بنات تعالو هنا مين ماحولت لشعب

[القمر الحلوه]

هاي بنات
ان شاء الله الموضوع يكون هنا مكانو لاني ماني عارفه فين احطو
الموضوع باين من عنوانو
مين راح الجامعه اليوم مبنى 6 غرفه634
وتبغى تحول من شعب لشعب
رضيولك ولالاء
انا خلصت التحضيري وتخصصي اقتصاد ومقدر احزف واضيف من النت لازم من عندهم المهم انا
حموت من القهر لاني روحت اليوم على امل اني احول لدكاتره افضل من اللي منزليني هما
وجيت وقفت عند الباب مقفل استنيت تلت ساعه وجات حرمه وشكلو هيا حاجه الامام المهم دخلنا وقلتلها بحول شعبي
قالتلي عبي الاوراق وكتبت كل شي وكل شويا اتأكد عشان لايطلع خطا ومرا انبسط لاني ححول
بعد شويا حاجه قالتلي مو انا اللي اضيف استني شويا وحده دحين تجي اسمها هاله العطاس على ماظن
المهم استنيتها وبرضو على امل اني احول
وشويا وشرفت جات فسخت العبايه وراحت مرا تانيه وغابت يمكن 10 دقايق
المهم برضو صبرت وقلت في صالحي
وبعدين شرفت مرا تانيه ودكتوره حاجه قالتلها انو انا ابغى احول لشعب
الا قالت مافي تحويل شعب بس تضيفي مواد
الا حاجه الامام قالت انتظري ربع ساعه وتعالي
وخرجت وحاجه الامام قفلت الباب سكت وقلت يلا مشي حالك
المهم بعد شويا فكت الباب دي هاله وقالت تعالي روحتلها ومبسوووطه << يافرحه ماتمت
وقالت دوبو جاني خبر انو ممنوع تحويل شعب بعد نزول الاساتزه بس اضافه مواد وحطت اوراقي على جنب وادتني ظهرها انا صراحه فوجئئئت وانصدمتتت وقلتلها تيب انا بحول الشعب عشان الدكاتره الكويسين كيف تقولي لاء تقولي كدا النظام<< وربي وقتها كان نفسي انفجر عليها اخلاقي وصلت وسحبت نفسي
ماعرفت ايش اسوي بس رجعت البيت ابكي
معليش طولت عليكم بس حبيت اقولكم بالتفصيل الممل
المهم دحين ابغى اعرف كلامها صح ولا هيا صرفتني وهل في احد راح اليوم وحول لشعب عادي
انا اول سمستر ليا في التخصص
الله يوفقكم ردو عليا اروحلها السبت ؟؟ ولا ايش الحكايه

[رنيم الشوق]

انا رحت اضافت ليا مواد بس لكن ماسالت عن التحويل

وانتي ليه ماتحولي عن طريق النت عندك مشكله

[القمر الحلوه]

لا احنا عشان خلصنا تحضيري وماعندنا الصلاحيه نضيف ولا نحزف ولانحول الشعب من النت
حتى صحباتي كلهم كدا اللي متخصصين زي

[رنيم الشوق]

اهاا الله يعينكم

[5o5a]

طيب روحي شوفي غيرها
انا شفت كتير يغيرو شعب

بعدين مين الدكاترة اللي خايفة منهم يمكن يكونو كويسين ؟؟
مو كل اللي تسمعيه من البنات تصدقيه
احيانا وحده تشوف دكتورة سيئة و التانية تشوفها احسن وحده

الله يوفقك

[القمر الحلوه]

المشاركة الأصلية كتبت بواسطة 5o5a طيب روحي شوفي غيرها انا شفت كتير يغيرو شعب بعدين مين الدكاترة اللي خايفة منهم يمكن يكونو كويسين ؟؟ مو كل اللي تسمعيه من البنات تصدقيه احيانا وحده تشوف دكتورة سيئة و التانية تشوفها احسن وحده الله يوفقك

مدري عشان اول مرا اروح واغير شعب وما جا في بالي اروح عند وحده غيرها
الدكاتره اللي نزلتلي هدى خيري في الكلي وجزئي
ومنى بادكوك في الاداره
وكمي سوزان ابو العينين
ونصحوني اروح عند حاجه الامام في الكلي والكمي
وسمر عناني في الاداره
فحروح السبت سواء عندها ولا غيرها واغير بازن الله
بس انتي فين شوفيتهم يغيرو بليز قوليلي