الاسنان حقائق ولكن (سطحيه )

[LucKy LAD]

بسم الله الرحمن الرحيم

كيف حال الكل ان شاء الله الجميع بخير


طيب بدون المقدمات المنمقه

نحن بأذن الله دفعة طب الاسنان لدي السنه وقدامنا مشوار باذن الله نحن قده ونخلصو سوا

الشاهد في الموضوع

انا عارف انو نقدر نتكلم عن الاسنان بتوضيح عالي وزي كدا

لكن ما احد ينكر ان في اراء (فرضا ) تقول بدري ولاحقين والكلام اللي الكل عارفه

لكل شخص وجهة نظر طبعا وعني شخصيا ما أعارض احد

نحن حندرس بيسك واسع جدا بعديين حنتعمق في الاسنان

عشان كدا انا حأتكلم عن الاسنان بشكل سطحي شويه وكلام نوعا ما

يعطينا الحافز الي هوا اهم شي نحتاجه الفتره الحاليه ولا تبخلو علينا بأي معلومه



حقائق عن الاسنان

اقوى اسنان في العالم عائدة الى جون ماسيس من بلجيكا , اثبت ذلك من خلال سحب شاحنة تحمل سيارات زنة 80 طن ممسكا الحبل باسنانه , ولكن تذكر ان اسنانك خلقت للاكل ويجب ان لاتستخدم لغير ذلك

يهمنا هنا مو اسم الرجال يهمنا قوت تحمل السن للانسان الطبيعي

الحوت الازرق الذي له فم كبير بحيث يسطيع رجل بالغ الوقوف فيه رافعا يديه لايستطيع ان يبتلع شيئا اكبر من جمبري صغير وهو يتغذى على العوالق البحريه

السبب يرجع للأسنان طبعا
حيوان المدرع له عدد اسنان كبير بحدود 140 سن اكثر من اي حيوان يعيش فوق الارض
معلومه حلوه لكن غير مهمه في نظري

االجرذان لابد ان تستمر بالمضغ والقطع حتى تظل الاسنان الاماميه بطول طبيعي واذا حدث ان فقد سن امامي علوي فان السن الفلي المقابل يستمر في البزوغ والتطاول حتى يصل لدماغه

المعلومه دي لو دققنا النظر فيها نقدر نعمل اكتشافات كبيره من وراها

الحلزون له فم صغير كرأس القلم ومع ذلك له اسنان بحدود 25600 سن
برضو معلومه حلوه خفيفه

البشر لهم اربعة انواع من الاسنان القواطع لقطع الطعام الانياب للتمزيق وخاصة اللحم اما الضواحك والارحاء فهي لطحن وسحق الطعام ليتم بلعه

طبعا بأذن الله انتو حتضحكو لمن تقرو الكلام دا بعد الدراسه لانه حيكون زي ( حروف الهجاء)

هل تعلم ان مقدار الضغط المطبق عند المضغ على الاضراس يمكن ان يصل الى 200 كغ \سم2 وهذا مايفسر ان الاسنان تستطيع سحق الاشياء القاسية

محا اتكلم عن المعلومه دي لاني احسها لب الموضوع




اي احد يقدر يفيدنا يتفضل ولا تحرمونا من تعاونكم


لكم كامل احترامي


زيــاد

[Ms.Alawani]

مم حركااات عليكم يالمتحمسين للدراسة ^_^
شكلها السنه التحضيرية علمتنا الدووفرة

معلومات كلها جميله وقيمة جداً .. اما سالفه الحوت مو داخله في عقلي ^_^
وقصة الفأر .. القط نفس الشي بالضبط اذا مااستخدم اسنانه بااستمرار يطول الى مالا نهايه ^_^

[rayyan1444]

حتى انا اسناني قوية .. مرة من المرات الونيت حق جدي بنشر الكفر حقه واقوم اسحبه باسناني الى البنشر حق السيارات..

[rayyan1444]

وبالنسبة حقت جون ماسيس يمكن تكون سحر لانو انا شفت مره بالتلفزيون حاجه زي كذا في برنامج حق سحر ..

[HaMoDy]

شكرا على المعلومات اخونا زياد

ريان

ونيت جدك ها
ههههههههههههه

[LucKy LAD]

المشاركة الأصلية كتبت بواسطة Ms.Alawani مم حركااات عليكم يالمتحمسين للدراسة ^_^ شكلها السنه التحضيرية علمتنا الدووفرة معلومات كلها جميله وقيمة جداً .. اما سالفه الحوت مو داخله في عقلي ^_^ وقصة الفأر .. القط نفس الشي بالضبط اذا مااستخدم اسنانه بااستمرار يطول الى مالا نهايه ^_^

اهلين اختي الدكتور مس ال عواني

دحيين مين المتحمس بالزبط <<<انا ما نزلت المعلومات العميقه ما شاء الله زيك

موضوع الحوت انا شفته في برنامج وثائقي قبل كدا يعني المعلومه اكيده

توقعت مرورك في الموضوع سريعا ماشاء الله

شكر لردك ولكي كامل احترامي




حتى انا اسناني قوية .. مرة من المرات الونيت حق جدي بنشر الكفر حقه واقوم اسحبه باسناني الى البنشر حق السيارات..


ريان ايش دا

تسلم يا عسل ع خفة دمك وتشريفك للموضوع كم مرره


hamody

الشكر لله والكل هنا اخوان وانا اعارف انك محا تقصر لو احتجنا معلومات يعني مردوده ان شاء الله

شكرا لك اخي

كامل احترامي للجميع


زيـاد

[حابه # اتخصص]

معلومات جدا رائع وخفيفه و ممكن يستفيد منها الكل وشكرااااا

[υикиσωи]

يعطيك العافية زياد ع المعلومات الحلوة ..

وترا بالعكس اانااا أحب اقرا المواضيع الصغنونة اللي زي كدا أكتر من الطويلة ...

المشاركة الأصلية كتبت بواسطة rayyan1444 حتى انا اسناني قوية .. مرة من المرات الونيت حق جدي بنشر الكفر حقه واقوم اسحبه باسناني الى البنشر حق السيارات..

المشاركة الأصلية كتبت بواسطة rayyan1444 وبالنسبة حقت جون ماسيس يمكن تكون سحر لانو انا شفت مره بالتلفزيون حاجه زي كذا في برنامج حق سحر ..

.. .. ..

[rayyan1444]

ان ناون ووين الحلاوه مصاصه خخخخخخخخخخخخخ

ترى ان ناون من جد اسناني قوية يلا تعالي اعضك وانتي شوفي بعينك <<< ولد دراكولا

[LucKy LAD]

اناون
شكرا يسلمو لمرورك العطر : )



ريان

يا بو الشباب فيييييييييين


be polite ya doc

على الاقل في موضوعي
بس ردك ضحكني والله

تسلم لمرورك المتكرر

كامل احترامي للجميع

زيـاد