استفسسار بسيط وياليت الكل يدخل ويرد علي

[سهم العتيبي]

السلام عليكم ورحمه الله وبركاته ..


مساءكم الله بالخير يااحبتي رواد هذا القسم المميز


مجرد تساولات وابي لها اجابات مقنعه :.




ان طالب منتسب وهالسنه خلصت السنه التحضيريه بنجااح دون حمل اي مادة ولله الحمد والمنه


واخترت التخصص كليه الاقتصاد والادارة


وحاب اختار هالقسم المميز اللي هو قسم ادارة الخدمات الصحيه والمستشفيات



ولاادري وشلون وكيف .؟؟


فياليت تشرحون لي الوضع بالتفصيل الممل وتفصفصونه لي حبه حبه << ناوي تكيه الولد


مع العلم ان شهادتي الثانويه ادبي والرزق على الله



وشاكر ومقدر للي راح يرد باسرع وقت لاني في عجلتن من امري


والحمدلله رب العالمين والصلاه على الرسول الامين

[امل عطشان]

اخوي الله يحييك في هالقسم الرائع
ولاراح اطول في الشرح عن التخصص .. لان اخونا زكريا عسيري مشرف القسم ماقصر وثبت موضوع كامل عن المستقبل الوظيفي لهالتخصص بتحصله فوق باللون الاحمر
وفالك البيرق

[سهم العتيبي]

هلابك اخوي امل عطشان


بس انا قصدي من الموضوع كيفيه التسجيل في هالتخصص بالذات


لاني سجلت في اختيار الكليه الاقتصاد والادارة وللحين ماادري وين قسمي وانا حاب اختار هالتخصص


ولا ادري وشلون هل هو مطلوب معدل معين يعني ؟؟

[سهم العز]

حياك الله أخوي العتيبي بين أخوانك ...

ممكن مديرنا الفاضل زكريا يفيدك أكثر ...

[zakaria_asere]

هلا اخوي اطلب في معامله تحديد التخصص اداره عامه وايضا تحديد المسار ادارة الخدمات الصحيه
اعرف ناس مشت معهم الطريقه هذي

[سهم العتيبي]

ارسلت المعامله وان شاء الله يردون علي بالايجاب


والف شكر لكل شخص رد وتحمس لموضوعي


واسئل الله العلي القدير ان يوفقكم


واي رد راح يصير راح ابلغكم فيه

[حلم الزهور]

عفوا لو سمحتم ماعرفت آيش تقصدوو بالمعامله
وآنا نفس وضع سهم بس آنتظام وآبغى هـ التخصص
بس موعارفه كييف سمعت ناس يقولو بعد سنه ونص يتحدد لك التخصص اللي تبينه
وآنتم اللحين تقولو قدمو معامله وآطلبوو من الكليه
من جد ياجماعه ماني فاهمه الهرجه
بلييز سااعدوني وريحوني الله يسهل لكم دربكم

[سهم العتيبي]

مساءكم الله بالخير


ابشركم سجلت المعامله وقبلوني في التخصص



الله يعطيك العافيه يازكريا والف شكر للجميع

[سهم العتيبي]

هلا اختي حلم الزهور


بالنسبه للهرجه وانا اخوك كنت ابي هالتخصص وسجلت معامله ومشت معي والله الحمد



اللي نقصده بالمعامله :_


روحي على الاودس حقك اللي موجود فيه موادك وجدوالك وراح تحصلين في اخر القائمه : تقديم معامله :


اشرحي وضعك واطلبي التخصص وراح يوصلك التبليغ برساله وبعد اسبوعين راح يخصصونك باذن الله



اتمنى وصلت الفكره