لو سمحتو ابى رايكم ف دا الجدول

[rival soul]

احنا السنة اللي قبلكم ينزلو لنا جداول واحنا نغير ونزبط على كيفنا ....انتو امركم مشكوك خخخ يعني سمعنا انو راح يحطو لكم جداول ثابته تمشي عليها غصبا عنك ويمكن مايطبق الشي دا...فبعض الطلاب من الان قاعدين يفكرو في الجداول لو كانو حيقدرو يغيرو ^_^

[Rasha Omar ♥]

يسلمووو يعطيييييكم العافية

ماقصرتوواا

جاري تعديل الجدول ...

[سندس بلخير]

احنا البنات عددنا قليل جدا
فاتوقع حيلزمونا بخطة ثابتة للجداول
لأنو مو معقول يفتحو شعب لكل المواد كل ترم
كلنا 50

الا اذا حندرس شبكة ونفس كلاسات الأولاد

[rival soul]

حتى لو شعب في كلاسات الاولاد ماحينفع بالله كل شعبة قاعدين 5 بنات قدام شاشة يتفرجو المحاضرة مايجي ....لازم خطة ثابتة لكم لوحدكم واسهل في الشرح والدراسة من انو تكون ورا شاشه ....ممكن تكون عندكم اسئلة في وسط الشرح في نقطة معينة كيف تسألو الدكتور طيب!! لازم كلاساتكم لوحدكم والدكتور او الدكتوره امامكم ...وفي بعض المواد يحتاجلها برزنتيشن او عمل في نفس المحاضرة والدكتور يجي يراجع شغلك برضو ماحينفع من ورا الشاشة فماعتقد دي فكرتهم ابدا او حتكون لبعض المواد فقط...بالتوفيق

[البارود2007]

الجدول بالنسبة للترم الأول أنصحك تحذف ال ie201 لأنها مادة فيها التزامات وشغل تيمات والمادة كرف شوية وخصوصا ً انو في رسم هندسي كمان في نفس الترم. ممكن يكون بدالها العربي 101

بالنسبة للترم الثاني يعتبر جيد جدا ً

[the_gaint]

الجدول بالنسبه للطلاب صعب شويه

لكن اتوقع يكوون ممتاز لكم يالبنات لان المشكله عند الطلاب في ie201 لانها تكرفك في الترم كااامل
وما يبقى وقت للمواد الثانيه والكرف اجتماعات ومشروع وقرف لكن ما اتوقع يلزموكم بمشروع واجتماعات وبالتالي تكون الماده شبيهه بمهارات الاتصال لانها بسيطه في منهجها ..

المواد اللي عليها كلام هي الماث 202 والرسم الهندسي ( المنهج بسيط جداا جداا جداا بس يبغى تمرين في البيت ) ie200 ( الماده عباره عن بحث قرابة الـ 15 صفحه نص البحث رسمات وحاجات تافهه بس لازم الشغل يكون اول بأول ) ie255 ( انا منزلها الترم هذا صيفي اشوف الماده سهله عباره عن عمليات حسابيه وقوانين بسيطه لكن الطلاب مخبصين فيها !! ) phys202 ( ماده عباره عن 25 درجه عملي والباقي منهج العملي بسيط اما المنهج يبغاله شوية كرف ويمشي )

وبالتوفيق..

[فتوووح]

ياعيني ياعيني
مبرووك شكلك بتاخذي f من اول ترم

[فتوووح]

ياسبحان الله !!

اول لما كان الواحد ينزل جدوله مايلاقي الا خمس ردود وكل رد في اسبوع ونسوي رفع للموضوع عشرين مره .

اما الحين الردود كثرت, وصارت ملونه , ووتزبيط مواضيع .

بس خلاص بسوي حساب ليا باسم بنت هههههههههههههههههههههههههههههههههههه

>> ابغى ازبط جدولي خخخخخ

[اسامـــه]

جدول انتحاري بكافة المقاييس

[خطة أ]

الرسم والمقدمة انتحار بطيء

المادتين فيها شغل الين تكرهين حياتك وخصوصا المقدمة

بالنسبة للثقافة والعربي , هذي المواد لرفع المعدل في الترم العادي , في الصيفي ممكن تاخذين مادة صعبة وحدة وتكتفين فيها او مادة صعبة ومادة متوسطة زي الie256