ابغى اعرف فين تنزل الاخبار تبعت الاختبارات المهمة للتخصص ( تعديل موضوع مخالف ) ..

[بلشة]

بسم الله الرحمن الرحيم

طبعا باين الموضوع من عنوانه ...... طلب يعني

صبايا طبعا لاني دخلت مبنى 43 وضعت فيه ماعرفت فين اروح ولا مين اسال
قلت مالي غير بنات الاقتصاد المنزلي يدلوني :)

ابغى اعرف فين تنزل الاخبار تبعت الاختبارات المهمة للتخصص ؟؟
فين الاقي اعلانات الاختبارات ؟؟
زي اختبار القبول في التصميم الداخلي ؟؟
ومين اسال اذا كنت ابغى اعرف شيء عن الاقتصاد المنزلي ؟؟


وطلب اخير اي بنت من اي مستوى وهي ماشية شافت اعلان مهم عن اختبار او اي شيء يخص القسم تقول لنا :)

وشكرا صبايا

[ساكنه في بيتنا]

في لوحة اعلانات في 43 اول ما تدخلي على يدك اليسار ,, و فيه كمان التلفزيون ..

و لو بدك اي شي يخص الاقتصاد المنزلي روحي الشؤون اول ما تطلعي الدرج على يدك اليسار ..

[~.. وتحطم الحلم ..~]

الله يوفقك ويعينك
بس خليكي متابعة الاخبار مزبوط يعني أسأليهم كل شوية لانهم ممكن مايحطو اعلان ولاشي يعني زي العام لمن كان الاختبار حق التصميم ماشوفت ولانص اعلان بس هما يقولو انهم حطو

[بلشة]

ايوة انا من العام ماعرفت الا بعد ما انتهى وحسيت باحباط وحزن لانو فاتني :(

بس مين اسال اذا ما انحطت اعلانات ؟؟؟

[بلشة]

المشاركة الأصلية كتبت بواسطة ساكنه في بيتنا في لوحة اعلانات في 43 اول ما تدخلي على يدك اليسار ,, و فيه كمان التلفزيون .. و لو بدك اي شي يخص الاقتصاد المنزلي روحي الشؤون اول ما تطلعي الدرج على يدك اليسار ..

مشكورة بس فين في اي مكتب بالتحديد ؟؟؟


ومشكورة مرة ثانية :)

[~.. وتحطم الحلم ..~]

^^^
روحي عند أي مكتب يقابلك وأسئليهم قوليلهم لو ابغى أسئل عن التصميم الداخلي أسأل مين وهما راح يدلوكي

[بلشة]

مشكورة :)

[بطووووطه]

^
^

أنا شفت إعلان اختبار التصميم الداخلي .. في السمستر اللي فات :
١- موقع الجامعة > كلية الاقتصاد المنزلي > قسم التصميم الداخلي ( كنت اتابعه كل اسبوعين تقريبًا )
٢- لوحات الإعلان في مبنى ٤٣ .. بس ما افتكر بالزبط أي لوحة ..
٣- في واحد من المكاتب في الدور التاني لمبنى ٤٣ .. كان في إعلان برضو

لو أي وقت شكيتي فيه انه قرّب الاختبار .. طبي على قسم إدارة السكن و المؤسسات و اسألي السكرتيرة :d .. مو خسرانة شي !
السمستر اللي فاتت .. كان اختبار مهارات التصميم قبل شهر كامل من اختبارات النهائية للتحضيري تقريبًا -مو فاكرة بالزبط لكن تقريبًا -!!!!

كلمي صحباتك و كدا انه لو وحده شافت تقول لك .. لأنه انا كتير اشياء توصلني من صحباتي ^^"
دمتم بود ..

.
.

[بلشة]

انا عرفت عنو العام بس كانت التسجيل فاتني وشروط اختبار كانت معجزة من ناحية المعدل :(

[بلشة]

المشاركة الأصلية كتبت بواسطة بطووووطه ^ ^ أنا شفت إعلان اختبار التصميم الداخلي .. في السمستر اللي فات : 1- موقع الجامعة > كلية الاقتصاد المنزلي > قسم التصميم الداخلي ( كنت اتابعه كل اسبوعين تقريبًا ) 2- لوحات الإعلان في مبنى 43 .. بس ما افتكر بالزبط أي لوحة .. 3- في واحد من المكاتب في الدور التاني لمبنى 43 .. كان في إعلان برضو لو أي وقت شكيتي فيه انه قرّب الاختبار .. طبي على قسم إدارة السكن و المؤسسات و اسألي السكرتيرة :d .. مو خسرانة شي ! السمستر اللي فاتت .. كان اختبار مهارات التصميم قبل شهر كامل من اختبارات النهائية للتحضيري تقريبًا -مو فاكرة بالزبط لكن تقريبًا -!!!! كلمي صحباتك و كدا انه لو وحده شافت تقول لك .. لأنه انا كتير اشياء توصلني من صحباتي ^^" دمتم بود .. . .

مشكورة دحين عرفت مين اسال