مواعيد اختبار السبت الموافق 25-2-1432هـ

[جداوية شقية]

السلام عليكم
كيفكم ان شاءالله تمام مع الامطار

يا جماعة ايش بيصير باللي عندهم اختبارات يوم السبت 25 و اللي عندهم يوم الاحد 26

الصراحة عن نفسي حايره جا قرار ملكي بتأجيل دوام طلاب وطالبات المدرسة عن الاختبارات لاول يوم في الترم التاني

طيب احنا ما ندخل ضمن وزاره التربية والتعليم احنا وزاره التعليم العالي ياريت احد يقولي ايش الوضع معانا ولا يعتمد على الاحوال الجوية ؟؟؟؟؟؟؟؟؟؟؟؟؟؟؟؟؟؟؟

[سكر جدهـ]

والله ياليتهم يأجلون اختبارات السبت .!!

الوضع ماره مايطمن الشوارع لسا مقفله .!!


كيف بنداوم ؟!

[كرميلا]

انا كمان ماني عارفة يعني أعطو اجازة للمدارس وأعتقد كمان الجامعة والله أعلم .. بس احنا ماجابو سيرتنا ليش

هل احنا ضمن الجامعة أولا ؟

الي يعرف يقلنا الله يسعدكم من بدري

دعواااتكم لأهل جدة

[جداوية شقية]

المشكلة انو مافي قرار رسمي من الكلية عندنا نزل بس لو الطرق بقيت على دا الحال مقفله اساسا مافي مجال نروح

[سكر جدهـ]

كرميلا الاجازه بس للمتوسط والثانوي

ماتشمل الجامعه ~

ياليتهم يعلقون الدارسه يوم السبت

[دنيا غدارة]

ياااااااااااااااااااااااااااااااااهو افيدونا يا استاذات ودكاترة وينهم والله ما هم دارين عنا غير انهم فالحين يدققو بالورق ويخصفو بدرجات اتقو الله خلاص رح نغرق سو خير ولو بحياتكم عشان الله يرحمكم

[جداوية شقية]

انا عن نفسي ارسلت مسج لوحده من الدكاترة استنى منها خبر بس ما ردت لين دحين اتوقع ما تقدر تقول كلمة من عندها يستنو رد من الجامعه اكيد وللمعلومية الموضوع اللي منزلو عميد الجامعه يقول اختبارات الربوع والخميس اتأجلت للاحد والاتنين حطيت استفسار بالموضوع انو الموضوع يشملنا احنا كمان بنات كلية الفيصلية او لا بس طبعا ما جا الرد واروح اموت لين يجي الرد

[أثير العالم]

بناااااااااااااااات كلكم ارسلو للدكتور عبد الفتاح مشاااط
على إيميله asmashat@kau.edu.sa
وإن شاء الله يوافق يأجل مع إنه صدر قراار بأن الجامعة تستأنف الدراسة يوم السبت والله يستر
http://sabq.org/sabq/user/news.do?section=5&id=19313

استغفرووووووووووووو

[BяȯỢ ™]

ما صدر أيّ قرار تأجيل للآن .. و أعضاء هيئة التدريس ما يقدرو يقولو لآ تجو السبت !!

مآ بيدّهم شئ .. لازم القرار يجي من فوق

يعني ذاكروا .. و روحو اختبرو يوم السبت .. أرواحنا فداءًا للعلم

إحنـا مو مهم لو يصير لنا أي شئ .. أهم شئ الدرجات يرصدوها في الأودس بدري

مو مهم إحنـا .. أهم شئ لا تتأجل إختباراتنـا و نعملهم حوسـه و ربشة

فـ شعار جامعتنا ( إطلبو العلم و لو في الطين و السيل )

بالتوفيق للجميـع !!!!!!!!!!!!

,

[بنت عزووز]

جامعة الملك عبد العزيز تستأنف الدراسة السبت

http://sabq.org/sabq/user/news.do?section=5&id=19313

المصـدر:جريدة سبق الالكترونية