محفظتي انسرقت

jo0ojo0o sAm · #1 15-10-2009, 06:09 PM

السلام عليكم ورحمة الله وبركاته

كيفكم ؟؟

يوم الاتنين انسرقت محفظتي في الكلية في مبنى المدرجات ؟؟ طبعا كل ما افتكر اجلس ادعي على اللي سرقتلي هيا دعاوي وان شاء الله ربنا يوريها يوم اسود زي ما عملت كدا حسبي الله ونعم الوكيل فيها

انا مني عارفا ايش اعمل دحين مع العلم انو دي المرة التانية الي تنسرق فيها المحفظة حقتي نقرتين لعرض الصورة في صفحة مستقلة

كيف اطلع بطاقة جامعة وبطاقة سامبا مع انو بطاقة سامبا حقتي خلصت مدتها ولازم اجددها فايش اسوي

وشكرا

JoOoJoOo sAm

الجــ،،،،ــوري · 15-10-2009, 06:20 PM

الله يعينك..

وان شاء الله تلقي اللي يساعدك..

حزنتيني (u_u)

SOSO>> · 15-10-2009, 07:26 PM

حــــــسبي الله ونعــم الوكيــل

واذا المحفظة مافيها غير البطايق احمــدي ربك

واذا معاها فلوس الله يعوضكـ بغيرها

أما بخصوص بطاقة الكليه روحي القبول والتسجيل وقولي أبغى اطلع بدل فاقد

وراح تطلع لك بطاقه جديده ,,

وانتظــري عليآ أسألك وأرد عليكي الليلــه بآذن الله بخصوص بطاقة سامبا

//

ووه ياحلاتي · 15-10-2009, 08:03 PM

احمدي ربك انا ضاع علي 450ريال ومن يومها حرمت اجيب معايا افلوس حدي حدي 20ريال

يابيبي روحي الشؤون يطلعولك بطاقه جامعية بدل فاقد ب50ريالل<<<اهم شي

وبنسبه لبطاقة سامبا من نفس الكليه اطلعينها لاني رحت الجامعه ابغى ا فعل بطاقتي شوتوني وبث

حنان الريم · 16-10-2009, 01:25 AM

الله يعوضك خير وحسبي الله على اللي ماعنده ضمير يردعه

ومثل ماقالو البنات روحي القبول والتسجيل وشيلي معك 50 وان شالله تتسهل امورك

jo0ojo0o sAm · 16-10-2009, 03:45 AM

شكرا حبيباتي هونتو مصيبتي عليا والخمسين ريال ادفعها في سامبا في الجامعة ولا عندهم مافياا اضرب مشوار لانو المرة الي فاتت لمن انسرقت محفظتي رحت فرع سامبا في الجامعا ... وخايفا يسولي لكاعة عشنها تاني مرة تنسرق الله يسهلها يارب..وربي ينتقم من اللي كان السبب في الهم اللي انا فيه ...

JoOoJoOo sAm

عزة نفسي_تكفيني · 16-10-2009, 10:29 PM

وعليكم السلام ورحمة الله وبركاته

حسبي الله ونعم الوكيل محد شاافها لمن سرقت لكن الله شاافهاا وحتعااقب على عملتهاا

وان شاءالله ياارب يعوضكـ خيير

رووحي لعمادة القبول فرع البناات وان شاءالله يسااعدووكـِ

ويااقمااري المرحله الجااامعيه تختلف لاا تتركووا شنطكم ابدا

شوفوا انا اللحين راابع سنه والشنطه مااتفاارقني ^_^ اذا سبتها اشيل جوالي ومحفظتي معاايه واخلي الشنطه مع اختي ولا صحبااتي

انتبهوووا في كثيير ضعااف نفووس

والله يستر عليناا ياارب

jo0ojo0o sAm · 17-10-2009, 07:08 AM

عزة نفسي تكفيني شكرا على ردك الحلو ... وربنا ينتقم منها ان شاء الله

والله انا هادي تاني مرة تنسرق.. فمرررة ماسرت اخلي شنطتي دايما معايا بس ايش اقول خير حسبي الله ونعم الوكيل ..وشكرا على المعلومة اليوم حروح ان شاء الله واشووف ربنا يعين

JoOoJoOo sAm

رنين الشوووق · 17-10-2009, 08:01 AM

يارب ترجع محفظتك اليوم يارب ...

Mis$ lolo · 17-10-2009, 12:07 PM

اسالي حقون الامن يمكن وصلت لهم

او البنت رجعت رمتهااا بمكان تاني ومااخذت البطايق

اساليهم اذا في محفظه وصلتهم

يستنو من يسال عنهاااا

وان مالقيتي روحي العماده والله يسهل لك

محفظتي انسرقت

منتدى كلية الآداب والعلوم الإنسانية للبنات