بحث وتدريب - ادارة مستشفيات

[ysa1]

السلام عليكم ورحمة الله وبركاته

صباح الخير ياشباب ، أنا عندي أستفسارات بسيطه وأتمنى من أهل الخبره يساعدوني فيها ويساعدون الطلاب
أنا ناوي اخذ الترم الصيفي مادة البحث والتدريب بس ما اعرف عنها شيء نهائي هل لها كتاب زي المواد الباقيه او لا وهل فيه اختبار ولا فقط بحث وترسله على الايميل بدون مناقشه وكيف طريقة التواصل مع الدكتور وهل البحث يستغل من وقتك كثير بحيث اني لو سجلت بالصيفي مايمديني اخلصه او شلون

وأتمنى تنصحوني ب أفضل الدكاتره في هالمادة واللي مايناقشون ويكتفون بالإيميل .. ترا والله متقروش باقي لي 17 ساعه وودي اخذها بالصيفي لكن متردد من هالماده احس يبي لها شغل كبير ، وشاكر ومقدر لكم

[خ‘ـجل ..!]

ودي افيدك بس اعتقد تعامل الدكتور غير عن الدكتوره
احنا كان بحث هي تختار العنوان بعد مانرسل لها كذا عنوان تطلعه من كتب درستها قبل كذا هذا الافضل
وبعدين تسوي البحث مايتعدى 30 صفحه
وكل الدكتورات لازم مناقشه بس بسيطه جداا مجرد انك تقرا البحث قبل تدخل وخلاص
وماياخذ منك وقت كثير يعني اسبوعين بالكثير وهو خالص
وتقدر تسويه برا عند محلات البحوث بس تتاكد انه مو مكرر بقوقل وانت جيب له العنوان حق البحث ب اسبوع يخلصه لك
وربي يوفقك
وان شاءالله احد يفيدك اكثر

[ysa1]

الله يجزاك خير ي آنسه خجل ، شاكر ومقدر لك ..

لكن أتمنى من الشباب اللي اخذ هالمادة وعنده خبره فيها يفيدنا .. ويوجهنا

[ابو مشعل&&&]

نتمنى الرد

[احمدالرياض]

انا بقول لك تجربتي نزلت ماده البحث والتدريب مع الدكتور محمد توفيق الادريسي وكان التواصل عن طريق الايميل فقط
يرسل لك ايميل ويقول لك اختار مشكلتين اداريه وبعد ما ترسل له يختار لك وحده منها وتبدا بحثك
بدون اختبار او ممناقشه ترسل البحث على الايميل وبعدين ترسله للدكتور مطبوع والدكتور متفاعل مع الطلاب
وفيه دكاتره لازه اختبار ومناقشه
والبحث اذا ماده سهله لا تشيل همها اذا مرا تعقدت الامور خدمات الطالب يسوونه لك