أبغى مساعده كيميائيه

[الحـ العيوف ـلم]

حلوووه مساعده كيميائيه ههههههههه

هو في الحقيقه عندي صديقه بقسم الكيمياء بتسوي بحث تخرج بهالترم وموضوع بحثها عن المعادن او العناصر الثقيله
وتبي تتكلم عن خواصها وفوائدها وأستخداماتها في الصناعه واخطارها الصحيه والبيئيه وكلللللللللللللللللللللللللللللللل شئ يتعلق بهالشئ

دورنا عندنا بالمكتبه ولا لقينا الا ورقتين من كتاب وتعرفون ما يصلح تسوي بحث من ورقتين وكمان بحثنا عبر مواقع البحث بالانترنت لكن كمان دون جدوى

فرجاء اللى يعرف شئ عن هالموضوع من كتب او مواقع يقدر يفيدنا بها وتكون باللغه الانجليزيه وليس العربيه فاجزاه الله الف خير وخير000وياليت القى رد قبل يوم الجمعه عشان ابلغ البنت اذا فيه او لا

وتقبلوا خالص تحياتي وأمنياتي لكم بالتوفيق

[العاشق الساهر]

قبل يوم الجمعه
يعني معنا بس 24 ساعه
راح أحاول بس ما أضمن قبل يوم الجمعه

[الحـ العيوف ـلم]

مو مشكله اخوي العاشق بس انا اخاف البحث او الرد عند بعض الزملاء ياخذ اسبوع او شهر مثل لمى طلبت مساعده لفتح ايميلي ما جاني الرد الا عقب شهور يمديني نسيت اللى كتبته واللى طلبته

شكرا على تجاوبك معاي وإن شاء الله باقي الاخواني اللي يعرفون شئ لايبخلون علينا بمعلومه

تقبلوا خالص تحياتي

[العاشق الساهر]

من عيوني حلوم
خليني اسأل لك يوم السبت دكتور في القسم عندي وأرد لك


سلامي

[الحـ العيوف ـلم]

اليوم ماهو يوم السبت

[العاشق الساهر]

الصبر زين ايتها الدبه
وصيت برفسور عندنا في هندسة المواد يجيب لي اسماء مراجع وكتب
وتعرفي عاد لازم يسوي نفسه ابو العريف
اليوم الاحد ما شفته لكن بكره أكيد راح أشوفه



سلامي

[الحـ العيوف ـلم]

كم مره اقولك لاتقولي دبه لاتقولي دبه لاتقولي دبه
تتولد عندي حالة إحباط من هالكلمه وتتكون عندي شخصيه عدائيه عليك انت بالذات

**********************************************
العاشق انا ماعلي بس لان زميلتي قالت لي باقرب وقت ردي لي وش صار
ولان البنات بدت تسلم للدكتوره بحوثها وبدأُ يناقشونها معها
وهي مالقت بموضوعها اي شئ للحين000واذا مافيه مره مره بتشوف موضوع ثاني عشان كمان يمديها تبحث عنه تعرف هالترم هذا قصير والوقت يدرك الطلاب والطالبات

شوف العاشق اذا ماقدرت مره ووقتك ماسمح لك تراجع البروفسور وحاس نفسك مضغوط ومنحرج من هالامر بالذات فبلاش وراح اقولها تدور غيره00لانه انت حالك حالنا طالب ولك ضروفك وامتحاناتك ووقتك

عله يا هالبحوث

[العاشق الساهر]

شفتي انك دبه
ليه هالكلام
عيوني ماصار لطلبك ((( ثلاث ايام )))
وأنا يعلم الله من السبت مكلم البرفسور
يعني المسأله مو احراج ولا شي
بروح اضرب البرفسور يعني ؟؟؟؟؟؟؟؟

على العموم أنا سألتك واحد معي في الهندسه
وقال لي الافضل لصاحبتك أنها تسأل المرشده الاكاديميه عندكم في الكليه
أو تسأل المشرفه عن بحثها او حتى الدكتوره
لأنه مراجع الهندسه تختلف عن مراجع العلوم
الهندسه مراجع تطبيقيه ومعمليه
بينما العلوم مراجع اكاديميه وتقصيليه

وعن حكاية البرفسور والله أول ما يعطيني المراجع برزها لك هنا يا دبدوبه <<< يدلعك بعد


سلامي

[العاشق الساهر]

أخيرا جا الفرج
لكن أرجع وأقول لك
خلي صاحبتك تسأل عندكم في القسم عن مراجع للبحث
لأن مراجع الهندسه تختلف عن مراجع العلوم
وان شاء الله تستفيد من هالكتب :

E. C. bain, alloying elements in steel, ASM-International

encyclopedia of materials science and engineering

R. A. Flinn , fundamentals of metal casting

metals handbook

national academy of science , materials and man's needs , committee on the survey of materials science and engineering

وهذا كتاب احنا ندرسه في القسم فيه معلومات ممكن تفيدها
elements of materials science and engineering


واي شي جديد راح أطلعك عليه



سلامي

[الحـ العيوف ـلم]

مره مره مره شكرا يالعاشق000شكرا قد الجبل
هى ماقصرت والله البنت تمرمطت حتى ماقالت بس وهي اول شئ تمر على الدكتورة والدكتوره قالت لها ابحثي بالمكتبه المركزيه لكن ما اعطتها اسم كتاب بعينه ولا شئ والمكتبه مالقينا بها الا حق المقدمه بس
اعتقد الشئ اللى بتسوي فيه بحثها نادر الكتب عنه
على كلا ماتقصر وإن شاء الله نخدمك بالافراح ههههههههههه