جاوبوني زي ما جاوبتكم

[الاهلاوي]

بسم الله الرحمن الرحيم
حبدا سؤالي بهذي الهرجة
مرة واحد من اصحابنا عزمنا في استراحة ابوه قبل عسفان ( للاسف الاهلاوي ماراح)
صاحبي هذا خال وكان لابس الفوطة الحجازية وكان عند الباب وبقية الشباب جوه في الاستراحة
جا سواق معاه اربعة بنات وصاحبي كان بره ( الادمي هذا مرة ونييييييييييييييييييس)
سألوه عن الاستراحة فردلهم بلهجة السوادنه
البنات صدقوه انه واحد سوداني وكشفوا عن وجيههم واخدوا راحتهم معاه والولد ماسك نفسه من الضحك
مر واحد من الشباب الي من جوه الاستراحة من يوم ما شافوه غطوا وجيههم وصاحبي بدا يموت من الضحك وسألهم ايش المعنى وليش غطوا بالهلجة الجداوية طبعا ماردوا عليه

سؤالي اكيد فهمتوه....... ليش كثر من النساء لمن يشوفوا واحد الشباب او اي سعودي يرتبكو ويغطو .... ومع اجانب ياخدو راحتهم وما يهمهم وياما شفتها في اسواق وزواجات
حاولت الاقي جواب لكن مالقيت

اول موضوع انزله لاتفشلوني

[ليدر أستوديو هبقات]

أنا في إنتظار الإجابه على أحر من جمر

[NeMo]

خخخخخخخخ



الله يرجك اهلاوي




وربي ضحكت





شوف يااخي العزيز حاتكلم عن نفسي ويجواالباقيين يردوا بلسانهم





عن نفسي


هندي بنغالي امريكي اسباني سعودي مصري ان شاء الله مريخي



مالي هروج مع صنف الرجالة


وربي حتى لمااروح السوق مع الماما


ماما انتي حاسبي وانتي فاصلي


ماااالي دخل




يااادوب حجز مستشفى, استعلامات, ديليفري هارديزوبيتزاهت وبالعافية والمضاربة



لما نسافر ابويا يجلس يتريق عليّا


هيا مو تعرفي انجليزي؟؟


هيا اتفاهمي معاهم؟؟


هيا مدري اييه


طيب انتا تعرف واولادك يعرفوا وحررررمتك(يعني مامتشي) تعررررف


اييش تبغى منيييييي



نهايتو



صنف الرجالة


مش صحبة انا وهما


الا ماذكراعلاه





بالمناسبة افتكررت قصة حكوني هيا بنات عمي


صح خطأ الله اعلم


البنت اللي تتصل على الاستعلامات ويديها رقم جوال صاحبو والهبلو تحسبو دومنيز بيتزا

وتعمل اوردر والولد الفلة يطلبلها ويوصل الاوردر


يجي يدق على بيتهم على انوهندي


وتفتحلوا وهااااات ياهرج


ومرة جرت التانية جرت العاشرة



تمر الايام

والبت يتقدملها عريس لقطة


توافق



تملك


تتزوج




في ليلة من اليالي



يقولها ترى اناالديليفري بوي حق الدومنيز





تصدقوووووا؟؟؟






صراحة مادخلت مزاجي




بس مش الحال




اهو اهلاوي مافشلانك وردينا

[hms]

أنا كمان بأجاوب عن نفسي .. طبعاً انا الرجال كلهم عندي واحد ومافي فرق بينهم سعودي الماني بنقالي هندي كلهم واحد .. هذا اللي أنا دايماً أقولو واللي جا ببالي أول مافكرت اني ارد بس لما دققت في الموضوع لقيت انو أنا بعض الأحيان تسير لي أشياء غريبه أول شي أقول الحمد لله انو مو سعودي ... مثلاُ مره كلمت فيديو أطلب افلام وعلق اسم الفلم في فمي وطلعت تحفه المهم بعد ماقفلت قلت الحمد لله انو هندي مو سعودي ومره أول ماغطيت وجهي اتكعبلت في مواقف بيت خالتي وشافني السواق قلت الحمد لله انو مو سعودي طيب ليش ؟؟ تصدق اني ما أعرف ليش ... هوه شي مضحك بس كمان محير .. بس مره واذا تبو تضحكو عادي حلال كنت اعيد مع أهلي عند قرايبنا اللي ساكنين معانا في الحاره طبعاً كانت أول سنه اغطي وجهي وفجأه لما قربت من بيت جدي اللي بنص الحاره وكل أمة لا إله إلا الله واقفه اتكعبلت كعبلة اعتقد انو محد راح ينساها لأني مافقت على نفسي إلا وطرحتي على كتفي وعبايتي ما أدري فينها وأنا كلي في نص الرصيف قدام أمة محمد هههههههههههههههههههههه الحمد لله اني كنت قريبه سحبت نفسي إلى مادخلت البيت وجاتني نوبة ضحك طبعاً كل السعوديين وغيرهم شافوني ...........

وشكراً أهلاوي على الموضوع ..

[NeMo]

خخخخخخخخ



برضو يا همس ماقلتي



ليش السعودي غير؟



انا ممكن لو حللناها سوا


امكن عربي بصفة عامة



يعني دايما نقول اوووووف حمدلله هندي نحسبو ماحيفهم ولا راح ينسى!!


ننسى انو ممكن يروح يدق ونسة زيها زي غيرو من البشر



وهات يا ضحك علينا



مانفكر كدا




بس لو سعودي ولا نقول عربي


لالالالالا دا يفهم دا زينا دا دا



ترى كلهم رجال وان اختلفت المسميات




مخهم واحد




هاااااااااع

[ليدر أستوديو هبقات]

أنا الشي الأتوقعه

إن أول شي السعودي حيحكي في المجالس ولقاءات الشباب إلين حتوصلنا القصه وهي أصلا عننا

أما الهندي مهما سوى أعتبر الموضوع منتهي

ثاني شي الهندي لو كان أيش ما كان يضل خايف وممكن أحيانا يسوي نفسه ما شاف ولا يضحك ولا شي

لكن السعودي حتى لو أصلا ما يضحك الوضع

تلقاه يقول ياعالم ترى شفناكم

ممكن هذا شي وفي حاجات وحاجات

[نضال]

كلام ليدر صح ..

السعوديين يفضحوا ..


على قول واحد من الشباب يقولي لو بنت طلعت مع واحد سعودي .. اليوم التاني حتلاقي ناس غريبه تمر من قدام البيت ...

ايش الهرجة .. محد يدري !

بس شكله ابن الحلال راح " يشلش "

لووووووووووووووووووووووووووووووووووول

[الشاكي]

لا تجمعوووووووووووووووو

أنتم لما تقولو سعودي تجمعو بين الصالح والطالح

في ناس محترمين وفي ناس رايحين وطي




لكن من وجهت نظري


أن المرأه لما تطلع مع واحد مايتكلم عربي ( هندي أو من هذي الأشكال )

ومعاها وحده تجريها بالكلام تتكلم وتاخذ راحتها والسبب

يقولو (( هذا مايفهم وش نقول ))

عجيييييييييييب

طيب لما تقولو ودينا المكان الفلاني كيف يفهم ؟؟؟؟؟؟؟؟؟؟؟؟؟؟

لكن لما تطلع مع السعودي تلاقيها حذره جداً جداً والكلمه قبل تطلع تحسب لها 1000 حساب

وهذا اللي عندي

[داوود]

الموضوع

مكن يكون برضو بسبب انو الاجنبي بصفة عامة

عندو عادي يشوف حريم كاشفين كدا

بس هدا يلغي انو مهما كان يشوف حريم برضو حاله حال الرجال كلهم

المهم

اما السعودي فا يا غافلة لكي الله

يقعد يستنى يبغا يوفلو اي حتة في اي حاجة

فا بس

[الاهلاوي]

اشكركم على المرور
بعد ماقلبتها في راسي وصلت لهذي النتيجة
الشباب عندنا محرومين .. يعني يستنوا اي حاجة عشان يكفشوها وهاتك هرج عليها .......صراحة زي مانسوي
شباب والله اليوم شفت وحدة صرلها كذا .... شباب والله اليوم شفت منظر من وحدة وزي كذا
والعالم تتونس وتسطح من الضحك
وتقريبا العرب كلهم الي هنا نفس النظام لانهم يشوفوا مناظر غريبة على بنات البلد وان كان هذا مهو باين والله العظيم ياجماعة انا الاحظهم في السوق انه يسوي بياع وحاله حال نفسه لكن يلعب من تحت لتحت
يعني شبابنا مهم الوحيدين
واشوف كمان انه البنات يستغشمو الي مايفهو لغتنا ..
.اصلا هذولا جايين يدوروا رزقهم ويخافو اذا سو اي مشكلة عشان كذا تحسبوهم مايفهمو
والبنات على بالهم انهم مايفهمو وياخدوا راحتهم او واحد شافوه انه غبي وبعض الاحيان وانا شفتها كم مرة اذا شافوا المكان مافيه غير واحد او اتنين برضو ياخدو راحتهم

انا شايف انه احنا الي بنرد مو جماعة لها
اتمنى انكم تجاوبو
الاخت نيمو و hms
اشكركم على ردودكم بس الاجوبة شخصية ماشفت غليلي
انا اشوف بما انكم بنات لازم تكونو عارفين نظرة الباقين واتمنى اعرف هذي النظرة

تحياتي