الادارة المحلية ....................341pad

[أبو نجلاء]

السلام عليكم ورحمة الله وبركاته
ياشباب جزاكم الله خير والله يوفقكم جميعاً في اختباراتكم قولوا آمين آمين آمين يارب العالمين
بالنسبة للادارة المحلية انا ما عندي الا الملخص حق الاخ حسان الطيار لكن الملخص شوي مرررررة وخايف يكون ما هو كامل تخيلوا بس 8 صفحات فقط حبيت اسألكم اللي عنده الكتاب الكتاب كامل كم صفحة وياليت اللي عنده اي شي مهم لهذه المادة يفيدنا جميعاً والله ولي التوفيق

[عبـدالعزيز]

امين الله يوفقكم ويوفقك الجميع

بخصوص استفسارك اتمنى ان احد يفيدنا

الاختبار يوم الثلاثاء القادم ان شاء الله يوافق 11-2
الساعه 4 عصرا

[foras]

شدو الحيل وبالتوفيق للجميع

[أبو نجلاء]

اخواني لا احد يبخل علينا بأي معلومة والله اني راح ادعي له بالتوفيق والنجاح بالنسبة للمادة هاذي ما عندي اي شي عنها الا الملخص بس 8 صفحات لا تخلونا الله يوفقكم جميعاً . وهل تنصحوني اروح ادور الكتاب واشتريه ولا الملخص هذا اللي اقول لكم عليه يكفي .

[المحافظ]

شف انا اختبرت الماده الترم الماضي وللاسف حملتها ماهو لصعوبه الماده ولكن لضعف الملخص من دار الهدى لانه ماغطى المنهج كامل
الان اخذت الماده هالترم وانصحك نصيحه اخويه لايفوتك ملخص هاني عرب فهو شامل وجميع الاسئله الي جتنا مغطيها الملخص
الله يوفقك

[النوايف]

مساء الخير اخوي ابو نجلا والجميع

انا خذيت الماده الترم الصيفي اللي راح ولا اعتمدت على المذكره يعني ذاكرت من الكتاب المصور المطلوب

وتبي نصيحتي ابعد عن الملخصات وصدقني تقراها مرتين بتركيز راح تستوعبها والاسئله اللي جتنا كلها 70 سوال صح وخطأ
واتمنى لك التوفيق وللجميع في الاختبارات

[أبو نجلاء]

وفقنا ووفقكم الله جميعاً عسى ربي ينجحكم جميعاً ولا احد منكم يارب ياكريم يحمل ولا مادة آمين

[ضيدان]

ابو نجلاء

الكتاب ........ عدد صفحاته 137 صفحة

يعني هو افضل من الملخصات وصغير حجم الكتاب لكن نوعية الورق تجيب الهم .. اصفر وقديم وعندي صفحات فاضية من سوء الطباعة صفحتين بالاخير

المهم
اذا قدرت تحصل على الكتاب تأكد اول شئ من صفحاته هي كلها كاملة والا مثل كتابي فيه صفحات مطبوعة فاضية!؟
وتراه افضل من الملخص

تقراه مرتين ثلاث ...... يمديك ان شاء الله قبل الاختبار تقراه اقل شئ ثلاث مرات وبتركيز

بالتوفيق

اسم الكتاب
الإدارة المحلية
دراسات في المفاهيم والمبادئ العلمية
للدكتور محمد محمد بدران

بالتوفيق ان شاء الله
ولا تحرمنا دعواتك

[asdmm]

المشاركة الأصلية كتبت بواسطة أبو نجلاء السلام عليكم ورحمة الله وبركاته ياشباب جزاكم الله خير والله يوفقكم جميعاً في اختباراتكم قولوا آمين آمين آمين يارب العالمين بالنسبة للادارة المحلية انا ما عندي الا الملخص حق الاخ حسان الطيار لكن الملخص شوي مرررررة وخايف يكون ما هو كامل تخيلوا بس 8 صفحات فقط حبيت اسألكم اللي عنده الكتاب الكتاب كامل كم صفحة وياليت اللي عنده اي شي مهم لهذه المادة يفيدنا جميعاً والله ولي التوفيق

الماده سهله انا اخذتها الترم الي راح وذاكرت من الكتاب المصور لاكن الاسئله جات مثل اللغز يعني فوازير انت ادخل على google وكتب فيه اسئله نهائيه للماده وبتطلع لك الاسئله وذا ذاكرت الكتا وحفظته صم يمكن تجاوب نصها بالكثير ............. اتمنى لك التوفيق ونجاح

[عبار133]

السلام عليكم
ياليت تفيدونا وش المحذوف من المنهج

ولكمممممم جزيل الشكر