مبادئ الادارة العامة <<< تعبتني هذه المادة

[pop corn]

السلام عليكم

بنات الله يخليكم اللي عندها اختبار ادارة عامة تقلي كيف ذاكرت دي المادة وكيف حتكون أسئلتها ..مقالية ولا صح وخطأ؟
لاني مرة تعبت من مذاكرتها وكل ما احفظ شي انسى اللي قبله


الله يخليكم اللي تعرف كيف طريقة الاسئلة تقولي لاني حأتجنن من دي المادة

الله يعين ويوفق الجميع

[SARO0O]

مرحبا فشااارة

تفضلي هالنمااذج


وبالتوفيق


سرو ...

[pop corn]

شكرا سرو ياعسل

بس تتوقعي دي أسئلة اختبار ولا فيه أحد كاتبها من الطلاب؟؟<<< اللي في المرفق الأول

انتي عندك دي المادة؟؟

[SARO0O]

يب عندي المادة

بس مدري والله مين كاتبها اصلا مااطلعت عليها لسى

انا احب اذا اراجع اراجع من النماذج

وامانتن لسى انا ماخلصت المادة

بس اسمعي ترى بس 2 و 3 و4 هيا اكثر شي اما الباقي ترى مو كثييييرة حلوين والله بس ركزي بالمذاكرة

موفقه عسوله

سرو ...

[pop corn]

يسلمو سرو

انبسطت انه في أحد معايا في دي المادة لأني مابشوف أحد يتكلم عنها أبدا

تسلمي عسولة رفعتيلي معنوياتي شويتين

[SARO0O]

ترى معانا كثير بنات

واصلا في تجمع خاص بالمادة

بس اتوقع البنات يبدأو حوسة الاسئلة بكرا

شوفي التجمع يمكن تستفيدي كتير

يارب يوفقناااااااا اجمعين

سرو ...

[السحر الحلال]

اختي لو كان الكتاب عندكم نفس الي يدرس عندنا الطلاب , فانا املك اسئلة للاختبارات النهائية والمنتدى مليء بالاسئلة

[. اشتياق .]

وعليكم السلام والرحمة

المادة معلوماتها كثيره بس سهلة بالحفظ
مثل ما قالت لك سرو أول 4 فصول يحتاجوا وقت والباقي سهل إن شاء الله

لو تبغي نصيحتي خذي لك ورقة a4
وطلعي الانواع والخطوات لكل فصل فيه هالاشياء
واعملي خريطه ذهنيه بسيطه وكل ورقه خليها لفصل
يعني مثلا التخطيط طلعي التعاريف والانواع والمقومات والخطوات ورتبيها بورقه
طبعاً تأخذي بس رؤوس الأقلام عشان تتذكري بسرعة
والأشياء اللي ما تلاقيها بكل فصل خليها عادي لانك بتميزيها عن غيرها

بالنسبة لي هذي طريقتي بالمذاكرة والحمد لله جابت نتيجة واسألي سرو

بعدين في كثير بنات معاك بس يكونوا مشغولين بالمذاكرة الحين
شيكي على موضوع التجمع وعلى قسم الملخصات بتلاقي فيه موضوع عن الادارة
بيفيدك بالمراجعة إن شاء الله

[رويده عباس]

بالتوفيق يا قلبي

احنا في الانتظام طريقتنا اختيار من متعدد يعني مش مقالي بس ما ادري كل استاذه و طريقتها

اهم شي تفهمين كويس و تركزين و انتي تذاكرين التنظيم و التنسيق و التخطيط يمكن هي اكثر مواضيع تلخبط لكن لا تشيلين همها

الله يوفقك و ييسر لك

[pop corn]

السحر الحلال, اشتياق , رويده

أشكركم جميعا على تعاونكم ويارب يوفقنا جميعا في جميع الاختبارات

بس انا اللي مضيعني اني كل ما احفظ شي انسى اللي قبله
ولما اخلص من فصل وأراجعه أحس اني ماني فاكره ولا حاجة

الله يسهل علينا الحفظ والفهم يارب ويجعلنا من الناجحين بأعلى الدرجات في الدارين