استفسار عن الجدول

[Mohammed028]

السلام عليكم جميعا ..
انا نزلي الجدول خطة ب وصراحة مو فاهم ع الجدول وعندي كم سؤال

1- في مواد طلعت لي انها يومين ومواد ثلاثة ف الاسبوع بس هل هذا صح ولا المواد حتكون يوميا ؟؟؟
2- الانجليزي ما طلع لي ف الجدول هل يعني انا ف لفل 4 ؟؟

[AjSal]

ايوا صح،
مافي ماده تاخذها كل يوم الا الانقلش
كل ماده تاخذها على يومين او 3 ايام بالاسبوع
ف جدولك خلال الاسبوع يختلف مو كل يوم نفس المواد

عشان تعرف لفلك افتح الاودس
الطالب - سجلات الطالب - الاستعلام الاكاديمي الشامل
شوف المقررات المعادله

[Mohammed028]

شكرا ع الرد .. والمقررات المعادلة عندي 3 :))) يعني انا لفل 4 ؟؟

طيب سؤال كمان يعني دوامي حيكون ساعتين ف اليوم بسس ؟

[AjSal]

ايوه انت لڤل 4 ورح تدرسه التيرم الثاني

بما ان عندك 3 مواد بس
ف ايوا تداوم ساعتين بس تقريباً (حسب ترتيب جدولك)

بس في التيرم الثاني بيكون عندك 4 مواد + انقلش
ف بتجلس 6 اسابيع تداوم من 8 الى 4 😴

[Mohammed028]

وربي فللة

طيب اخر سؤال اقدر اختبر ايلتس ف اي وقت واخذ اعفاء عن المادة
لاني افكر اخذ دورات قبل ما اختبر ايلتس عشان اجيب شي حلو

ومعليش ازعجناكي بالاسئلة

[سَمآ دنيآ]

كيف شفت جدولك ؟
اخوي تحضيري ومو راضي يفتح معاه الاودس بالرقم الجامعي والرقم السري
هل ارسلوا لك حاجة او انت طلبت منهم تفعيل ؟

[Mohammed028]

هم اول رسلو لي رسالة على جوالي برقمي الجامعي وكلمة المرور للاودس ودخلت امس وحصلت الجدول نازل
واعتقد انه نازل له 4 ايام

[Fargie]

المشاركة الأصلية كتبت بواسطة mohammed028 وربي فللة طيب اخر سؤال اقدر اختبر ايلتس ف اي وقت واخذ اعفاء عن المادة لاني افكر اخذ دورات قبل ما اختبر ايلتس عشان اجيب شي حلو ومعليش ازعجناكي بالاسئلة

جدولك بيكون مريح دامك تخلصت من ثلاث مستويات انجليزي ماشاءالله
تقدر تختبر الايلتس و تعادله قبل الاسبوع الثالث من دراسة المستوى
يعني يفضل تعادله في الترم الاول او في بداية الترم الثاني قبل الاسبوع الثالث 🚶🏼
عندك وقت تقدر تطور فيه لغتك من استخدام و محادثة و كتابة و استماع الخ

موفق ❤

[Mohammed028]

اوكيهه يعطيكم العافية ان شاء الله اختبر واشيل الانجليزي تماما 💪🏻

[GGG20]

السلام عليكم انا دخلت الاودس و دخلت مقررات المعادلة و طلع معلومات عني بس ما طلع انا مستوى كم يعني ما حسبو لي درجة الاختبار حق الإنجليزي؟