رايكم بجدولي .... ولا عليكم امر

[Banoth 07]

الله يسعدكم ابغى رايكم بجدولي وتعريف كل ماده عشان ماانصدم بعدين
وتقيم مشروعات الماده ذي عباره عن ايش ....؟؟؟


04/09/2011 bus 211 va مبادىءالتسويق 3 s.m.w.. 12.00 12.50 420 205b h 04/09/2011 bus 221 ha ادارة العمليات 3 s.m.w.. 13.00 13.50 420 204b h 04/09/2011 econ 260 ea اقتصاديات نفط 2 s.m.... 10.00 10.50 tba tba h 04/09/2011 econ 312 aa مالية عامة 2 s.m.... 8.00 8.50 tba tba h 04/09/2011 econ 350 ia اقتصاد اسلامي 2 .s.t... 13.00 13.50 tba tba h 04/09/2011 econ 485 ba اقتصاد اداري 3 .s.t... 8.00 9.20 003 302a h 04/09/2011 econ 498 da تقييم مشروعات 3 .s.t... 9.30 10.50 003 302a h

[maamoola]

اقتصاد اسلامي حفظ مع الطاسان مرة ناايس
اداري حفظ ورسومات يعني باختصار اقتصاد جزئي بالزبط
مالية عامة حفظ ومع البحطيطي الاختبار مقالي بس المادة تمشي الحال

اتمنى يفيدوك في الباقي

[Raumah]

السلام عليكم ..

اول شي اذا انتي ناوية تحولي الى تامين اهم شي تتاكدي من المواد انهم في خطتك

كأنو مبادئ تسويق اختياري في خطة تامين ..
انا ان شاء الله حنزلها هذا الترم لانها متطلب في مسار اعمال ..
و هالمادة حفظ و بعض الدكتورات يطلبو فيها بحوث و عرض ..

إدارة عمليات أخذتها مع خديجة ضباب ماشي حالها

نفط أخذتها مع دكتورة عفاف .. المادة حلوة و نظرية .. بس غالبا تنزل مع دكتور اسعد جوهر و البنات يمدحوه

مالية عامة أخذتها مع البحطيطي .. المادة نظرية
و يحب المقالي .. اهم شي تكتبي كل الي فاهمتو و ما تخلي الورقه فاضية
كانت هالمادة هم على قلبي .. و الله يجزاه خير اعطى اغلبية البنات 90 

إسلامي راح انزلها هذا الترم ان شاء الله تنزل مع دكتور حمد الطاسان ..
يمدحونه البنات

اداري مثل تحليل اقتصاد جزئي .. أخذتها مع عفاف عايد

تقييم مشروعات لسه ما أخذتها البنات يمدحوها مع عبلة ..

ان شاء الله اكون افدتك
و بالتوفيق يا رب

[ساوووووووخ]

ترقيباً جدولك كويس ومتوازن

وتقيم مشروعات الماده ذي عباره عن ايش ....؟؟؟

عباره عن كلام عن مميزات وعيوب طرق بيتخلل المنهج تمارين رياضيه بسيطه
اذا اخذتيها مع عبله بخاري رح تهريك تكليفات وطلبات بس تظل احسن من لبنى بكثير وتعطيك درجات " بالرغم من ان البعض يقول انها ظلمته ! "

مبادىءالتسويق

ماده مره غثيثه بالنسبه ليا " اخذتها بدايه دراستي قرفتني كلها كلام كلام كلام وربي كنت قبل الاختبار بيوم اقراءها وادخل " ماتنحفظ " امشي بالبركه

نفط ...ماده مالها منهج محدد او بشكل ادق مالها كتاب محدد " كل سنه بسنتها ع قولت الجوهر " اظنها لسه مع الجوهر ولا تغير
كان يكتبنا واغلب كلامه كان سياسه بس ترا مره متساهل مع البنات كانو دائماً يخرجو ويخلوه اول مايخلص الوقت والمشكله انه يسمعهم يقولو " مع نفسك " ولا يقول شيء
بس دائماً يهزء الطلاب
يختبرك الاختبار الثاني ولا يعطيكم الدرجات تدخلو النهائي وانتو مو عارفين ناجحين ولا لا " بس يحب ينجح البنات بالغالب " يحب الطالب يتابع الاخبار عن النفط واتوقع انه يجيب في كل ترم عن ميزانيت الدوله وسعر النفط الحالي
اسلامي انسان مع احترامي له " مهستر " وكل محاضرته ضحك
بس يزداد حاله من ترم لترم سوء بالتعامل " تعامله تعامل اطفال "
بس يحب ينجح فوق ال90 عموماً الماده مررررررررررررره سهله
بس تحفظي الكلام يلي يوريكم ياه بالعرض " تآشري معاه " ولا يحب يطلع بالكميرا
حاولي تشاركي معاه لين مايقولك خلاص انتي ان شاء الله معايا بتاخذي 100
مالية عامة ماده مره مره ممله اخذتها مع بسام او باسم مااتذكر كان يجيب الاسئله يلي ورا كل فصل بس ينجح ع الدف " مع انها اختياريه وصح وخطآ " بس مايصحح او يصحح بعض الاسئله فقط
البحطيطي مااعرف عنه بس الماده بجد الواحد ينغث وهو يحضر محاضرتها يلي سمعته من البنات انه يحب الواحد يعبي له كلام " بس مادري يصحح ولا لا "
اداري =جزئي لكن صراحة عفاف كانت تسحب مننا الدرجات سحب الله يهديها مع ان المنهج مثل الجزئي بالضبط حتى الماده مالها داعي بس " شفط " معدل احياناً كانت تنقلنا كلمات غير منطقيه بالمنهج والاختبارات تحاسبك ع اتفه الاسباب
يعني ممكن تروح عليك 10 بالراحه بالاختبار الواحد " مره نقصتني 3 درجات عشان عامود برسمه مارسمته :( "