كم المعدل المطلوب لقسم التغذية ( تعديل موضوع مخالف ) ..

[>>P]

يا جماعه انا انقبلت الحمد لله مسار علمي في الجامعه لكن فرع البنات واتمى ادخل قسم التغذيه كم المعدل المطلوب عشان ادخله في السنه التحضيريه؟

[mzat kau]

اهليين يابنت ههههه ليش تحطي نفس اموضوع في كدا قسم !!!!



الموهم انتي فرع البنات !!! نحنا السنه اللي فاتت قالو انو فرع البنات ماينفع يدخلو كليات في الجامعه
يعني عندهم تخصصات معينه منها احياء وكيمياا وفيزيا ورياضيات وانجليش وتغذيه (اقتصاد منزلي )

لكن دي السنه ماعرف امكن يدمجوها عموما ادا مصممه حاولي تجيبي معدل عالي
وتحولي ع الجامعه وتتخخصصي والله يعينك !!

[mzat kau]

لانو طبعا التغذيه قسمين في في كليه الاقتصاد المنزل واظن انك تتخرجي فنيه
وفي في كليه العلوم الطبيه التطبيقيه وتتخرجي اخصائيه =)

[>>P]

ادري بس انا اقصد اني اتخرج فنيه مو تغذيه اكلينيكيه يعني تخصص في كلية التربيه؟

[mzat kau]

اهاا للاسف والله ماعندي فكرة انا من اول افكرك تتكلمي عن التغذيه الاكلينيكيه
لامك حطيتي موضوعك في قسم كليه العلوم الطبيه التطبييقيه لكن عموما ان شا الله غيري يفيدوكي =)=)

[عزة نفسي_تكفيني]

هلا وغلا

يالغلا اللحين نظاام السنه التحضريه في فرع البناات يقدروا يختاروا قسم في الجاامعه << معلومه أكيدهـ

وبالنسبه للتغذيه لكلية الإقتصاد المنزلي حاليا مايفرق بين الجامعه وفرع البنات

سنتناا يختلف نظاامها عنكم احنا ماكان عندنااا تحضيري

بس بنت خاالي هذي السنه خلصت تحضيري ومعدلها 4 وانقبلت تغذيه

ويقبلوا في الـ 3 مرتفع لكن حسب المتااح ويختلف في كل دفعه ممكن ترتفع

في الغالب كل دفعه تكون معدلاتها أكثر من الدفعه اللي قبلها

فإنتي شدي حيلكـ وجيبي معدل مرتفع عشان ان شاءالله تدخلي القسم اللي تبيه وانتي مرتاحه ومن غير عائق المعدل

وتنورين قسم التغذيه ان شاءالله ^_^

وبالتوفيق يارب

[>>P]

مشكوره على الردود واحب اقول والله يسعدك ياقلبي فرحتيني بالجواب الله يفرحك بس كمان ممكن سؤال بسيط اذا احنا مدانا ندخل اي قسم بالجامعه اجل كيف يقولوا الي انقبلوا انتقالي احسن مننا ايش الفرق؟

[عزة نفسي_تكفيني]

المشاركة الأصلية كتبت بواسطة >>p مشكوره على الردود واحب اقول والله يسعدك ياقلبي فرحتيني بالجواب الله يفرحك بس كمان ممكن سؤال بسيط اذا احنا مدانا ندخل اي قسم بالجامعه اجل كيف يقولوا الي انقبلوا انتقالي احسن مننا ايش الفرق؟

العفووو يالغلااا ^_^

منوو قال لكـ هالكلام لا تسمعي لأحد لأنه كلامهم لا يودي ولا يجيب تعب قلب وبس

اللي قلته لكـ هوو خبر أكييد من الدكتوور عبد الفتااح مشااط مدير القبول والتسجيل بالجاامعه

يعني تطمني ^_^ وفي الأول والأخير اللي يصير اللي الله كااتبه وهوو الخير لناا

بالتوفيق ياارب

مودتي

[>>P]

ثانكس