استفســار بســيط

[وحيد القرن]

السلام عليكم ورحمة الله وبركاتة

احب في البداية ان اشكر جمـيع القائمين على هذا المنتدى الرائع وعندي بعض الاستفسارات

انا من سكان مدينة جدة وخلصت السنة التحضيرية ولله الحمد واخترت تخصص موارد بشرية برابغ

سؤالي وين حيكون الاختبارات في شمال جدة ولا برابغ ؟.؟؟؟؟؟؟؟؟؟؟ وسؤالي الثاني كيف اغير التخصص في بطاقتي الجامعية اقدر اغيرها من جدة ولا لازم اروح رابغ
مع العلم اني طالب انتســـاب
وشكـــــــرأ ..،،،

[Relax 2013]

وعليكم السلام

بحكم اني طالب انتظام كنت اشوف فترة الاختبارات يجون طلاب الانتساب عندنا بالكلية ويختبرون
وعندي دكاترة وقت اختبارات الانتساب يروحون شمال جدة ويختبرون طلاب هناك
يعني في طلاب انتساب من كلية الاعمال يختبرون في نفس الكلية وفي طلاب كمان يختبرون شمال جدة ( فرع عسفان )
يعني اكيد في اكثر من مكان تختبر فيه وهذا تقدر تتاكد من مشرف الانتساب اللي هو الاستاذ عبدالرحمن الجعيد

اما بخصوص تغيير البطاقة بالنسبة لي مو مهم ﻻني ماغيرتها من يوم استلمتها والتخصص غيرته في النظام ولكن في البطاقة ماغيرت شي
ولكن في جده يغيرونها لك اما في رابغ ماتوقع ﻻني طلبت كشف درجات معتمد ومختوم ومرة ثانيه طلبت ورقة تقسيط على جهاز قالوا من جده في عمادة شؤون الطلاب ، فما بالك ببطاقة تبغى تغيرها

بالتوفيق ،،،