إستشارة في حروق الدرجة الثانية

[Dr.Passed]

Back

حبيبتي تقلك أبدا ماتغسلي حتى بنورمانسلاين
ما تغسلي أبدا
تقلك ما تقدر تتوقعلك متى حيلتئم عشان لازم تشوفو بنفسها

إن شاء الله على الاسبوع الجي كده لمن ينشف حتتكون طبقه زهريه لمن تبدأ تتكون الطبقه في مرهم تلاقي في الصيدليه اسمو contratubex هادا إن شاء الله يمنعلك التشوه و الاثار بإذن الله

بس وقت الطبقه الزهريه عشان يعملك مفعول مو لمن تتعافي تماما ولا يخف ولا يبدأ يروح...بس لمن ينشف على الاسبوع الجي لمن تبدأ الطبقه الزهريه

ولاتخافي بسيطه انا سارتلي لمن كنت صغيره ودحين مالو اي اثر ولا كإني انحرقت
بسيطه إن شاء الله لاتشيلي هم

بس زي ماقلتلك مره لاتجيبي مويه عليه...لا نورمانسلاين ولا غيرو

ازا تحتاجي حاجه تانيه ولا مافهمتي عليا قوليلي أعيد مو مشكله

وكل سنه وانتي طيبه ومن غير حروووق =)

[Dr.O]

المشاركة الأصلية كتبت بواسطة dr.passed miss you احد قلكم اني اتخرجت =) بس اقلك الواضح من كلامك انها صفائح دمويه اتكونت بعد ما كان في جرح بسيط وإن شاء الله استنى عليها هيا لحالها تروح ازا كانت فعلا كده شي طبيعي تسير لكل الناس يعني عايدي بس ازا هوا شي غريب ومضايقك مره يكون افضل لو تروح تكشف عليه مع اني اتوقع انها صفائح اتكونت من الجرح الي حصل..وازا فعلا كده ما اشوف يحتاج شي يعني كلنا سارتلنا بس برضو شوف دكتور ازا مضايقتك

د.باسد الصفائح تتكون بعد الجرح مباشرة ... لكن الاخ يقولك انه تبقى للجرح اثر بعد التئامه ..

[Dr.Passed]

طيب طبيعي يبقى اثر يروح إن شاء الله
ازا مافي شي والمنطقه مغمقه ممكن اداوي نفسي بنفسي واحطلها جلسرين وليمون وكريمات عشان تفتح

فا ما اعرف جرب بس انا مني فاهمه ايش المشكله بالزبط

[śώẹξ‡ Moőny]

.. () شكراً ليكي الله يوفقك ويسعدك يارب

.. دحين الجلد في طبقة زهرية بس إنو مدري هيا اللي تقصديها ولا لا .. كمان في دكتورة من مصر بتقلي إنو في كريم إسمو بانيوتين .. وبتقلي أستخدم شاش فازلين .. مع إنو الدكتور في المدينة قلي إنو ما أستخدمو !

دحين ممكن بعد مرور 4 أيام يسير عادي أستخدمو .. رأيك أسمع كلام الدكتورة ولا أستمر ع الفلامازين .. لأنو الدكتورة ما كشفت على حالتي بس كلمتها جوال ^__^

<3 ومرا سوري تعبتك يا عسل

[Dr.Passed]

لا حبيبتي ولو عادي اصلا والله اني انبسط من قلبي لمن اساعد الناس

شوفي انصحك ماتخبصي وتسوي بالزبط زي ماقالتلك ماما
مو عشنها دكتوره بس عشان انا كمان سارلي نفس الشي لمن كنت صغيره
الشغاله الله يكافيها جابت الكفتيرا وصبت مويه مغليه نار عليا من شرها اعوزو بالله

وسوولي نفس الشي وبعدين ماما اهتمت بالموضوع وشالو الجلد وسوو نفس الي عملولك هوا
بس والله دحين اوريكي ولكإنو كان في حرق ماشالله من جد

هيا طبقه زهريه وحده..انتي نشفت عندك المنطقه ولا لسا ؟؟

اسمعي ازا تبغي ترسليلي صوره الحرق ( المنطقه) تشوفها ماما مافي مشكله برضو

بس عندك المنطقه ناشفه وزهريه دحين؟؟ لانو ماما تقول ازا فعلا من الدرجه التانيه 4 ايام ماتكفي انو يتلئم

[śώẹξ‡ Moőny]

.. تقريبن زي كدا الحروق بس على منطقة أوسع


والطبقة الجلدية دي اللي في الصورة بعضها الدكتور شالو وبعضها لأ

ومن تحتها لمن أنقشعت في طبقة لونها زهري و ملمسها ناعم جداً ... كمان في جلد ما شالو الدكتور أشيلو ؟! ولا أخليه

[Dr.Passed]

ههههههههههه قلتلها على الجلد الي ماشالو الدكتور الي تبغي تشيلي تقلك لا تفتي من عندك الله يسعدك
تقلك الدكتور شال بعضو عشان مايتوسخ ولا يسير كده تلوث...يعني الجلد الي ماشالو طيب خلي

الطبقه الزهريه تقلك لمن تسير ( ناشفه) ومستويه وناعمه وقتها تحطي المرهم الي قالتلك علي عشان مايبقا اثر ومايسير في تشوه

والجلد الي ماشالو الدكتور خلي لاتشيلي

[śώẹξ‡ Moőny]

بس لونو أسمر .. و مرا لين كدا قاهرني بيتحرك ...

كمان الطبقة الزهرية مستوية وناعمة ..

عارفا دحين بابا كلم الدكتورة اللا في مصر وقالتلو إنو أغسل بالنورمنسلاين بأقول لبابا إنو ما ينفع بس بيسمع كلام الدكتورة هادي

[Dr.Passed]

ياربيييييي ليه طيب تقلك ماينفع

ما اعرف ايش اقلك ..يعني المفروض انو ينشف..بيتحرك لأنو لسا دوبو بيبدأ يتكون ويتلحم

ما اعرف حبيبتي انا نقلتلك نفس الكلام الي ماما قالتو انتي شوفي ايش انسب
..بس ما انصح تجي مويه عليه ..لأنو نفس حالتك سارتلي قلتلك..عالجتو بنفس الطريقه والحمد لله مافي اثر حرق ابداا

[محمد عماد]

الله يشفيك ويشفي جميع المسلمين