أرجو من سكان رابغ و طلاب و طالبات رابغ -أنتظام الدخول

[بنت الزهور]

الســـــــــــــــــــــــــــــــــلام عليكم ورحمة الله وبركاته

حابه افتح موضوع يفيدني ويفيد الطلاب في رابغ انتظام , إلى هوا (( الكتب ))
زي ما الكل عارف الاسبوع هذا بدات الدراسه بنسة لطالبات كليه الاعمال و كان في لخبطه في الجدول بحيث الهوانم نزلو الجدول بدون ارقام القاعات *_*
المهم و حضرت محاضرتي إلى هي كانت (مقدمه في إدارة اعمال ) المشكله انو وقت سئلت الاستاذة عن الكتاب قالت انو كتابها كان النسخه الاخير في مكتبة جرير إلي في جده
وانا عايش في جده يدوب اوصل رابغ بالسلامه و مافي منو في جده و طلبت منا انو نشتريه من المكتبات في رابغ , وما ادراكم ما رابغ, لا و الكتب كلها باللغة الانجليزيه

طلبتكم لا تردوني : إلي يعرف مكتبات في رابغ او مكتبه للكتب المستعمله أو لتصور الكتب بيليييز اكتبو اسمها و رقمها و الحي إلي هي فيها إذا عندكم
كثير بنات محتاسين و ضايعين زي حالتي

وشكرا .........

[Croft]

انا مو انتظام بس بما انك عايش في جده .. المكتبات اللي عند الجامعه الكتب كلها تكون متوفره فيها لا جرير ولا غيره
وغريبه كتاب مقدمة في ادارة الاعمال مو متوفر ؟!
لانو الترم الي فات انا اخذت المادة وشريت الكتاب من جده وما اظن فيه اختلاف بين الانتظام والتعليم عن بعد ..
يعني مو معقولة كتاب يُدرّس ومو متوفر بس شوية صبر وبحث واكيد بتلقى



وان شاء الله يفيدونك المنتظمين اهل رابغ .

[جودي الحربي]

انا اشتريته من رابغ


مكتبه المراحل متوفر فيها كتب الاستاذات طبعا كلها انقلش بس هي قالت كتاب ولا ملزمه ؟


في مكتبه متوفره فيها اغلب كتب الجامعه بس ناسيه اسمها :(

عموما اذا تعرفي احد بفرع الطلاب يجيبلك هو من مكتبتهم

[بنت الزهور]

شكرا ياعسولات
ايوا في فرق بين كتب الانتظام و كتب التعليم عن بعد ,الانتظام بالانجليزي

بس فين مكتبه المراحل بالزبط انا ما اعرف احد في كليه الاولاد ؟ أول مرة اسمع بيهاا *_*

[Relax 2013]

سلام عليكم
اول شي تاكدي ان اللي طلبتة موكتاب ، ﻻن اكيد بيكون لها ملخص ، التكتاب يطلبونه البعض اذا تخصصوا ، اذا انتي مو متخصصه اكيد في ملزمة

وانا اوﻻ واخرا راح اوصف لك المكتبات وانتي تاكدي .

مكتبة المراحل :
موقعها في رابغ امام جامعة البنات مباشرة على الطريق السريع بين الاشارتين وشوفي الكروكي وهالمكتبة كل استاذات الجامعة تبع البنات يحطوا ملخصاتهم فيها ﻻنها قريبة من الجامعة بامكانك تخرجي لها مشي


مكتبة في مبنى الطلاب اسمها على ماعتقد دار الثقافة :
موجوده في مبنى السنة التحضيرية الدور الثالث بامكان ترسلي احد تعرفيه او سايق ويجيب اللي تبينه من المكتبة

الكتاب المستعمل :
موقعها في جدة لكن نسيت بالتحديد وين بالضبط حاولت اعرف مكانه عشان اسوي كروكي لكن ماني متاكد وخفت اضيعك ولكن هالمكتبة موجود في حي الجامعة
وهذا رقم تليفونهم 0126011777 تقدري تتصلي وتستفسري عن المتب وانا انصحك بالمكتبة ﻻن اسعارها حلوة وتحصلي كتب نظيفة مستعملة أذا واجهتي مشكلة في الاتصال احذفي 012 واتصلي من بداية 6 من تلفون ارضي

تمنياتي التوفيق للجميع ،،،

[أفناان]

دار الثقافة ورا بنك الرياض انا من اهل رابغ ادا تبغين اي شي يخص برابغ انا بالخدمة

[بنت الزهور]

المشاركة الأصلية كتبت بواسطة relax 2013 سلام عليكم اول شي تاكدي ان اللي طلبتة موكتاب ، ﻻن اكيد بيكون لها ملخص ، التكتاب يطلبونه البعض اذا تخصصوا ، اذا انتي مو متخصصه اكيد في ملزمة وانا اوﻻ واخرا راح اوصف لك المكتبات وانتي تاكدي . مكتبة المراحل : موقعها في رابغ امام جامعة البنات مباشرة على الطريق السريع بين الاشارتين وشوفي الكروكي وهالمكتبة كل استاذات الجامعة تبع البنات يحطوا ملخصاتهم فيها ﻻنها قريبة من الجامعة بامكانك تخرجي لها مشي مكتبة في مبنى الطلاب اسمها على ماعتقد دار الثقافة : موجوده في مبنى السنة التحضيرية الدور الثالث بامكان ترسلي احد تعرفيه او سايق ويجيب اللي تبينه من المكتبة الكتاب المستعمل : موقعها في جدة لكن نسيت بالتحديد وين بالضبط حاولت اعرف مكانه عشان اسوي كروكي لكن ماني متاكد وخفت اضيعك ولكن هالمكتبة موجود في حي الجامعة وهذا رقم تليفونهم 0126011777 تقدري تتصلي وتستفسري عن المتب وانا انصحك بالمكتبة ﻻن اسعارها حلوة وتحصلي كتب نظيفة مستعملة أذا واجهتي مشكلة في الاتصال احذفي 012 واتصلي من بداية 6 من تلفون ارضي تمنياتي التوفيق للجميع ،،،

شكرا ... ماقصرت الله يسعدك و يوفقك في الدنيا و الاخره

[بنت الزهور]

المشاركة الأصلية كتبت بواسطة أفناان دار الثقافة ورا بنك الرياض انا من اهل رابغ ادا تبغين اي شي يخص برابغ انا بالخدمة

شكرا ياعسل ...... الله يوفقك ويجلها في ميزان حسنانك