ارجو المساعدة في اختيار التخصص

[mero0o0o]

السلام عليكم ورحمة الله وبركاته

ارجو من اصحاب الخبرة مساعدتي في اختيار التخصص لانه فعلاً محتا

عندي شهادة دبلوم سنتين بعد الثانوي من جامعة طيبة محاسبة
شهادة بكالريوس ادارة موارد بشرية من جامعة الملك عبدالعزيز

الفرق بينهم انه المحاسبة انتظام وافكر اكمل واعادلها خارج السعودية او حسب ماتتيسر الامور معايا لتصبح بكالريوس انتظام
وماعندي اي خبرة في المحاسبة

الثانية بكالريوس ادارة الموارد البشرية تعليم عن بعد


التخصصات اللي محتارة بينهم ماجستير الادارة العامة والمحاسبة
اللي اتمناه دراستي كلها تكون على مسار واحد
بس ايش الافضل واللي حيكون في صالحي اكثر؟

[أنا متفائلة]

(( انا لست متخصصة ))

لكن بعد "الاستشارة والاستخارة "
انا اشوف تكملي ماجستير موارد بشرية او إدارة اعمال تكملي في نفس مجال تخصص البكالوريس
ولك حرية الاختيار والتوفيق ..

[Naser]

وعليكم السلام ورحمة الله وبركاته

ماشاء الله, الله يوفقك يا اختي
حاليا انتي ما تقدري تكملي ماجسيتر محاسبة لان لازم اول تاخذي بكالوريس محاسبة
يعني اما تكملي دراسة خارج المملكة وتحصلي على بكاليوريس او تدرسي هنا
وبعد كذا تقدري تدرسي محاسبة ماجستير

التخصص الثاني هو الادارة العامة - تعليم عن بعد
و تقدري تدرسي ماجستير كذا تخصص في الادارة بهذة الشهادة


يعني الاختيار اللي انتي محتاره بينهم
اما تكملي بكاليوريس ثاني في المحاسبة على الدبلوم اللي عندك

او ماجستير في الادارة العامة او تخصص مشابهه ( موارد بشرية مثلا إلخ )

أنا ارى اذا ما كانتي شغوفة بالمحاسبة, كملي ماجستير في الادارة


الله يوفقك يارب
وياهلا

[لمار عزوز]

وعليكم السلام ورحمة الله وبركاته
مااشاء الله ،،، المحاسبه تخصص جمييل وكل شخص وميوله
وزي ماقال الأخ ناصر لو مالك شغف فيها
كملي إدارة وأشوف الأنسب لدراساتك " إدارة أعمال " أو موارد بشريه
بالنهايه استخيري وابحثي كيف حيكون مشوارك وأيش الأنسب لك
موفقه يارب ،،،

[المبتسم2019]

شوفي يابونيتي في جامعة الملك عبدالعزيز في الدراسات العليا لا يوجد فرق في القبول في نظام الدراسة انتساب او انتظام الفرق الوحيد هو المعدل أو اجتياز اختبار القبول ان وجد يوجد بعض التخصصات كلهم انتساب واحد انتظام او اثنين واحيانا العكس يعني حكاية انتساب وانتظام لا وجود لها في الجامعات الكبيرة مثل جامعة الملك عبدالعزيز والملك سعود الي يفرقو بين نظام الدراسة هي الجامعا الناشئة عديمة الخبرة
انا حاليا انتساب دراسات عليا وعددنا 15 طالب
11 انتساب و 4 انتظام
اما لو انتي مانتي حابه التخصص فهذا شيء اخر