لبنات تخصص ادب انقليزي :(

[beeebeee023]

السلام عليكم ورحمه الله وبركاته
بنات انا تحضيري مسسار اداري وابغى اعرف عن تخصص الادب النقليزي
ايشش ايجابياتو وسلبياتو
وهل تنصحوني ادخلو او لا كتير قالولي انو صعب
اللي عارفه ياليت تشرحلي وتفيدني اكتر عن دا التخصص وشكرا :"((

[ibsh_o]

انا صار لي سنتين متخصصه فيه
اول سنه بيسكس ( ريدنق - رايتنق - لسننق وسبيكنق ) واللي بعدها تبدأين ب الادب واللغويات
اذا ماعندك خلفيه كامله عن القرامر و الكلمات و التفكير الناقد ما بتمشين ب شي , قولي البيسكس سهله اما الباقي لا
يبي لها شغل كثير وشدة ححححيييييللللل بالذات الادب اما اللغويات جميل
الادب ( شعر - مسرحيه - ادب قصه - ادب حديث - روايه- نقد - شكسبير )
اللغويات ( نحو - صرف - صوتيات - علم اصوات - لغويات اجتماعيه - لغويات تطبيقيه - علم الدلاله )
اللي يحدد كل شي البليسمنت تست حق القسم ( اختبار تحديد المستوى ) بصراحه شفته سهل مع انه قبلو 65 بنت من بين 200 بنت اختبرت !!
كان فيه قسمين ريدنق ورايتنق .
الريدنق قسمين و الرايتنق كان تكتبين اساي ب فوق 250 كلمه .
طبعا كل ماده تعتمد عليك وشوي عالاستاذه . ومن استاذه للثانيه تفرق جداااا !!
اذا حاسه نفسك قد شدة الحيل والشغل شدي حيلك وسجلي ف اختبار تحديد المستوى من بدري ولازم يكون معدلك فوق 3
واذا ما انقبلتي فهو خيره .
الله يوفقك ويوجه لك الخير .

[روتانا]

والله شوفي ازا انتي من النوع اللي يحب دراسة الادب والمسرحيات والشعر ف حيكون التخصص حلو اما ازا مالك فيهم ف مارح تقدري تكملي.. انا اعرف وحدة بيرفكت انجليزي بس ماتحب القصص والشعر والاشياء دي والله من بعد ترمين في التخصص انسحبت ف لو عندك دا الشي اتوكلي ع ربك وادخلي التخصص دا بس كمان لازم تشدي ع نفسك وتحاولي تطوري من لغتك لانو المواد رح تكون بلغة اعلى من المتوسط بشويا..دا كل اللي عندي واتمنى انك تلاقي في كلامي شي ممكن يساعدك وموفقة باذن الله
اسفة ع الاطالة ....

[انسه سوشي]

وعليكم السلام ورحمة الله وبركاته
اذا عندك رغبة فالتخصص باذن الله رح تقدري تنجحي فيه
ومايهمك اللي يقولوا صعب
هو صحيح اول سنه شوي متعب بس لما تبدي بمواد المقدمات بيكون جدا ممتع
وعموما التخصص باكمله سيلف ستدي يعني تعتمدي ع نفسك بكل شي
الله يوفقك ويكتب لك اللي فيه الخير لك