تجربتـي بقسـم التـاريخ مسار الارشاد السياحـي / المواد والأستاذات

[شـروق الزهراني <3]

بســم الله الرحمن الرحيــم


مرحبــاا ، اليـوم بأذن الله بتكلــم عن تجربتــي أغـلـب المـواد

اللـي درستـها بقسـم التاريـخ / مسـار الأرشاد السيـاحـي

بمـا اني على وجهة التخرج راح اتخرج الترم الجـاي بأذن الله

وأقــول رأي في الاستـاذات وكيف المواد والاسئلـه ....


وهذي الخطــه الدراسيــه لمواد القسـم الحاليـة لاني سمعت انها بتتغيـر ..



نبدأ بمـادة ، تاريـخ عالم قديــم / الدكتـورة جيهــان


المـادة = تتكلم عن تاريـخ الحضارات المصريـه / الاشورية البابليه .... / الفارسيـه / اليونان الرومان / العربيـة

بصراحـة الماده دسمــه وفيها معلومات كثيــر واسماء ملــوك قد عدد شعر رآسك [ للي مو اصلع هع ]

والدكتورة جيهـان بتشرح من بوربوينت وتجيب الاسئله من شرحها وتكرر اللي بيجــي بالاختبار وتسأل عنه كثير وطريقه الاسئله كانت لما درستها فيه مقالي و موضوعي

أما البنات اللي درسو معاها خلال السنه اللي فاتت قالوا لا بس صارت موضوعي ومافـي نشاطات

او واجبـات او اي شيء نفس درجتك بالاختبــار تنرصد لـــك :) والدكتـورة كويسه ,

درجتـي : 92 A


مـادة ، سيرة نبـوية وخلفاء راشدين / دكتــورة سمـر السيــد


المادة تتكلم عن سيرة الرسول عليـه الصلاة والســلام و الصحابة من بعده رضوان الله عليـهم والفتوحـات والمعـارك

بصراحــة المـادة شويــه دسمــه بس اللي يسهلها انه معلومات قد اخذناها بالمدآرس مو شيء جديــد

الدكتــورة سمــر غنيـه عن التعريــف ربي يسعـدها تشرح من قلبهــا والكلآس معاها جدا رائـــع

واسئلتهـــا سهله بس بيجي كم سؤال يبغاله تركيــز بالذات في الصح والخطأ لكن بصفة عامه اسئلتها سهههلةة
وبتأشـــر عالاشياء المهــمه وتقول اش اللي مو مهـم

انصحكــم معاها تدرســون وفيه نشآط عليه اتوقــع 10 درجـات وهو نشاط جماعــي

درجتــي : A+ 95

مــادة منـاهـج البحــث / د.سمــر السيــد

المـادة مرره تطفش مـاعرف بس ماحبيتهــا تتكلم كيف تسوي بحـث والاشياء اللي تسويهـا عشان تعمل بحث متكامل

وانــواع الأبحــاث و و و .. كانت مع د.سمــر جدا تحاول تسهل لنـا وتفهمنــا وتختصر المعلومـــات وطريقـه الاسئله مقالي و موضـوعي .. بس سهلة جدًا

درجتـــي / 96 A+


مـادة / الدولــة الأمويــه ، د.سمـر السيــد

المادة دسمـــــه وفيهـا معلومات وبالنسبة لي جابت لي النفسيه كلها قتل قتل قتل :( ~ لكن شرح الدكتورة الله يوفقها وين ماكانت كان كويــس وبما أنه تخصصهـا فهي تقريبا عارفة كل شيء وتتكلم بكل مصداقـيه وعـدل بـدون تحيــزز واخيــرا لقينـا انســان فاهــم :) ويقول الحقائــق .. عالعمــوم المادة هي نسبه صعوبتها 7 من 10 لكـن الاسئله بمجملها موضوعي وصح وخطا وفيه اذكري وعددي يعنـي اعطي الاسئله في السهــولة 8/10 لانها واضحة وبتحاول تـأشــــــــــرر << التأشير حبيب الكل :$

درجتــي / 95 A+

وللأسف ياخساره هذي اخر مادة تقريبـا اخذها مع د.سمــر وربي اقولها للـه اتمنى تدرسني كل المواد :(


مــادة / مغـرب وأندلـــس ،د.فوزيـه الشمــري

المادة تتكلـم عن كيفيه فتح الاندلس والاوضاع اللي فيهـا والمعـارك وطبقات الاندلس و و و

المادة شويـه دسمه اديها بكثافه المعلومات 6 من 10 بس اهون من غيرها ...

الدكتـورة مررره طيبــه وتحاول تراعي لكن المادة مااش :( والاسئله بصراحة فيه سهله وفيه اللي تقول في نفسك

ياربي هذا فين كان >_<" يعني في اشياء مانركز عليها وتجــي , لكن سهلـة وهي بتساعد الدكتـــورة لاتخافون

درجتــي / 93 A


بيزنطــة في العصور الوسطــى / د.جوهــره الميمـان

المادة تتكلم عــن اوروبا كيف كانت عايشه في العصور الوسطــى جدا بدائيين وهمـج وقبائل اوروبيه

بعد سقوط الدولة الرومانيه في رومـا عام 476 ميلادي حفظت التاريخ من كثر مايتكرر هههههه

عالعموم المادة حلوة لكـن الدكتورة الجوهره كانت تركــز عالاسئله اللي تجي ,, بصرآحة مو اي وحده بتجيب درجة حلوة لآن المادة مررررره طويله وكتابين و و الاسئله شوية صعبه عالعمــوم انا حاولت وكافحت وكنت اشارك ومره اصيب ومره اخيـب لكن كنت اكثر شيء اصيب عشان اثبت نفســي وأني استحق اجيب الامتيـاز والحمدلله ما انظلمت نلت ما طلبت

درجتــي / A 90

مـادة / الدولـة العباسيــه , د.نـاديا قربــان

المادة = تتكلم كيفيه بدايه الدولة العباسيه والتوسعات و معارك وفتن وانتفاضات وماخلو شيء بقلبهم ماسووه في هذي الدولة .. وربي تجيب النفسيه

وكان من كتـاب والاشياء المحذوفه مرره قليــل بس الدكتورة ماقصرت الله يوفقها حاولت تسهل لنا والاسئله مررررررره سههههله وتدي بونس ياسلام

لكن فعلا والله هذي المادة من اكثر المواد اللي فقعت مرارتــي كله قتل ومشاكل اعوذ بالله ناقصين

درجتـي / 100 A+ << تف تف ماشاء الله