مين افضل دكتورة او استآذة محآسبه؟..

[حنّو ..~]

آنآ مآخذة مع آول دكتورة سعودية في آلمحآسسسبة .. د\ آيمآن قآري ..

مآبي آحش فيهآ عششآن مآآخذ ذنوبهآ ولآ تآخذ حسنآتي <~ نذلة لووول ..

آلمهم مـِـِـن قآصرهآ آحس آلسمستر آلجآي بتحط يدهآ على خدهآ وبتهش آلذبآآآآن ..

لآنهآ جدآ سيئة سيئة سيئة آخلآق عـِــِدمْـ بمعنى آلكلمة وآلششرح نفس آلشيّ عدمـْ ..

وتهزئك قدآمـْ آلبنآت مآعندهآ مششآكل تمووون آلآختـَ ..


وآللهـ آسئلتهآ يعني نص ونص ..

ولآ تسآعد بصرآحة ..


آنآ مرة حضرت مع ا \ عهــِـِد وحتى طآلبآتهآ كآنوآ يختبرون معهآ آشوفهآ شلون مع آلبنآت تسآعدهم وتشرحلهمـْ عآدي وآنتي بآلآختبآر وترآعي بآلدرجآآت ..


حتى آفكر آخذ معهآ محآسبة 2 ..

[الملاذ..]

المشاركة الأصلية كتبت بواسطة m!ss dana تغشش!! صراحه ماشفتها تغشش ابدا اقصد تساعدك في الاختبار .. تبهك بالتواريخ و اسم القائمة .. والقيد تقول اكتبوه وهيك و اذا سالتها في الاختبار وكان حلي غلط تنبه.. واذا كان صح تقولي صح وكملي حلك >> اسميه غش.. وبصراحه تصحيحها مو مرررره احسها ماتراعي احد افتكر في الدوري الاول رعتنا في دفاتر الاستاذ عشان الوقت .. وفي الدوري الثاني حطت بونس .. حتى لو غلط بسيط تحسبه.. بعدين لسسه مارصدت اعمال السنه كيف عرفتي؟ انا لما اخذت درجة الدوري الثاني لقيت درجة اعمال السنة معاها نزلتبس مو كل البنات( واخذت عشرة من عشرة وانا ما سلمت الوجبات كامله) .. راعتني كثير الله يسعدها الله يستر بس من النهائي..

بالتوفيق للجميع

[cutelo0oly]

كيفكم يا حلوين

انا الصراحه درست محاسبه 101 مع دكتوره امال عوض
الصراحه شرحها مرره روعه تخرجي وانتي فاهمه واسئلتها مررره حلوه وتراعي البنات كثير وتحاول ترضي الكل بأي طريقه لو تدرس محاسه 102 ان شاءالله باخذ معاها

[*AcCt*]

الله يوفق الجميع
بس حبيت أقولكم على تجربتي مع أستاذاتي اللي كثييييييييير أحترمهم وأقدرهم
أنا هذا الترم تخرج وأغلب الدكتورات أخذت معاهم
*محاسبة 101 .. أخذتها مع ريم صقر تأسيس تمااااااااام ولكن شديدة مع اني جبت عندها a+
*محاسبة 102.. مع العسولة سارة بكر أحب هذي الإنسانة هادية وشرحها خطوة خطوة لكن ما كملنا معاها لأنو في نص الترم جاتنا بدالها شريفة طيووووووووبة لكن كلاامها كثيييييييييييييييير
*محاسبة حكومية.. أنيسة تركستاني شرحها متوسط لكن بأمانة حسيتها أنو تنحاز للبنت اللي تعرفها.
*محاسبة متوسطة 1.. مع الأستاذة اللي أقدرها كثيييييييييييييييييييييييييييييييييييير الله يسعدها ويوفقها (صباح الغامدي) أكيد في بنات حيخالفوني لكن عن نفسي هذي الأستاذة أفضل أستاذة في المحاشبة من ناحية الأخلاق وتشرح من قلب وفي المقابل أسئلتها من قلب وتصحيحها جاااااااااامد يعني خطأ واحد في القيد تشيلك درجة القيد كلو ..بس هذا الشي مو مزعلني لأنو شرحها قمة .. وبصراحة الى اليوم أقدر أدخل عليها وأسأل في أي موضوع مع انو ما تدرسنيي ذا الترم باختصار ( أنا أحترمها جداا جداا)
*محسبة تكاليف 1-2. مع الطيوبة فاطمة كمال أخذت عندها في المادتين 100 ما شاء الله أخلااااااااااااق بس للأمانة شرحها متوسط
*مراجعة1 .. مع شريفة كان كلااامها كثييييييير وأسئلتها تكلمي وعددي واشرحي وحتة صح وخطأ تعلقين عليه بما لا يقل عن سطرين
*محاسبة متوسطة 2 .. مع جوهرة القحطاني.. الله يسامحها ما أقول غير كدا رععععععععععب الحرمة دي .. مو عارفتلها أيااام تقولي ايش الأستاذة هذي أخلاااااااق وأيااااااااام ....... (لا تعليق)، مهما كنت متميزة عندها لو غلطي غلط واحد مافي شي يشفعه..
*محاسبة ادارية.. مع إقبال خاطر شرحها متوسط .. ولا تفكري تسرحي عندها ولازم تبينيلها لو انت محترمتها لأنو عصبية نااااااااااااااااااااااار وصراحة أسئلتها مو على قد شرحها .
*نظم معلومات محاسبية.. مع نهال الجندي.. طيوبة وهادية وأسئلتها سههههههههههلة
*مالية متقدمة 1.. مع عيشة السيد صراااااااااااااااااااحة ما تعرف تشرح وتغلط كثير وأسئلتها لازم فيها لفة بس أنا كنت قدها وقدود وجبت علامة حلوة فيها
*منشآت متخصصة .. مع سحر الجبروني.. أخلااااااااااااااااااااااااااااااااااااااق ومحترمة وما تتطاول على أحد وتصحيحها رووووووووووعة كنت أخرج من الامتحان أقول حأنقص 5 درجات وأتفاجأ انو اللي نقصتو درجة ونص بس
بس صراحة هي المادة نفسها غلسة يبغيلها مذاكرة أول بأول
*مراجعة 2..كانت مع صفية .. وما أدراك ما صفية لا تعلييييييق فيها بقوة.. بس بأقوول فيها شي واحد أنو تسمعك الكلام اللي تبغينه لكن تسوي اللي تبيغيه..
*ضريبية .. مع فطووومة صراحة شرحها في تكاليف أفضل بكثير
* زكوية.. مع صباح قمممممممة وعلمت حساب الزكاة بشكل ممتااااااااااز
*متقدمة 2.. أخذتها الترم هذا مع أنيسة ما اقدر أحكم عليها لأنو أول مرة تدرس المادة
*تطبيقات..كمان مع صفية صراحة كانت المحاضرات احنا اللي نعلمها مو هي اللي تعلمنا.
*فقه ومعاملات.. مع حمدية .. للأمااانة اختصرت المنهج كثيييييييييييييير وادتنا المهم لأنو بنات الجوهرة مرررررة تعبوا في المادة .. بس نحنا أقدر أقووول أنوو تمااام شرحها في التمارين مو ذاك الزود لكن أفضل من الجوهرة عموما أسئلتها حلوة مو شينة.


وبس وبكذا تخرجت من قسم المحاسبة هههههههههههههههههههههههه عقباااااااااالكم ياااا رب

[الطالبة المنتظمة73]

ألف مبروووووووووك التخرج يا AcCt
بس إنت قفلتيها معانا مافي ولا استاذة او دكتورة في المحاسبة عجبتك ........... كلهم شرحهم متوسط
أعتقد أنك متحيزة للأستاذة صباااااااااااااااااااح فقط
وموفقة

[LoOoOoD]

الف مبرووووووووك AcCt ... ومشكورة كفيتي ووفيتي ...

بس ماقلتي لنا مع مين اخذتي بحث وتدريب ...؟؟ وبمين تنصحيني ؟؟

[*AcCt*]

حبااايب قلبي
مشكووورين على التبريكات وعقبالكم..
أنا لمن أقول شرحها متوسط يعني مو سيئة.. بالعكس.. أنا قصدي أن في بعض الأحيان ما تتعمق في المادة وتديكي الملخص..
أنا عن نفسي في كثيييييييييييييييييييير من الأستاذات اللي قلت عنهم شرحهم متوسط عاجبيني زي الأستاذة فاطمة كمال.. أخلاااااق وطيوووووبة بجد ومريحة وتشرح مرة واثنين وثلاثة وما تزعل بالعكس تزعل لو ما سألتي لكن الحق ينقال شرحها تديكي المهم بس يعني لو سألتيها ممكن تتلخبط بس الحلو فيها أنو تراجع نفسها ترجع تقلك الحل الصح المحاضرة الثانية..
ونفس الشيء أ. أنيسة.. واثنيناتهم فيهم ميزة أنو يسمعوا للبنت وما يزعلوا..
بالنسبة لـ د.إقبال قلت عنو متوسط لأنو مو كل البنات يفهمون عليها .. كانت تشرح وأغلب البنات مو فاهمين عليها..
أما أ.صباح... أنا قلتلكم الصدق فيها أنا هذي الإنسانة بأخلاقها أثرت في شخصيا.. وقلت أنو أسئلتها صعبة وتصحيحها مو حلو .. أتوقع اني أنصفت فيها وانحزت لها..

حبيت أوضح بسس الشغلة دي .. شكرا

[*AcCt*]

أخت (LoOoOoD) الله يبارك في عمرك ان شاء الله
وتحسي فرحة التخرج وانت بصحة وعافية

أنا أخذت بحث وتدريب مع الدكتورة سحر الجبروني... هي مرررررررررة طيوووبة ولكن دقيقة في كل شي ولازم تكوني معاها خطوة خطوة علشان تعرف انك تشتغلي معاها.. وحتى في المناقشة طولت وسألت عن كل شي تقريبا لكن باختصار.. عموما أنا خرجت من المناقشة مبسووووووطة وحسيت انو تعبي ما راح..
بالنسبة لباقي الأستاذات يعني لهم ايجابياتهم وسلبيتهم.. بس كثير مدحوا عيشة السيد ونهال الجندي وفاطمة كمال في البحث والتدريب..

بس نصيحة لوجه الله كل وحدة عندها بحث وتدريب الترم الجاي تدور على مكان للتدريب من بدري ... لأنو أنا عن نفسي توهقت ما لقيت أحد يستقبلني مع أنو دقيت عليهم الأسبوع قبل بدأ الدراسة .. كان الكل مقفل على 4 أو 3 بنات فقط

ثاني شي حددوا الموضوع اللي تبغوا تكتبوا فيه من بدري كمان .. وراجعوا المكتبة اذا في مراجع ولا لأ.. ولازم في حدود 5 كتب والأستاذات يبغوا طبعات جديدة حطوا الموضوع هذا في بالكم.

ولا تنسوا وانتو تتدربوا تكتبوا ملاحظاتكم عن كل شي .. صدقوني راح تستفيدوا منها بعدين.

اتمنى أكون أفدتكم.. بالتوفيق.

[مشاعر]

حبيباتي
الي مو عاجبتهم الأستاذة ريم صقر
انا أحترم وجهات نظركم كللللكم
لكن أنا درست معاها محاسبة 2 وتكاليف 1 الحمد لله رااااائعة وعمرها ما غلطت عليا بكلمة بالعكس كانت تقدرني
الأستاذة هدي لازم تدرسك صح عشات تتعامل معاكي بالطريقة الي تناسبك انت
يعني الطالبة الي تستخف بيها وما تحترمها تعرف تأدبها مزبوووووووووووووط
والمحترمة تقدرها
أنا بصراحة أحييها وأقدرها على شرحها وأسلوبها
وان شاء الله لو حتدرس تكاليف 2 حآخدها معاها وأنا مغمضة

مشاعر

[m!ss dana]

acct

مشكوووره قلبي


اضافتك مرره افادتني ,,