للمتقدمين للوظائف الاكادمية بجامعة شقراء (طالبة فزعتكم يا اهل الحجاز)

[((سكر معقود))]

الموضوع زي مو مبين بالموضوع انا قدمت على وظائف اكاديمية بجامعة شقراء وحبيت اشوف هل في احد منكم قدم على الجامعة وهل سويتوا مقابلات والا كيف؟


بصراحة انا اتمنى يكون بينا تفاعل بهذا المنتدى لاني وبصراحة كذا مرة اسجل بمنتديات تابعة لجامعة شقراء ومافي اي فايدة لكن املي بيكم لاني دايما تكونوا دايما معاي


فياريت كل وحدة تقول وين قدمت؟ وهل راحت تطابق اوراقها وهل سوت مقابلة للوظيفة؟


وكيف بالنسبة للسكن؟


يلا بسم الله انا اتكلم عن نفسي انا قدمت على كلية التطبيقية بالدوادمي وبس تاكدوا من بيناتي وبعدها لاحس ولا خبر؟؟؟

عاد يارب تفرج لنا همومنا وتحقق لكل منا مرادها


واذا في احد قدم على الجامعة بالوظائف هذي او اللي سبقها يذكرلنا ايش صار معاه عشان نستفيد



واذا في وحدة قدمت على الدوادمي بالظبط تخبرني عشان نتواصل


يارب يجزاكم خير ويحقق لك من يرد علي ويساعدني ربي يسعدكم

[طال صبري]

هلا قلبووو
اي انا قدمت في كلية التربية في الدوادمي العلمية قسمي احياء واتصلو عليا ورحت لهم وسوينا مقابلة واختبار تحريري بنفس الوقت احنا والمتقدمات
وبس هذا يوم الاثنين اللي قبل اللي فات وللحين لاحس ولا خير

[((سكر معقود))]

يا هلا طال صبري وانا متلك بس انا كان يوم السبت يعني قبلك كانت مقابلة مع 4 دكتورتين وحدة محاضرة وحدة معيدة
بس بصراحة كانت المقابلة طويلة واتطفش وعلى فكرة احنا ما اختبرونا بس مقابلة وكان معاي بنات وكانت تقول اللي تسوي اوراقنا انه اللي قدموا مرره كثير بس ما جوا الا 3 او 4 تخيلي ....


ابسالكي انتوا كيف كثير والا قليل؟ كانوا بس تخصصكم والا فيه تخصصات تانية؟

انت كيف مخططة من ناحية السكن عشان نهستفيد من بعض؟

هل كان معاك بنات من غير منطقتهم يعني من جدة او مكة او طائف؟

يا اختي والله شايله هم السكن لانه مافس سكن اعضاء هيئة تدريس فقلت بشوف اذا في بنات من بره مقدمين يصير نسكن مع بعض؟ انت شو رايك؟

[((سكر معقود))]

يارب يا طال صبري يجعلها من نصيبك اذا لك فيها خيرررررررر والف مبروك مقدمااا ولكل من قدم يارب


يفرحنا قريب ولا يضيع لنا تعب؟

ايوا صح ماقلتيلي هم ايش طالبين تخصص ؟ وعلى معيد والا محاضر؟

ترى تخيلي رواتبهم مرة ممتازة ^ـ*

[عاشقة المستحيل]

انا ما جاني رد
امكن لاني لي اسبوع مسجله ؟؟؟
بعد ما انتهى التسجيل !!!

و انا اخترت كلية الاعمال بالدوادمي

[((سكر معقود))]

انا اتوقع يا عاشقة المستحيل على حسب الشواغر لانه اذا كانوا محتاجين بسرعه يكلموهم


تخيلي صحبتي قدمت المرة اللي قبل اللي كان بشهر 11 الماضي اوكي

تقولي طولوا عنها يمكن 5 شهور بعد التقديم بعدين كلموها وشوفيها دحين لها شهر متعينة

ماشااااااااااااء الله

يعني تخيلي كانت تقولي على طول الناس كلموهم وسوا المقابلات الا انا وسبحان الله هي تعينت بعدهم بفترة

فعشان كذا انا اقولك هم على حسب احتياج الكليات اذا كان مرة محتاجين يكلموهم بسرعه
وبعدين اذا كان يعني يصير عادي متى ماكلموهم وربي لو بس تشوفوا قد ايش هي طفشت وبعدين كانت من نصيبها

[رشة عطر]

كيفكم يا حلوات ؟

انا قدمت على القويعية واتصلو عليه عشان المقابلة

سألت اللي اتصل كم وحدة معايا قاللي 9

طبعا ما رحت ..لأن فرصتي حتكون ضعيفة

بس حابة اسألكم عن ايش كانت اسألة المقابلة بالضبط ؟

وكمان اللي سوولهم اختبار .. عن التخصص ولا اسئلة عامة ؟

يارب تكون الوظيفة من نصيبكم .. وعقبالي انا كمان :)

[((سكر معقود))]

يارب تكون من نصيبك انتي كمان بس قبل ما اجاوبك حابه اقولكم كلمة بخاطري لانك متل اختي ليش ما رحتي؟
او استخلاتي لانه الواحد مايعرف رزقته فين فلا تكرريها مره تانيه ان شاء الله اكيد حيفتفحوا تقديم بعد فترة قدمي وروحي

تخيلي انا لمن وصلت بالكلية عشان المقابلة ما جاء غير 3 وتقول الموظفه انه كثيررررررررررر مقدمين يعني مو شرط اللي قدموا عن طريق النت يجوا كلهم .... ربي يكتب ان شاء الله قريب


ياسيتي انا ابتدي اول وحده اول ماوصلت ساعه8 دخلت وطلعوني بغرفة الاجتماعات كان هونيك اجتماع المتقدمات

بعد كذا عبينا اوراق فيها بيانات عده عبيناها وتعهدات باكمال الدراسة والابتعاث وعدم النقل

بعد كذا عملوا لمقابلات ..

دعواتكم انه ربي يجعلها من نصيبي والله انه نفسي اتوظف خلاااص وربي طفشت من قعدة البيت ):

[طال صبري]

هلا ياسكر
انا بالصراحة قدمت احياء على معيدة واللي تقدمو معايا امكن 4 او 5 شي زي كدا بس لاني دخلت اول وحدة مانتهبت للبنات كويس كل البنات اللي تقدمو كانو خريجات من نفس الكلية حقت الدوادمي واعتقد لهم فترة متخرجين مو زي السنة اللي فاتت
بالصراحة اذا ربي اكرمني وانقبلت لهذي الوظبفة بانقل انا واهلي للدوادمي
بس تتوقعي متى يتصلون علينا لاني دقيت على العميدة قالت رشحنا وارسلنا الاسماء للجامعة عشان تجي الموافقة وكدا
ودقيت على القسم ردت عليا الدكنورة الي سوت اللي المقابلة اعتقد هي رئيسة القسم وقالتلي اعتقد انك مرشحة بس ماكدت لي شي
بس الله يسهلها وتكون من نصيبي ونصيب الكل ياررب

[((سكر معقود))]

ماشاء الله ربي يفرحكي بيها يا طال صبري ويعوضك خيرررر وربي يسهاك كل الامور وان شاء الله تكون من نصيبك