تجميعة لاستفسارات دكاترة و دكتورات Med11 :)

[anas-bs]

بس سؤالي هو انا من طلاب رابغ هل هناك فائدهـ لحضوري

اكييييييييييييييييييييييييييييييييييييييييييييد رح تستفيد
لانها رح توريك انت ايش رح تاخذ وايش مستنيك
كمان رح نقلكم كيف وضع الطب بالاضة لمعلومات برايي انها مهمة ولازم تعرفوها
اي واحد رح يدرس طب او اي كلية صحية رح يستفيد

هل سيكون هناك ممثلين لنا في هذه الدوره...

لغاية دحين ما اعتقد بس انا دحين رح احاول اكلم واحد من رابغ ان شاء الله يحضر

[MAS-663]

^^^
الله يوفقكـ يادكتور انس وان شاءالله بحضر من المدينهـ عشانها دام انها بهذي الفايدهــ ,
واتمنى انه يحضر احد طلاب رابغ ...

ومشكوووور مجددأً والله لا يهينكـ ..

[S A L M A N]

في أخ من رابغ حيكون متواجد إن شاء الله وكمان أخواننا في الشمال ما يقصرون برضو

[MAS-663]

لاهنت يادكتور سلمان...
وعساكم ع القوهـ

[الأمير المدريدي]

متى تغيير بطاقة الجامعة من تحضيري الى طب ؟

[MAS-663]

^^^
من العمادهـ في ايام الدوام..
لاحق عليها ..
بالتوفيقـ ...

[losfer]

أتمنى من أحد الدكاترة يذكرلنا قائمة بسيطة بأهم الكتب والمراجع اللي يفضل اننا نقتيها سواء كانت مقررة علينا في المنهج أو مراجع عامة .
ومشكورين مقدماً

[Nimo]

المشاركة الأصلية كتبت بواسطة د.مشبب السلام عليكم حبايبي ... حبيت أسأل الأخوان و الأخوات " المحترفين " ( يعني الي قد كرفوا في كلية الطب ) أمثال د.عبدالرحمن المالكي و د.شيماء ولا يهونون بقيت الدكاترة . بصراحة تامة >> الله يستر ! إذا بدينا الدراسة بإذن الله تعالى وداومنا في الكلية , اليوم الي داومنا فيه وأخذنا فيه محاضرات .. هل أقدر أرجع للبيت وأريح ساعة أو ساعتين ثم أذاكر جميع المحاضرات الي أخذتها في يومي هذاك مذاكرة " شاملة وكافية ووافية " ولا لازم يكون هناك بعض المحاضرات أو بعض الأشياء الي ما بقدر أذاكرها بحكم ضيق الوقت أو خلاص لازم أنام لأن وراي بكره دوام .. فهمتوا علي ولا لا .. طبعا أبغاكم الله لا يهينكم تجاوبوني بصفة عامة و بغض النظر عن الإمكانات و الفوارق و القدرات من شخص لآخر . سؤال آخر ؟ المحاضرات العملية أو الأشياء العملية ,, كيف أقدر أذاكرها أو أراجعها أو بصيغة أخرى كيف أتعامل معها .. ولو أحد يتكرم ويعلمنا كيف نذاكر بصفة عامة سواء نظري أو عملي فيكون قد عمل معروف كبير جدا .. على الأقل بالنسبة لي .. وشكراً ...

طيب .. أول شي حط في بالك انك على قد مآ تقدر لآزم تقرأ على الأقل محاضرآت
اليوم أول ب أول و نهآية الأسبوع تمر عليها من تآني عشآن يوم الاختبآر
تكون فآهم و تقدر تروح تسأل الدكاترة قبل الاختبار و كدا ان شالله
مآ ينفع إنه نغض نظرنآ عن الفوارق و القدرآت و الظروف حتى يوم إننا نتكلم في هذا الموضوع !
ليش ... ؟
ل إنه ببساطة مثلآ فلآن ساكن في مكة .. ف مآ يوصل بيته الا على المغرب تقريبا - على أساس انه يخرج 5 من الكلية - ..
تمام .. طيب يرجع يريح ساعتين و يقوم يبآ يذآكر كل اللي أخده في اليوم و دا الموضوع مآ حيكون أقل من 3 سآعات و يريح حبة
و بعدين ينآم تاني عشآن تآني يوم ورآه دوام من الصباح !
بس في المقآبل فلآن تآني ساكن في جدة يرجع 5 ونص مثلاً و فلآن دآ تكفيه سآعة رآحة
و يقوم يذآكر شوية و تبقى له كم سآعة يخرج فيهآ أو يقعد مع أهله و لا ايش مآ يحب يعمل
و بعدين ينآم و يصحى في وقت متأخر - مقارنة ب اللي في مكة - و نص ساعة و هو في الجامعة !

ف عشآن كدآ لآزم إنت تحدد لك روتين معين ينآسبك ب حيث إنك ترتآح + تنآم + تفلهآ حبة
- و الله يخليكم لآ يجي أحد يقول ترآ إحنا طب و كدا ..
طلآب الطب ب صفة خآصة يحتآجوا للترويح و الطلعآت و تغيير الجو -

بس عمومآ على افترآض إنه حيآتك سلسة نوعاً مآ ..
لو خرجت من الجآمعة و رجعت البيت ريحت شوية و مسكت محآضرآتك قرأتها
- مجرد قرآءة ل تثبيت المعلومات اللي سمعتها -
و تجي في الويكيند ترجع تقرآها تآني - نوعاً ما قرآءة مركزة أكثر - كدا حلو ..
تجي فترة الاختبآرآت انت ان شالله مستعد :)

بالنسبة ل مذآكرة النظري ..
غالباً بعد تشكيل اللجنة العلمية .. ان شالله محآضرآت الأسبوع تنزل يوم ب يوم على منتدى دفعتكم ..
و تاني يوم في الكوبي سنتر ..
أما العملي ..
ف برضو غالباً في مراجع .. شيتات + كتب !
يعني مثلاً :
الأناتومي ( التشريح ) من كتاب اسمه Snell + أطلس للصور - فيه كتب أطلس كتيرة - اختآروا اللي يريحكم بعد مآ الدكآترة يقولوا لكم عليها
الهيستولوجي ( الأنسجة و الخلآيا ) قبل اختبار الفاينل حيعطوكم صور للسلآيدآت ..
البآثولوجي ( علم الأمرآض ) ممكن من الكتآب و ممكن من شيتات ل طلآب الأعوام السابقة و الدكآترة مشرفين عليها و مضمونة ان شالله ..
البآيوكمستري ( الكيمياء الحيوية ) برضو لهآ شيت جآهز من دكآترة القسم ..
و هكذآ كل الموآد البآقية لهآ شيتآت من نفس الدكتور اللي يعطي المعمل

آسفة على التطويل ..
بس حاولت أوضح على قد مآ أقدر
و ان شالله تكون المحاولة نآجحة :)
موفقين يآ دكآترة ان شالله :)

المشاركة الأصلية كتبت بواسطة Beeshoob طيب معليش حاجه تانيه ياجماعه هوا انا عشان طب موازي ويكتبو لي في البطاقه عمادة خدمة المجتمع << زي المساكين تحسو خدمة المجتمع لوحدها كف قوي اكتر شي هههههه هع << امزح لحد يبكي المهم عن رغي الكتير كنت ابى اسال دحين انا باذن الواحد الاحد مش ناويه استمر كدا بدون مكافئه وبدا الحقل حق المجتمع للخمس سنين الجايه وفكرة بابا يديني مصروف مش حلوه يعني وما اقدر اطلب من هارديز يعني مو كفايه انو في مكه مافي ههههه << معليش رجعت ارغي تاني كيف اعرف انو انا طلعت من التلاته الاوئل على الموازي زيي ؟ وكم عدد الموازي اصلا ياليت رقم دقيق ؟ وفي امل احول من الترم الاول ولا ؟ سؤال بايخ كمان وهل يعاملونا بعنصريه ولا عادي طبيعي زي الخلق ؟ يعني يلبسونا لون معين نقعد لحالنا في الركن هههههه << مع نفسي صح

ترآ مرة مكبرين الموضوع !
يآ جمآعة و الله الموآزي مآ في فرق بينهم و بيننآ غير شي وآحد .. المكآفأة !
يعني كون عمادة خدمة المجتمع و لا عمآدة مدري ايش اللي هي حقت بآقي العالم
مآ تفرق ..
في الأخير كلكم تنتموآ إلى كلية وحدة تحت اسم جآمعة وحدة

طيب يآ حلوة ..
كيف تعرفي إنه انت من الأوائل ..
همآ يطلعوآ الأوائل من الدفعة على نص السمستر التاني و يعملوا لهم تكريم و حركآت
و يحولوآ الأولى على الموآزي بدآية السنة اللي بعدهآ
ليه !
الله أعلم !
مدري صرآحة ليه كل التآخير دآ !!!

عدد طآلبآت الموآزي 30 أو 33 طآلبة على مآ أذكر ..
و التحويل زي مآ قلتلك اذا طلعتي الأولى - ان شالله - يحولوك :)
أما عن التمييز و العنصرية و دآ الكلآم !
ف لآ طبعاً !
يآ عزيزتي يدرسوآ مع طآلبات الطب البشري و يلبسوآ نفس لون السكرب حقنآ - الرويال بلو -
و لآبآتهم معآنآ و اختبآرهم معآنآ .. الفرق في المكآفأة .. !
و سآعات قسم ( شطر الطالبآت ) المسؤول عن الثقآفة و العربي سآعآت يعني
يقسموآ الشعب ، شعبة عآدي و شعبة موآزي ..
بس أعتقد دآ مو من كليتنآ دآ من الإدآرة حقت دي الموآد :|
ف لا تشيلي هم .. أبداً ابداً أبداً مآآآفي فرق والله

المشاركة الأصلية كتبت بواسطة د.مشبب كمان سؤال الله يسعد قلوبكم .. هل يوجد دكاترة أو أساتذة خصوصيين لمواد كلية الطب ,, زي ما كان موجود وبكثرة و بعدد لا نهائي ومن مختلف الجنسيات و .. >> " بس ياحبيبي زودتها " أيام ما كنا تحضيري .. وشكراً ..

ترآ مدري إذآ فهمت سؤآلك صح !
بس على مآ فهمت ..
كل مآدة طبعاً لهآ دكتور أو دكتورة مختص فيهآ و يجي يعطيك دي المآدة ..
يعني مثلآ التشريح دكتور تشريح ..
الأمراض دكتور متخصص علم أمراض ..
البآيوكيمستري دكتور دآرس كيميا حيوي طبية .. و هكذا ..
أغلب الدكآترة مصآرية و فيه كم دكتور و دكتورة سعوديين
و كم هندية عندنآ بس مدري عآد عن وضع الطلآب !

المشاركة الأصلية كتبت بواسطة faisal idrees يعطيكم العافيه ..... سالت كم سوال ومحد جاوبني عالعموم الرسائل وصلت بس مكتوب فيها انو التسجيل في الموقع طيب كيف طريقة الدفع وكمان الموقع مقفل !! فكيف حنسجل ؟؟؟

معليش يآ دكتور يمكن مآ أنتبهوآ الدكآترة :)

على العموم ..
استفسآرك اللي تقصده ..

المشاركة الأصلية كتبت بواسطة faisal idrees يعطيكم ألف عافيه عالموضوع بصراحه أنا ماكنت متوقع اين ادخل طب بعد درجه الكيميا ،، ولكن قدرة الله فوق كل شئ الحمد لله دخلت طب موازي ووالله يمكن فرحتي اكتر من اللي دخلوا طب عادي لأني ماكنت متوقع اين ادخل طب أصلا المهم الانسان معروف بطبعوا طماع ،، فهل أقدر اين أجيب معدل حلو وأقدم طلب مكافاه وإلا لا تأنيا هل في وثيقة التخرج يكتبو اين طب موازي وإلا لا وأرجوكم أبغا در موثوق وأكيد واسف عالأطاله والله يوفق الجميع

أول شي مبروك القبول :)

هو إنت تبآ مصدر موثوق
و الصرآحة أنآ مو وآثقة .. بس أعتقد إنه يكتبوآ طب موآزي ..
بس مآ فرقت .. يعني موآزي و لآ عآدي ..
في النهآية تقييمك و تعيينك في وظيفتك ان شالله ب يعتمد على آدآئك ك طبيب :)
و دآ المهم بالنسبة لك أو لهم !
و يب زي مآ ذكرت ل الدكتورة ، لو جبت الأول على الموآزي إن شالله همآ تلقآئياً
يحولوا الطآلب الموازي الأول ل طآلب طب عآدي و يستلم مكآفأة :)
و للمعلومية ..
في اجتمآع يعملوه للطلاب المستجدين في الكلية مع عميد كلية الطب ..
يشرح لكم فيه النظآم و يجيب على استفسآرآتكم :)
و أذكر إنه قآل كل سنة في إمكآنية ل تحويل الطالب الموآزي الأول إلى العآدي ..
و يستلم المكآفأة من بدء تحويله :)



آسفة على الرد الطويل .. بس إن شالله أكون أفدتكم ب اللي أعرفه :)
بالتوفيق جميعاً ..

[السندوي3]

يا اخوان هذا الكلام مش معقول انا الى الان ما وصلتنى الرساله علما اني طب رابغ



وهل تشملنا الرسائل ...................بلييييييييييييييييييييييييييييي ييييييز رد سريع

[د.مشبب]

أشكرك يا د.Nimo شكراً جزيلاً من أعماق قلبي
حبيت أسأل ما هو " الكوبي سنتر "
ثانيا أنا كنت أقصد بالأساتذة والدكاتره الخصوصيين .. يعني الي من برا الجامعة ,,
الي تروحين لهم وتدفعين لهم فلوس و يدرسونك ..
طبعا لحد يفكر إني من الآن أدور على مدرسين خصوصيين .. هاه انتبهوا
لا والله .. وأصلا الحمد لله أنا ما قد حضرت أو قابلت مدرس خصوصي طول عمري
بالعكس أنا من الي يحاربون وبشدة ظاهرة المدرسين الخصوصيين ..
لكن سؤال خطر على بالي فقلت خليني أطرحه .. وسلامة قلووووبكم .