمه..

يلا الله يوفقك يااارب ويسهل عليكي إنشاا الله وتجيلي أعلى الدرجات يااارب..

ولو عندك أي شي كماان تفضلي

...

[سعادة انسانه]

الله يعطيك العافيه يارب والله يطمن قلبك مثل ماطمنت قلبي ويسهل امرك يارب

ولايحرمك من شيء تحبه مررره شكراا