اختارولي مادة الله يخليكم

[الدافوره]

من جد انا مرة محتارة كنت ابغى اخد مادة اختيارية تسويق ومافي الا مع جيهان فكهاني وكلكم خوفتوني منها
وكنت ابغى اخد قانون تجاري بس اجباري مع سوزان وبرضوا خوفتوني منها

والاتنين ما في غيرهم ولازم اخد مادتين غيرهم

وما عندي امكانية في جدولي الا لمادتين وهما:

ادارة مشروعات صغيرة مع بثينة جمجوم او عائشة الحسيني

ادارة عمليات مع امل دمنهوري

والاتنين مواد اختيارية طبعا


بليز قولوا بسرعة وبصراحة كويسين ولا لا

[الدافوره]

يعني مافي احد يبغى يساعدني ؟؟؟؟؟؟؟

[أنثى بعآلم آخر]

حبيبي والله ماعندي معلومه أكيدهـ وإنشالله غيري يقدر يفيدك ..

بس ادارة مشروعات صغيرة مع بثينة جمجوم >> سمعت إنها المادهـ مو صعبهـ والأستاذهـ كويسهـ ..

والله يوفقك يارب ..

[سوسة النت]

انا راح اجاوبك باللي اعرفه
قانون تجاري المادة صح دسمة حبتين بس انا عني اشوف انك تاخذيها مع سوزان مرة احسن لك
سوزان صح شديدة بس تعطي المادة حقها في الشرح
وبعدين اسألتها تركيز ومو حفظ
وبما انه المادة دسمة زي ماقلت فاحسن شئ تكون الاسئلة تركيز
يعني المذاكرة راح تكون بالفهم مو بالحفظ
وغريبة الناس خوفوك منها
كل اللي اعرفهم يمدحوها
وانا مانصحتك الا بالشئ اللي ارضاه على نفسي
وبعدين انا حضرت لها محاضرة العام
مرة عجبني اسلوبها
وقررت انزل القانون هذا الترم عندها
اما بخصوص بقية اسئلتك
ماعندي فكرة عنها
وان شاء الله البنات يفيدونك

[الدافوره]

واللة ريحتيي من جهة قانون تجاري
ومالي غير الاستخارة
تسلمي يا عسل

[الدافوره]

انثى بعالم اخر

تسلمي يا قلبي انك عبرتيني خخخخ

وانشاء الله ربنا يوفقنا كلنا

[سوسة النت]

المشاركة الأصلية كتبت بواسطة الدافوره واللة ريحتيي من جهة قانون تجاري ومالي غير الاستخارة تسلمي يا عسل

الله يسلمك عيوني
وبالفعل احسن شئ استخيري واتوكلي

[موت وميلآد]

نصيحه لآتآخذي مع بثينه جمجوم آبداً ..
بس بسألك انتي لقيتي شعبة عآئشه الحسيني مشآريع صغيره فآضيه .....!!!!

[الدافوره]

موت وميلاد

ايوة يا قلبي لقيتهم الاتنين فاضيين بس موعد المحاضرة من 2 الى 3 على ما اعتقد

وبالتوفيق

[الدافوره]

سوسة النت
انا ابغى اعرف سوزان اسئلتها كيف؟ صح وخطأ و اختياري ولا في عرفي وعددي

والاسئلة سهلة وفي بونس ولا لا؟؟