سناء عطاس مايكرووو

[Lil Doll]

ليش كدا كلكم خايفين منها .. انا نزلتها معاها بمحض ارادتي السنة اللي فاتت
شرحها مررررررررررررره ممتاز وتديكي المختصر المفيد ماتكتر هرج ولا شي
حتى اسماء بكتريا اللي تجيب الهم مو زي الدكاتره الباقيين يخلوكي تحفظي درزن واسماء تدوخ
تحفظو كم مثال بسيط بس وماقد جابتهم بااي اختبار

مره حبيت معاها المايكرو والاشياء اللي تطفشكم فيها من واجبات وعروض كلها لمصلحتكم
ترفعكم فيها كتيييييييييييييير والحمدلله اخذت معاها A+

بس احترموها واحترمو المواعيد اللي تحددها كل شي يمشي كويس ..

بالنسبة لاسئلتها اممم لما سألت قبل مااخذ الماده قالو انها حلوه بس الرسمات مره تركز عليها
يعني صفحه كاملة رسمات وعليها درجات كبيرة .. بيانات طبعا بس .. والبنات شكلهم خبصو
فـ في السنة حقتنا صارت تجيب كلوو اختياري والرسمات كمان اختياري وفي الدوري التاني
كلماااات وانتي تحطي كل كلمة جمب الجملة اللي تناسبها والجزء التاني اختياري ..

في احسن من كدا !!! مره تحب تساعد ترا حتى كانت تقولنا كيف تبغو طريقة الاختبار!!
لانو البنات مره خبصو في الاول اتوقع لانو كل اختياري كان عليه درجة وبعض الاختياري يلخبط

انتو ذاكرو التست بانك بس نسيت انا الشبترات بالضبط اللي كانت معانا فبنزلها كلهااا
صحححح وفي الكتاب مدري اذا انتو نفس كتابنا ولا لأ كانت تنزل شباتر في المكتبه واحنا نصورها
في جزئية الـstudy outline دي مرررره فادتني كتير يغنيكي عن السلايدات اصلا بس مدري كيف كتابكم



HERE

[الشيمآء]

^
شكرًا .. الله يسعدك يا شيخة :)

[Lil Doll]

صح لاتنسو تدعولي وانتو تذاكرو .. واتخرج بمعدل حلو :$

[الشيمآء]

^
الله يوفقك ^^"

بنات
الشباتر اللي معانا :
1 , 4 , 6 , 7 , 8 , 10 , 11 , 12 , 13

* من الدليل

بالتوفيق ~

[نونا *_*]

الله يوفقك يارب وتتخرجي بمعدل عالي ^^

[%همسة%]

الله يسعدك وويوفقك وتتخرجي بمعدل عالي يااااارب
بس سؤال كنتي تذاكري من التست بانك بس والا من الكتاب كمان؟

[Lil Doll]

التيست بانك ماجاني الا متأخر قبل الفاينل بيوم اتوقع
فكنت مذاكره الحمدلله من الكتاب بالتحديد الاستدي اوتلاين اللي ورا كل شبتر
مو ماذاكرت غيرو بس يعني ركزت عليه .. بعدين لما جاني التيست بانك راجعت منه :)

والفاينل كان يجنن بشهادة الاغلب لانو كان اجزاء كتيرة اذا ماكانت كلها من التيست بانك

وبالتوفيق للكل :)

[الشيمآء]

طالبات مادة ميكروبيولوجي الفاضلات ، الرجاء التوجه مباشرة يوم الأحد القادم للحصول على كتاب الميكروبيولوجي من مكتبة الخوارزمي بالكلية للبدء بالمذاكرة، قبل نفاذ الكمية نظرا لكثرة الطلب من الشعب الأخرى وذلك حسب ما وردني من شركة النشر القائمة على ذلك وشكرا د. سناء العطاس

^_^ .

[Glucose ~]

لسه الدنيـآ بخير وفي ناس تحب الخير لغيرهآ ..

جزآآك الله الف خييير خيتو Lil Dol

ريحيتنا الله يريحك ويوفقك ويحقق لك اللي تبغيه

ولكل البنات اللي بيساعدو مرره شكراً ..

وبإذن الله تتسهل معانا ونجيب اعلى درجات يارب

[شذاووي]

الله يسعدك ويووفقك يآآشيخه Lil Dol

يآآرب تتخرجي بمعدل عآآآآآآآآآآآآلي

وادعيلنا تتيسر معنا ونعدي بـ A

والله اسعدني كلامك ^^